‘या’ तेलाने मालिश केल्यास बाळाची हाडे होतील मजबूत!

Spread the love

रक्ताभिसरण

मोहरीचे तेल रक्त प्रवाह अधिक सुधारते आणि बाळाच्या संपूर्ण आरोग्य अधिक चांगले करते. बाळाची रोज मालिश केल्याने शरीर स्वस्थ आणि मजबूत राहते. याशिवाय शरीरात उष्णता कायम ठेवण्यासाठी सुद्धा मोहरीचे तेल मदत करते. यामुळेच हिवाळ्याच्या दिवसांत बाळाच्या शरीर गरम राहावे, त्याला उब मिळावी म्हणून मोहरीच्या तेलाने त्याच्या शरीराची मालिश केली जाते. पण एकंदर नियमितपणे बाळाची मालिश केल्यास बाळाला जास्त फायदा होतो.

(वाचा :- मुलांसाठी बनवा ‘या’ पदार्थापाासून झटपट नाश्ता, आरोग्यास होतील लाभच लाभ!)

त्वचा विकारांपासून सुटका

लसणाच्या काही पाकळ्या घ्या आणि त्या मोहरीच्या तेलात टाकून ते तेल काही वेळ गरम करा. आता तेल थोडे थंड होऊ द्या. तेल थंड झाले की बाळाच्या छातीवर लावा. यामुळे बाळाला खोकला आणि सर्दीपासून मोठा आराम मिळेल. लसणाच्या पाकळ्यांच्या ऐवजी तुम्ही यात तुळशीची पाने सुद्धा टाकू शकता. मोहरीच्या तेलामध्ये अँटीफंगल आणि अँटीबॅक्टेरियल गुण असतात. या तेलाने मालिश केल्याने बळाचा त्वचेच्या संक्रमणापासून बचाव होतो. कोणत्याही प्रकारचे स्कीन इन्फेक्शन बाळाला होत नाही. त्यामुळेच बाळाच्या मालिशसाठी तुम्ही आवर्जून मोहरीच्या तेलाचा वापर करायला हवा.

(वाचा :- आईच्या गर्भात असताना बाळ कोणत्या गोष्टी सर्वात जास्त एन्जॉय करतं?)

केस दाट होतात

बाळाचे केस वाढावेत म्हणून सुद्धा मोहरीचे तेल चांगले मानले जाते. मोहरीच्या तेलाचा वापर केल्यास बाळाचे केस वेगाने वाढू लागतात. रोज केसांना आणि डोक्याला या तेलाने मालिश केल्यास केसांची वाढ चांगली होते. मोहरीचे तेल बाळाला मच्छर चावण्यापासून सुद्धा वाचवते. या तेलाच्या वासामुळे मच्छर दूर राहतात. तुमच्या घराजवळ मच्छर मोठ्या प्रमाणात होत असतील तर तुम्ही आपल्या बाळाला मोहरीच्या तेलाने मालिश करायला हवी. कारण बाळाला मोठ्या प्रमाणावर मच्छरांचा त्रास सहन करावा लागू शकतो.

(वाचा :- बाळाला ‘हा’ पदार्थ खाऊ घातल्यास बुद्धी होईल तल्लख!)

अँटीफंगल आणि अँटीबॅक्टेरियल गुण

तुम्हाला सुद्धा माहित असेलच की मोहरीचे तेलामध्ये अँटीफंगल आणि अँटीबॅक्टेरियल गुण असतात. या तेलाच्या मालिशमुळे शरीराच्या त्वचेवर कोणतेही संक्रमण होत नाही आणि बाळाची त्वचा अगदी निरोगी राहते. अनेकदा बाळाला फंगल इन्फेक्शन होते आणि हे इन्फेक्शन वाढले तर मोठी समस्या निर्माण करू शकते. त्यामुळे बाळाला होणारा हा धोका रोखण्यासाठी मोहरीचे तेल रामबाण ठरते. ज्याच्या वापराने फंगल इन्फेक्शनचा धोका मोठ्या प्रमाणावर कमी होतो.

(वाचा :- शिस्त लागावी म्हणून मुलांवर हात उचलताय? मग परिणाम जाणून घ्याच!)

मोहरीच्या तेलाने मालिश करण्याची पद्धत

बाळाला मोहरीच्या तेलाने मालिश करण्यासाठी तुम्ही पुढील प्रकारची पद्धत वापरू शकता. सर्वप्रथम मोहरीचे तेल उकळवून घ्या. त्यानंतर ते थंड करायला ठेवा. एकदा का ते थंड झाले की एका बॉटल मध्ये भरून घ्या. बाळाला अंघोळ घालण्याआधी रोज या तेलाने बाळाच्या डोक्याची आणि शरीराची मालिश करा. हवे असल्यास तुम्ही मालिश करण्याच्या आधीही गरजेनुसार तेल गरम करून मग ते थंड करून त्याने बाळाला मालिश करू शकता. अधिक लाभ हवा असल्यास तुम्ही मोहरीच्या तेलामध्ये ओवा टाकून ते तेल गरम करू शकता किंवा त्यात लसणाच्या पाकळ्या व तुळशीची पाने टाकून सुद्धा तुम्ही त्या तेलाची उपयुक्तता वाढवू शकता.

(वाचा :- या कारणासाठी बाळाला ड्राय फ्रुट पावडर खाऊ घालाच!)


Source link

You may also like...

Leave a Reply

Your email address will not be published. Required fields are marked *