‘या’ कारणामुळेच भारतीय आहारात डाळ खिचडीला आहे अनन्यसाधारण महत्त्व!

Spread the love

भारतीय आहारातील अनेक लोकप्रिय पदार्थांपैकी डाळ खिचडी (dal khichdi) हा सर्वात सर्वात जास्त खाल्ला जाणारा हेल्दी व टेस्टी पदार्थ आहे. डाळ आणि भात एकत्र शिजवून त्यात आपल्या आवडीनुसार साजूक तूप, भाज्या आणि मसाल्यांचा वापर केला जात असल्यामुळे ही रेसिपी अतिशय सोपी, झटपट होणारी व रुचकर असते. ऋतू बदलताच वातावरणात अनेक बदल दिसून येतात. या बदलांचा परिणाम आपल्या शरीरापासून लाईफस्टाईलपर्यंत सर्वच बाबींवर झालेला दिसून येतो.

त्यामुळे ऋतू बदलानुसार आपल्या खानपानात बदल करणंं अत्यंत आवश्यक असतं. एखादी व्यक्ती आजारी पडली की त्या व्यक्तीला हमखास मूगाची खिचडी (moong dal khichdi) खाण्याचा सल्ला डॉक्टरांकडून दिला जातो. कारण अशक्तपणा, अपचनाच्या त्रासात मूगाची खिचडी विशेष लाभदायी ठरते. परंतु, खिचडी ही फक्त आजारी व्यक्तींसाठी फायदेशीर नसून लहानपासून वयस्कर लोकांपर्यंत सर्वांनी याचा आहारात समावेश करणं आवश्यक असतं. पोषक तत्वांसोबतच पचण्यास हलकी असणारी व विशेष तडका देऊन बनवली जाणारी ही खिचडी खूपच रुचकर व स्वादिष्ट लागते. तर मंडळी, आज आम्ही हीच डाळ खिचडी हिवाळ्यात खाण्याचे लाभ काय याची माहिती सांगणार आहोत.

या पोषक तत्वांनी असते परिपूर्ण

डाळ खिचडी कार्बोहायड्रेट, व्हिटॅमिन्स, मिनरल्स, फायबर, कॅल्शिअम, फायबर, मॅग्नेशियम आणि पोटेशियम या सारख्या अनेक पोषक तत्वांनी म्हणजेच न्युट्रिशनने परिपूर्ण असते. ही चविष्ट व हेल्दी डाळ खिचडी दही, पापड, लोणचं, साजूक तूप यासोबत सर्व्ह केली जाते. कारण या सर्व साईड डिशेसमुळे खिचडीची चव अधिकच रुचकर लागते. निरोगी व्यक्तीने मूगाच्या खिचडीबरोबर तूप, दही, लिंबू हे पदार्थ सेवन करावे. याने शरीराला अधिक लाभ मिळतो. तुपातून प्रोटीन व फायबर हे घटक मिळतात तर लिंबातून व्हिटॅमिन ‘सी’ मिळते.

(वाचा :- Weight loss: कोण म्हणतं भात खाल्ल्याने वजन वाढतं? भात बनवण्याची ‘ही’ पद्धत एकदा ट्राय कराच!)

खिचडी खाण्याचे आरोग्यवर्धक फायदे

खिचडी न्युट्रिशन्सने परिपूर्ण असते. रुग्ण असो वा सामान्य माणून, खिचडी खाल्ल्याने प्रत्येकाच्या अपचनाच्या समस्या झटक्यात दूर होतात. ज्या लोकांना लठ्ठपणाचा सामना करावा लागत आहे वजन कमी करण्याची इच्छा आहे त्यांच्यासाठी डाळ खिचडी हा सर्वोत्तम पर्याय मानला जातो. याव्यतिरिक्त डायबिटीजच्या रुग्णांसाठी देखील डाळ खिचडी लाभदायक मानली जाते. वात, पित्त व कफ यासारख्या समस्यांपासूनही मुक्ती मिळवण्यासाठी खिचडीचे सेवन केले जाते. तसंच खिचडी खाल्ल्याने शरीरातील डिटॉक्स अर्थात विषारी पदार्थ बाहेर फेकले जातात. जिथे त्वचेचा प्रश्न येतो तिथेही खिचडी मागे राहत नाही. कारण खिचडी खाल्ल्याने चेह-याची त्वचा मुलायम, ग्लोइंग, हेल्दी होते.

