या कारणासाठी बाळाला ड्राय फ्रुट पावडर खाऊ घालाच!

Spread the love

लहान मुलाला शारीरिक आणि मानसिकदृष्ट्या मजबूत बनवण्यासाठी सुका मेवा खूपच मोलाचे स्थान निभावतात हे तर तुम्हाला माहितच असेल. म्हणूनच असं म्हटलं जातं की बाळ जन्माला आलं की काही दिवसांनी त्याला वेगवेगळ्या ड्राय फ्रुटची पेस्ट देऊ करावी. एनर्जी आणि ताकद मिळावी यासाठी आपल्याला सर्वात आधी ड्राय फ्रुटचीच आठवण होते. तसंच बाळालाही सुदृढ व निरोगी आयुष्य मिळावं यासाठी सुका मेवा दिला जाऊ शकतो पण दात येईपर्यंत आपण त्याला तुकडे खाऊ घालू शकत नाही.

मग अशा परिस्थितीत बाळाला सुक्या मेव्यातील पोषक तत्व पुरवण्याचा एकमेव मार्ग म्हणजे ड्राय फ्रुटची पावडर! हो मंडळी, सुक्या मेव्याची पावडर भरवून तुम्ही बाळाला हेल्दी बनवू शकता. चला तर जाणून घेऊया लहान मुलांसाठी ड्राय फ्रुट बनवण्याची, भरवण्याची पद्धत आणि त्याचे लहान मुलांना मिळणारे फायदे.

ड्राय फ्रुटचे फायदे

ड्राय फ्रुट्समध्ये हेल्दी फॅट्स सोबतच अॅंटीऑक्सिडंट आणि फायबर मोठ्या प्रमाणात असतात. बाळाच्या विकासासाठी डायट्री फॅट्स खूपच गरजेचे असतात. जर तुम्ही मुलांना जन्माला आल्यापासूनच सुका मेवा खाऊ घालण्यास सुरुवात करत असाल तर त्याला अॅलर्जी होण्याचा धोका मोठ्या प्रमाणात कमी होतो. ही सर्व पोषक तत्व बाळाला पुरेपूर प्रमाणात देण्यासाठी ड्राय फ्रुट देणं अनिवार्य आहे. लहानपणी दिलेला पोषक आहार बाळाचं भविष्य सुरक्षित करतं.

(वाचा :- मुलीची रोगप्रतिकारक शक्ती वाढवण्यासाठी सोहा अली खान फॉलो करते ‘हा’ डायट प्लान!)

ड्राय फ्रुट पावडर कशी बनवावी?

ड्राय फ्रुट बनवण्यासाठी लागणारी सामग्री –

१०० ग्रॅम बदाम, १०० काजू, १०० ग्रॅम पिस्ता, एक जायफळ, १०० ग्रॅम भाजलेली चण्याची डाळ, १ चमचा सुक्या आल्याची पावडर, पाच वेलच्यांचे तुकडे, अर्धा चमचा हळद पावडर

पोषक तत्वांनी भरलेले हे सर्व पदार्थ ड्राय फ्रुट बनवण्यासाठी अत्यंत गरजेचे आहेत.

(वाचा :- ही पोषक तत्वे करतात लहान मुलांची हाडे मजबूत!)

ड्राय फ्रुट पावडर बनवण्याची रेसिपी

एक पॅन घ्या आणि त्यामध्ये १०० ग्रॅम बदाम, १०० काजू, १०० ग्रॅम पिस्ता, एक जायफळ, १०० ग्रॅम भाजलेली चण्याची डाळ, १ चमचा सुक्या आल्याची पावडर, पाच वेलच्यांचे तुकडे, अर्धा चमचा हळद पावडर ही सर्व सामग्री भाजून घ्या. त्यानंतर हे मिश्रण थंड होण्यासाठी ठेऊन द्या. आता हे सर्व मिश्रण मिक्सरमध्ये टाकून जाडसर वाटून घ्या. हे जास्त बारीक करु नका कारण सुक्या मेव्यातून तेल बाहेर येतं. आता ही पावडर मिक्सरमधून काढून एका एयर टाइट कंटेनरमध्ये टाकून फ्रिजमध्ये ठेवून द्या. तुम्ही ही पावडर महिनाभर वापरु शकता.

(वाचा :- बहुतांश वेळा नवजात बाळाच्या रडण्यामागे ‘ही’ कारणं असतात!)

काजू आणि पिस्ताचे फायदे

काजूमध्ये फॉस्फरस असतं जे हाडे आणि दातांच्या विकासासाठी मदत करतात. काजूतील तत्व फुफ्फुसाद्वारे ऑक्सिजनचा इतर अवयवांना पुरवठा करण्यास मदत करतात. काजूमध्ये उच्च प्रमाणात झिंक असतं जे रोगप्रतिकारक शक्ती वाढवण्यास लाभदायक असतं. तसंच पिस्त्यामध्ये पोटॅशियमची मात्रा असते. यामध्ये असलेले डायट्री फायबर बाळाचा अतिसार होण्यापासून बचाव करतं. मज्जासंस्था कार्ये आणि मज्जातंतू प्रेरणा ट्रान्समिशनमध्ये जीवनसत्त्वे बी 3 आणि बी 6 असतात. पिस्त्यामध्ये हे दोन्ही पोषक तत्व मोठ्या प्रमाणात आढळून येतात.

(वाचा :- नवजात बाळाच्या डोक्याला गोल आकार द्यायचा आहे? मग ट्राय करा ‘या’ टिप्स!)

बदामाचे फायदे

बदाम एक लो ग्‍लाइसेमिक फूड असून मोठं झाल्यावर बाळाला मधुमेह होण्यापासून हे बचाव करतं. तसंच बदामामध्ये व्हिटॅमिन इ देखील उच्च मात्रामध्ये असतं. बदामात फॅट आणि सॅच्युरेटेड फॅट देखील मोठ्या प्रमाणात असतं. हे खराब कॉलेस्ट्रॉलच्या पातळीला वाढू देत नाही. तसंच बदाम खालल्लाने बाळाची स्मरणशक्ती देखील मजबूत होते. त्यामुळे अशा या बहुगुणी ड्राय फ्रुटची पावडर तुम्ही बाळाला अवश्य खाऊ घाला. जेणे करुन भविष्यात येणा-या अनेक समस्यांपासून त्यांची सुटका होईल.

(वाचा :- मुलांना टायफॉइड झाल्यास ही आहेत त्याची कारणे, लक्षणे आणि उपचार!)


Source link

You may also like...

Leave a Reply

Your email address will not be published. Required fields are marked *