‘या’ कारणामुळे पसरली होती अभिषेक-ऐश्वर्या बच्चनच्या घटस्फोटची अफवा!

Spread the love

सोशल स्टेटस

सध्याचा काळ हा सोशल मीडियाचा आहे. लोक तुम्हाला वैयक्तितरित्या जाणून घेण्यापेक्षा तुम्ही सोशल मीडियावर काय वागता काय करता यावरून तुमच्याबद्दल मत बनवतात. अशावेळी पती व पत्नी दोघे जेव्हा सोशल मीडियाचा वापर करत असतात तेव्हा त्यांनी शक्य तितकं आपलं आयुष्य खाजगी ठेवायला हवं. एखादं भांडण झालं व वाद झाला तर भावनात्मक पोस्ट टाकू नये. यातून तुमचे फॉलोअर्स तुमच्या नात्यातील बेबनाव लगेच ओळखून त्याबद्दल प्रश्न करू शकतात.

(वाचा :- नाती तुटतात पण प्रेम अतुट राहतं, आशा नेगीचं वक्तव्य का ठरतं खास?)

सार्वजनिक वाद

कपल्सने स्वत:ला एक बंधन अवश्य घालावं ते म्हणजे कितीही काही झालं तरी सार्वजनिकरीत्या इतर लोकांमध्ये असताना वाद घालणार नाही. जेव्हा एखादा जोडीदार आपल्या भावनांना नियंत्रित न करता सर्वांसमोर वाद घालतो वा उलट सुलट बोलतो तेव्हा त्यातून नात्यातला पोकळपण जाणवतो आणि ती गोष्ट शरमेची सुद्धा होऊन जाते. अशा प्रकारच्या गोष्टी लोकांना चघळायला पुरेश्या असतात. घरी गेल्यावर तुमच्यातला वाद मिटून जातो पण लोकांच्या अफवा थांबत नाहीत.

(वाचा :- राशि का कुकर षड्यंत्र सोशल मीडिया पे व्हायरल करनेवाला ‘वो’ कौन है?)

एकमेकांबद्दल बोलणे टाळावे

पुरुषांनी आपल्या मित्रांमध्ये असताना आणि स्त्रियांनी आपल्या मैत्रिणींसोबत असताना आपल्या जोडीदाराबद्दल बोलणे सहसा टाळावे. बोलण्याच्या ओघात बऱ्याचदा आपण काही अशा गोष्टी बोलून जातो ज्या शक्यतो बोलण्याची गरज नसते आणि अशा गोष्टी इतरांना तुमच्या नात्याबद्दल अंदाज लावण्याची संधी देतात. कधीकधी समोरून प्रश्नांचा इतका भडीमार होतो की तुम्ही निरुत्तर होता आणि नात्यातील बेबनावाबद्दल गोष्टी पसरायला वेळ लागत नाही. त्यामुळे शक्यतो बाहेर कोणासोबतही बोलताना आपले खाजगी आयुष्य जास्त उघड करू नये.

(वाचा :- साऊथ कोरियातील जोडप्यांची डेटिंग स्टाईल पाहून सारेच होतात थक्क!)

अनफॉलो करणे

हा सुद्धा सध्याच्या सोशल मीडिया आयुष्यातील महत्त्वाचा भाग आहे. पण ज्यांची लग्न झालेली असतात त्यांच्याकडून ही गोष्ट फार होत नाही कारण जरी तिथे अनफॉलो केलं तरी घरी येऊन एकमेकांसमोरच वावरायचं असतं. पण ज्यांची लग्न ठरलेली असतात वा ओपन रिलेशनशिपमध्ये असतात त्यांनी कितीही भांडण झालं तरी सोशल मीडियावर एकमेकांना अनफॉलो करू नये. कारण काही लोकं आसपास अशी असतात की ज्यांना तुमच्या आयुष्यात अतिशय रस असतो आणि जर का त्यांच्या हे नजरेस पडलं तर त्याचं भांडवल करण्याची संधी असे लोक सोडत नाहीत.

(वाचा :- घरातील स्त्रीमध्ये असणा-या गौराईच्या ‘या’ आठ रुपांची तुम्हीही पुजा केली का?)

लोकांमध्ये आदर्श कपल्स सारखेच वावरावे

जरी कितीही भांडणे, वाद झाले आणि त्यानंतर कुठे बाहेर जायचे असेल तर दोघांनीही जणू काही घडलेच नाही अशा अविर्भावात लोकांमध्ये वागावे. यामुळे समोरच्याला सुद्धा सगळं काही ठीक असल्याचं कळतं. पण जेव्हा लोकांना उघडपणे वाद दिसू लागतात तेव्हा ते त्यांच्या मनातील शंका तुम्हाला विचारणारच आणि मग पुढे त्यातून अफवा बनायला वेळ लागत नाहोत. म्हणून शक्य तितके आनंदी आणि खुश राहावे आणि आपले नाते सांभाळावे.

(वाचा :- प्रेमविवाह करणा-या जोडप्यांनाच का असते नातं तुटण्याची जास्त भीती?)


Source link

You may also like...

Leave a Reply

Your email address will not be published. Required fields are marked *