यावेळी खा ‘वेज पनीर भुर्जी’, लठ्ठपणा कमी करण्यास मदत करेल ही लो फॅट रेसिपी!

Spread the love

बहुतेक वेळा असं होतं की, वर्कआउट, योग किंवा वॉकच्या काही वेळानंतर प्रचंड भूक लागते. अशावेळी अजिबात समजत नाही की, असा कोणता पदार्थ खावा जो आपल्या शरीरात बनलेल्या उर्जेच्या प्रवाहास कायम ठेवेल आणि आपल्या हट्टी जिभेचे चोचले पुरवण्याइतकं टेस्टी देखील असेल. जर तुम्हीही अशा विचारात असाल तर वेज पनीर भुर्जी (benefits of eating paneer) हा सर्वोत्तम पर्याय आहे. वेज पनीर भुर्जी शाकाहारी (vegetarian) व मांसाहारी (non vegetarian) दोन्ही प्रकारची लोक खाऊ शकतात, ही भुर्जी खूप स्वादिष्टही असते आणि सर्वात महत्त्वाचं म्हणजे ही आपल्याला वजन कमी करण्यासाठी मोलाची मदत करते.

शरीराला प्रोटीन प्रदान करणा-या अनेक स्त्रोतांपैकी पनीर हा एक खूपच चांगला व लाभदायक पर्याय आहे. पण बहुतांश लोक पनीर फक्त भाजी, भजी किंवा पराठे बनवण्यासाठीच वापरतात. पण पनीर खाण्याचा सर्वात लाभ तेव्हा मिळतो जेव्हा ते कच्चे खाल्ले जाईल. जर तुम्हाला प्लेन पनीर खायला आवडत नसेल तर तुम्ही पनीरची चविष्ट भुर्जी करुन देखील खाऊ शकता.

पनीर भुर्जीसाठी लागणारी सामग्री व पाककृती

पनीर (आवश्यकतेनुसार), साजूक तूप, जिरे, हळद, मिरपूड, आलं, लसूण, कांदा, गाजर, टोमॅटो आणि शिमला मिरची, बारीक चिरलेल्या हिरव्या मिरच्या

पाककृती पुढीलप्रमाणे :-

गॅसवर पॅन ठेऊन गरम करा. आता १ चमचा साजूक तूप घ्या. तूप वितळल्यानंतर त्यात १/२ चमचा जिरे, १/२ चमचा हळद आणि १ हिरवी मिरची बारीक चिरुन घाला. आता यात बारीक चिरलेल्या लसणाच्या ३ ते ४ पाकळ्या आणि १ चमचा छोटे छोटे तुकडे केलेले आले घाला. सर्व सामग्री चांगली मिक्स करा. सर्व सामग्री चांगली परतल्यानंतर त्यात एक बारीक चिरलेला कांदा, बारीक चिरलेले गाजर, १ बारीक चिरलेले टोमॅटो आणि एक बारीक चिरलेली शिमला मिरची घाला. आता सर्व भाज्यात चवीनुसार मीठ आणि मिरपूड मिक्स करा. हाय बीपीची समस्या असणा-या लोकांनी मीठाचा कमी वापर करावा. सर्व भाज्या शिजवण्यासाठी ८ ते १० मिनिटे मंद आचेवर झाकून ठेवा. सर्व भाज्या शिजून मऊ होतील तेव्हा त्यात १०० ग्रॅम पनीरचे छोटे छोटे तुकडे कापून त्यात घाला. सर्व सामग्री पुन्हा एकजीव करा व शिजवून घ्या. तयार झाली आपली स्वादिष्ट व हेल्दी पनीर भुर्जी! ही भुर्जी आपल्याला स्वस्थ ठेवण्यास मदत करण्यासोबतच शरीरावर अतिरिक्त चरबी जमा होऊ देणार नाही. खास गोष्ट तर ही आहे की, तुम्ही ही भुर्जी दिवसातील कोणत्याही वेळी बनवून खाऊ शकता. सकाळच्या एक्सरसाइज नंतरही व संध्याकाळच्या वर्कआउट नंतर सुद्धा!

(वाचा :- पोट सतत खराब होतं? मग जाणून घ्या तुमचा इटिंग पॅटर्न किती योग्य आहे?)

हाडे होतात मजबूत

वाढत्या वयामुळे हाडांची झीज होते तर मेनोपॉजमुळे स्त्रियांनाही हाडांच्या तक्रारी सुरु होतात. तसंच व्यायाम न करणे, अयोग्य आहार घेणे यामुळे हाडे सहज फ्रॅक्चर होणे किंवा ठिसूळ होणे अशा समस्या उद्भवत राहतात. म्हणूनच हाडांच्या बळकटीसाठी पनीक व दुग्धजन्य पदार्थांचं सेवन करावं. पनीर मध्ये व्हिटॅमिन ए, फॉस्फरस आणि कॅल्शियम असल्यामुळे हाडे मजबूत होतात. दुधामध्ये कॅल्शियम मुबलक प्रमाणात असते. एक कप दुधामध्ये 280 mg कॅल्शियम असते. त्यामुळे हाडे मजबूत राहण्यासाठी दररोज कपभर दुधाचा आहारात समावेश असावा. दुधामध्ये प्रोटीनही भरपूर असल्याने मांसपेशींच्या आरोग्यासाठीही ते उपयोगी ठरते. याशिवाय दुधाचे पदार्थ म्हणजे दही, लोणी, तूप, ताक, पनीर यामुळेही भरपूर कॅल्शियम मिळत असते.

