‘या’ ५ इच्छा पूर्ण करणा-या पुरुषांची पत्नी असते कायम खुश!

Spread the love

यात काही संशयच नाही की, प्रत्येक मुलीला वाटतं की आपल्याला भरपूर प्रेम करणारा नवरा मिळावा व आपल्या मनातील इच्छा न सांगताही त्याला समजाव्यात. विवाहित जीवन सुखमय करण्यासाठी खूप काळजी आणि प्रयत्नांची आवश्यकता असते, जे संपूर्णपणे पती-पत्नीमधील परस्पर संबंधांवर अवलंबून असते. पण चांगल्या बॉन्डिंगनंतरही अनेक पती आपल्याला असे पाहायला मिळतील जे सांगतात की, बायकोची अपेक्षा आहे की न सांगता मनातील भावना ओळखाव्यात. ब-याच मुलीही हे विसरुन जातात की, वैवाहीक आयुष्याला खूपच सांभाळून व समजुतदारपणे सांभाळावे लागते.

लग्नानंतरचे दिवस हे डेटिंगसारख्या काळासारखे नक्कीच नसणार जिथे नवरा उठल्यापासून झोपेपर्यंत प्रत्येक छोट्या छोट्या गोष्टीची काळजी घेत बसेल. काही काही मुलगे लग्नानंतर सांसारिक जबाबदा-यांमध्ये स्वत:ला इतकं व्यस्त करुन घेतात की लग्नाचं आयुष्यही ते दैनंदिन दिनक्रमासारखं जगू लागतात. त्यांना या गोष्टीची काही पडलेलीच नसते की पत्नीला खुश ठेवण्यासाठी व वैवाहीक आयुष्य सुखी बनवण्यासाठी त्यांची देखील काही जबाबदारी आहे. मग वाद, गैरसमज, रुसवे-फुगवे होऊ लागतात पण मुलांना त्याचं कारण काही कळत नाही. जर तुम्हाला या गोष्टी टाळायच्या असतील तर पत्नीसाठी या ५ गोष्टी आवर्जून करा.

छोट्या छोट्या गोष्टींसाठी कौतुक

मुलं थोडी लाजवीट, प्रॅक्टिल व स्वत:ला व्यस्त ठेवणारी असतात हे आपण समजू शकतो पण प्रत्येक पत्नीची हीच अपेक्षा असते की आपल्या पतीने आपल्याकडे जातीने लक्ष द्यावं. लक्ष देणं याचा अर्थ शारीरिक काळजी घेणंच नाही तर मानसिक व भावनांचा आदर करुन त्या जपणं हे देखील समाविष्ट असतं. अशा परिस्थितीत तुम्हालाही मनापासून वाटत असेल की, पत्नीने खुश राहावं तर छोट्या छोट्या गोष्टींमध्ये त्यांचं कौतुक करायला विसरु नका. कौतुक हे थेट मुलींच्या काळजाला साद घालतं व नातं सदैव चिरतरुण राहतं.

(वाचा :- ‘या’ ५ गोष्टी दर्शवतात वाईट पतीची लक्षणे!)

दिवसभर चौकशी करत राहा

आजकालच्या व्यस्त जीवनशैलीत नवरा-बायको दोघेही आपापल्या कामात प्रचंड व्यस्त असतात पण त्यातूनही प्रत्येक मुलीला अपेक्षा असते की, तिच्या नव-याने दिवसभरातून वेळ काढून सतत तिची चौकशी करावी. जेवलीस का? काम कसं सुरु आहे? किती वाजता ऑफिसमधून निघणार? दिवस कसा सुरु आहे? या छोट्या छोट्या गोष्टींची विचारपूस केल्यास तिला बरं वाटतं. दिवसभर अगदीच वेळ नसेल तर लंच टाईममध्ये तरी कॉल किंवा मेसेजवर तिची चौकशी करत जा.

(वाचा :- प्रेमात पडण्याआधी स्विकारा नात्याबाबतची ‘ही’ ५ सत्य!)

खास दिवस बनवा अजून स्पेशल

या बाबतीत काही शंकाच नाही की, लग्नाचं नात अधिक घट्ट व मजबूत बनवण्यासाठी काही तारखा, वेळा, रोमांस, संवाद, प्रामाणिकपणा यासोबतच एकमेकांना खुश करणारे सरप्राईज गिफ्ट्स देखील खूप गरजेचे असतात. हो, तुमच्या पत्नीकडे त्या सर्व गोष्टी असतील ज्यांची त्यांना गरजही नाही तरी त्यांना कायम हेच वाटत असतं की तिचा खास क्षण अजून खास बनवण्यासाठी अनेक सुंदर सुंदर गिफ्ट्स नव-याने द्यावीत.

(वाचा :- लग्नानंतरची दोन वर्षे प्रत्येक जोडप्यासाठी असतात खूप महत्त्वपूर्ण, या गोष्टींची घ्या आवर्जून काळजी!)

कधीतरी जेवण बनवणं

आजकालच्या बहुतांश मुली या वर्किंग वुमन आहेत. ऑफिसमधील काम सांभाळता सांभाळता त्या घराची सारे कर्तव्ये देखील मोठ्या हुशारीने व जबाबदारीने पार पाडतात. अशा स्थितीत अपेक्षा नसताना तुम्ही त्यांच्यासाठी एखादी रोमॅंटिक डिनर डेट, कॅंडल लाईट डिनर किंवा मग स्वत:च्या हाताने बनवलेला एखादा खास पदार्थ सरप्राईज म्हणून सादर केला तर ती खूप खुश होऊ शकते. शेवटी मुली या हळव्या असतात त्यामुळे त्या प्रत्येक छोट्या छोट्या गोष्टींमध्ये आनंद शोधण्याचा प्रयत्न करतात.

(वाचा :- काजल अग्रवालसारखं हनिमूनचे फोटे शेअर करण्याआधी जाणून घ्या ‘या’ ५ गोष्टी!)

तिला तिचा हक्काचा वेळ द्या

प्रत्येक पत्नीला वाटतं की, तिच्या नव-याने तिला समजून घ्यावं व तिची प्रत्येक गरज ओळखून ती पूर्ण करावी. अशावेळी तुम्ही पत्नीला तिचा स्वत:चा एक वेगळा वेळ दिला व तिची पसंत-नापंसत समजून घेण्याचा प्रयत्न केला तर तिलाही आनंद मिळू शकतो. तिच्यातील सुप्त गुणांना शोधून ती गोष्ट तिला करण्यास भाग पाडा. अनेकदा मुली ऑफिस व घर या कामांत स्वत:ला इतक्या व्यस्त करुन घेतात की स्वत:साठी व स्वत:तील कलांना प्रोत्साहन देण्यासाठी तिला वेळच मिळत नाही पण हे काम तुम्ही पूर्ण करा, जेणे करुन तिला तुमचा गर्व वाटेल.

(वाचा :- ‘या’ ५ बाबतीत गृहिणी ठरतात इतर सर्वांपेक्षाच उजव्या!)


Source link

You may also like...

Leave a Reply

Your email address will not be published. Required fields are marked *