(वाचा :- ‘या’ ५ पदार्थांचा करा डाएटमध्ये आवर्जून समावेश, ब्लड प्रेशर कंट्रोल करण्यासाठी भासणार नाही डॉक्टरांची गरज!)

खिचडीचे असतात इतके प्रकार

आपल्याला जरी मूग डाळीची खमंग खिचडी हा खिचडीचा एकच प्रकार माहित असला तरीही तिचे अनेक स्वादिष्ट प्रकार उपलब्ध आहेत. जसं की मूग डाळीची खिचडी, तूर डाळीची खिचडी, संपूर्ण तृणधान्यांची खिचडी, आयुर्वेदानुसार बनवली जाणारी खिचडी, मसालेदार खिचडी, ड्रायफ्रुट खिचडी, बाजरीची खिचडी, दहीची खिचडी, पालक खिचडी, पंचडाळ खिचडी, काठियावाडी खिचडी, स्प्रिंग ओनिअन अँड गार्लिक खिचडी, मिक्स व्हेजिटेबल खिचडी! या सर्व प्रकारच्या खिचडींचा स्वाद घ्यायचा असेल तर ऑनलाईन रेसिपीमध्ये तुम्ही याची पाककृती शोधू शकता.

(वाचा :- अक्षय कुमारने दिल्या लठ्ठपणा दूर करण्यासाठी खास टिप्स, तुम्हीही दिसाल अक्षयसारखे यंग व फिट!)

या समस्या करते दूर

हिवाळ्यामध्ये अपचनाची भरपूर समस्या होते. जर तुम्हाला बद्धकोष्ठतेची समस्या असेल तर खिचडी खाल्लाने यापासून आराम पडण्यास मदत होते. हिवाळ्याच्या दिवसांत खिचडी खाल्ल्याने पचनक्रिया सुरुळीत होते. कारण खिचडी पचनास अत्यंत हलकी असते. खिचडी शरीराची पचनक्षमता वाढवते. ज्यांना वारंवार अपचनाचा त्रास होतो, त्यांनी मूगाची खिचडीत थोडा लिंबू पिळून आहारात समावेश करावा. यामुळे गॅस, अॅसिडिटी सारख्या पोटाच्या अनेक समस्यांपासून आराम मिळतो. जर तुम्ही उन्हाळ्याच्या दिवसांत खिचडीचं सेवन करताय तर त्यासोबत दही जरुर खाल्लं पाहिजे. हल्लीच्या काळात बहुतांश लोक एका जागी तासनतास बसून काम करतात. तुम्हीही त्या लोकांमध्ये मोडत असाल तर खिचडी तुमच्यासाठी बेस्ट पर्याय आहे. डाळ आणि बिन्स टाकून बनवलेली खिचडी हेल्दी व टेस्टी दोन्ही असते.

(वाचा :- वजन व पोट करायचं आहे कमी? मग फॉलो करा ‘हे’ ५ नियम!)

थंडीतील आजारांपासून करते बचाव

थंडीच्या दिवसांत थंडाव्यामुळे अनेक लोकांना सर्दी-पडसं, कफ, ताप, खोकला, अशक्तपणा या सारख्या त्रासांमधून जावं लागतं. पण तुम्ही या दिवसांत खिचडीचे सेवन केले तर तुम्हाल अवश्य त्यातून पोषक तत्वांची प्राप्ती होऊ शकते. गरमा गरम खिचडी शरीराला आतून उष्णता प्रदान करते. खिचडी खाल्ल्याने शरीराला उर्जा मिळते. जीभेचे चोचले पुरवण्यासाठी सर्वोत्तम पर्याय म्हणजे खिचडी आहे. असं म्हटलं जातं की खाद्यपदार्थ आधी डोळ्यांना आवडले पाहिजे तर ते पोटाला जरुर आवडतात. खिचडी त्याच लिस्टमधील आहे जी दिसायलाही सुरेख असते व तोंडाला चटकन् पाणी आणते.

(वाचा :- तुम्हीही सकाळी रिकाम्या पोटी खाता ‘हे’ पदार्थ? मग पडू शकता भयंकर आजारी!)


Source link

You may also like...

Leave a Reply

Your email address will not be published. Required fields are marked *