(वाचा :- रक्तप्रवाह सुरुळीत राहण्यासाठी व पोटरीचे स्नायू हलके होण्यासाठी नियमित करा ‘हे’ साधेसोपे व्यायाम!)

प्रोटीन रिच डाएट

१०० ग्रॅम पनीर मध्ये जवळ जवळ १८ ग्रॅम प्रोटीन आढळतं. पनीर मध्ये नैसर्गिकरित्या चिकटपणा असतो जो त्वचेमध्ये व शरीरातील इतर स्नायूंमध्ये मऊपणा टिकवून ठेवतो. ज्या लोकांना मांसाहार किंवा अंडी खायला आवडत नाहीत त्या लोकांनी मसल्स स्ट्रॉंग करण्यासाठी पनीरचं सेवन करणं गरजेचं असतं. प्रोटिन आणि कॅल्शियमबरोबरच पनीरमध्ये कॉन्ज्युगेट लिनोलीकअ‍ॅसिड नामक फॅटी अ‍ॅसिड असते. यामुळे शरीरातील फॅट्स कमी होऊन वजन कमी करण्यास मदत मिळते. त्यामुळे वजन कमी करायचे असल्यास आहारात पनीर असलेल्या पदार्थांचा समावेश करावा.

(वाचा :- डायबिटीज, केसगळती व लठ्ठपणावर रामबाण ठरतात मेथीदाणे, जाणून घ्या वापराची पद्धत!)

वजन कमी करण्यासाठी

पनीरमध्ये प्रोटिन आणि कॅल्शियमबरोबरच पनीरमध्ये कॉन्ज्युगेट लिनोलीक अ‍ॅसिड नामक फॅटी अ‍ॅसिड असते. कॉन्ज्युगेट लिनोलीक अ‍ॅसिड आपलं मेटाबॉलिज्म योग्य ठेवण्यास लाभदायक ठरते व यामुळे आपले वजन नियंत्रित राहते. सोबतच पनीर भूक कमी करणा-या हार्मोन्समध्ये जसं की जीएलपी १, पीवाइवाई व सीसीकेच्या पातळीत वाढ करतं. पनीर मध्ये कॅल्शियम ,फॉस्फरस, पोटॅशियम आणि झिंक सुद्धा मोठ्या प्रमाणात असतं. लहानांपासून मोठ्यांपर्यंत सर्वांनाच पनीर खाल्ल्याने आरोग्यदायी लाभ होतात. ज्यांच्या शरीरात यूरिक ॲसिड मोठ्या प्रमाणात वाढलेलं असतं त्यांना पनीर खाण्याचा सल्ला दिला जातो. तसंच जे नियमित व्यायाम करतात त्यांनाही पनीर खाणे गरजेचे असते.

(वाचा :- आयुर्वेदिक पद्धतीने मिळवा मानसिक तणाव व नैराश्यातून मुक्ती, तन-मन होईल शांत!)

पनीर खाण्याचे इतर फायदे

पनीर खाल्याने शरीराला ऊर्जा मिळते. हेल्दी फूडमध्ये पनीरचा समावेश करता येतो. पनीरचं सेवन केल्यास अनेक आजारांपासून दूर राहता येत. यामुळे रक्तातील साखरेची पातळी नियंत्रित राहते. पनीरमध्ये कॅल्शियमही जास्त असल्याने दात व हाडे मजबूत राहतात. हा दुग्धजन्य पदार्थ असला तरी पनीरमध्ये दुधापेक्षा जास्त पोषक घटक असतात. पनीरमध्ये कॅलरीजचे प्रमाण जास्त असल्याने ज्यांना ह्रदयरोग, मधुमेह किंवा इतर काही त्रास असतील त्यांनी डॉक्टरांच्या सल्ल्याने पनीर खावे. सोबतच पनीरमधील मॅग्नेशियम इम्युन सिस्टम मजबूत करते. मॅग्नेशियम मधुमेह, पाठदुखी, अस्थमा, बद्धकोष्ठता यासारख्या आजारांपासून मुक्ती देण्यास लाभदायक ठरते.

(वाचा :- अथक प्रयत्नांनंतरही लठ्ठपणा कमी होत नसल्यास डिनरवेळी करा ‘ही’ ५ कामे!)


Source link

You may also like...

Leave a Reply

Your email address will not be published. Required fields are marked *