‘या’ कारणांमुळे कमजोर होते मुलांची रोगप्रतिकारक शक्ती, काळजी घ्या!

Spread the love

काही मुलांची रोगप्रतिकारक शक्ती अतिशय कमजोर असते. जागतिक आरोग्य संघटना अनुसार विकसित देशात लहान मुलांमध्ये अस्थमा या आजाराचे प्रमाण दुप्पट झाले आहे. खराब पोषण, प्रदुषण, असंतुलित जीवनशैली आणि ताणतणाव या कारणांमुळे लहान मुलांच्या रोगप्रतिकारक शक्तीवर भरपूर परिणाम होतो. पालक आपल्या मुलांना सुदृढ व निरोगी ठेवण्यासाठी हरत-हेने प्रयत्नशील असतात. त्यासाठी ते मुलांना पोषक आहार, ड्राय फ्रुट आणि बरंच काही खाऊ घालतात पण कोणतेच पालक आपल्या मुलांच्या रोगप्रतिकारक शक्तीवर म्हणावं तितकं लक्ष देत नाहीत.

लहान मुलांच्या काही वाईट आणि घाणेरड्या सवयींचा नकारात्मक परिणाम हा रोगप्रतिकारक शक्तीवर होतो. आज आम्ही तुम्हाला अशाच काही मुलांच्या वाईट सवयींची माहिती सांगणार आहोत ज्यामुळे त्यांच्या रोगप्रतिकारक शक्तीवर परिणाम होऊ शकतो. या सवयी तुम्ही जाणून घेतल्यास मुलाला त्यापासून चार हात लांब ठेवणं तुम्हाला सोपं जाऊ शकतं. चला तर जाणून घेऊया त्या काही सवयींविषयी!

मैदानी खेळ न खेळणं

आजकालची लहान मुलं दिवसभर घरात राहून मोबाईल किंवा कम्प्युटरवर गेम खेळत बसतात जे की पूर्णत: चुकीचं आहे. शारीरिकरित्या सक्रिय न राहिल्याने मुलांची रोगप्रतिकारक शक्ती कमजोर होऊ लागते. ज्यामुळे गंभीर आजार त्यांच्या शरीराला भराभर विळखा घालू लागतात. मैदानी खेळ म्हणजेच आऊट डोअर गेम खेळल्याने लहान मुलांना व्हिटॅमिन ड मिळतं जे मुलांच्या रोगप्रतिकारक शक्तीसाठी अतिशय उपयुक्त असतं. म्हणूनच आपल्या मुलांना दिवसातील ४ ते ५ तास किंवा सकाळ-संध्याकाळ मैदानी खेळ खेळण्यासाठी प्रोत्साहित करा. त्यांना या खेळाच महत्त्व आणि फायदे समजावून सांगा. जेणे करुन तुम्ही ठरवलेलं वेळापत्रक ते आनंदाने फॉलो करतील.

(वाचा :- मुलांना देताय व्हिटॅमिनयुक्त आहार? मग ही माहिती जाणून घ्याच!)

अपुरी झोप

अपु-या झोपेचा देखील रोगप्रतिकारक शक्तीवर प्रभाव पडतो. मुलांनी आपल्या वयोमानानुसार दररोज १० ते १४ तासांची झोप घेणं आवश्यक आहे. सकाळी उशीरा उठणं, रात्रभर कम्प्युटर किंवा मोबाईलवर गेम खेळणं, उशीरापर्यंत टिव्ही पाहणं यामुळे मुलं रात्री उशीरा झोपतात. झोपेच्या कमतरतेमुळे स्ट्रेस म्हणजेच ताणतणाव वाढतो आणि यामुळे मेंदूपर्यंत ऑक्सिजन पोहचण्याच्या क्रियेत बाधा येते. यामुळे मुलं अशक्त होतात आणि रोगप्रतिकारक शक्ती कमी होत जाते. याच कारणामुळे किटाणूंना शरीराला विळखा घालण्याची आयती संधी मिळते. रात्री मुलांना जास्त वेळ जागून देऊ नका. खोलीत शांतता आणि अंधार ठेवा.

(वाचा :- बाळाला सर्दी-पडसं झाल्यास करा ‘हे’ घरगुती रामबाण उपाय!)

मनातल्या मनात कुढत बसणे

काही मुलं खुपच मोजून मापून वागणारी असतात त्यामुळे आपल्या गोष्टी त्यांना कोणासोबतही शेअर करायला आवडत नाही. मनातील भावना तशाच दडपून ठेवल्यामुळे त्याचा नकारात्मक परिणाम मुलांच्या आरोग्यावर होऊ शकते आणि ती आजारी पडू शकतात. व्यक्त न झाल्याने मनावरील ताण वाढतो ज्यामुळे रोगप्रतिकारक शक्ती कमी होते. त्यामुळे मुलांच्या कलाने गोष्टी घेण्याचा प्रयत्न करा. अभ्यास असो, जेवण असो किंवा इतर काही अॅक्टिव्हिटीज, त्यांच्या इच्छेनुसार त्यांना वागू द्या. उगाचच प्रेशर देण्याचा प्रयत्न करु नका नाहीतर घाबरुन मुल व्यक्त होणं सोडून देतं. त्याला साधेसोपे योग किंवा व्यायाम करण्याची सवय लावा. ही सवय त्याला शारीरिक आणि मानसिक दोन्ही प्रकारे तंदुरुस्त ठेवेल. सोबतच मन मोकळं करण्याची सवय लावण्यासाठी त्याच्याशी संवाद साधत राहा.

(वाचा :- लहान मुलांसाठी अशा पद्धतीने बनवा ओट्सची चविष्ट आणि पौष्टिक खिचडी!)

अनहेल्दी आहार

रोगप्रतिकारक शक्ती ही पूर्णत: तुम्ही घेत असलेल्या आहारावर अवलंबून असते. संतुलित, पौष्टिक आणि सकस आहारामुळे लहान मुलांची रोगप्रतिकारक शक्ती मजबूत होते. जर मुलं नियमित प्रिजर्वेटिव्‍स आणि साखरेचं सेवन करु लागली तर त्याचा वाईट परिणाम हा त्यांच्या पचनक्रियेवर होतो ज्यामुळे त्यांची रोगप्रतिकारक शक्ती कमजोर होऊ लागते. त्यामुळे मुलांना ताजा, पौष्टिक, सात्विक आहार द्या. दिवसातून थोडं थोडं करुन पाच वेळा त्यांना जेवायला द्या.

(वाचा :- अशी बनवा बाळासाठी सफरचंदाची स्वादिष्ट व पौष्टिक प्युरी!)

सेकंड हॅंड स्‍मोकिंग

जर घराच्या आसपास किंवा घरात कोण धुम्रपान करत असेल तर यामुळे मुलांची रोगप्रतिकारक शक्ती कमजोर होऊ शकते. लहान मुलांची फुफ्फुसे पूर्णपणे विकसित झालेली नसतात त्यामुळे सिगारेटचा धूर त्यांच्यासाठी हानीकारक ठरतो. यामुळे मुलांना ब्रोंकाईटिस, अस्थमा आणि कॅन्सर देखील होऊ शकतो. यापासून बचाव करण्यासाठी आपल्या मुलांना धुम्रपान करणा-या व्यक्तीपासून चार हात लांब ठेवा.

(वाचा :- १ वर्षाच्या बाळासाठी असे बनवा पौष्टिक ड्राय फ्रुट लाडू, प्रेग्नेंट महिलाही करु शकतात याचं सेवन!)


Source link

You may also like...

Leave a Reply

Your email address will not be published. Required fields are marked *