‘या’ ५ खास कारणांमुळे हिवाळ्यात केले जाते शेंगदाण्यांचे अधिक प्रमाणात सेवन!

Spread the love

शेंगदाण्यांना (peanuts) तुम्ही प्रोटीन (protein diet) आणि फायबरचं (fiber) भांडार देखील म्हणू शकता. छोट्या छोट्या नैसर्गिक कवचाआड दडलेले सुंदर-स्वादिष्ट आणि सुगंधित शेंगदाण्यांच्या टपो-या दाण्यांना गरीबांचे काजू असं देखील म्हटलं जातं. शेंगदाणे असा पदार्थ आहे जो वर्षांचे बाराही महिने दुकानात आणि आपल्या घरात उपलब्ध असतो पण तरीही त्याचे सेवन मात्र थंडीच्या (winter season) दिवसांत अधिक प्रमाणात केले जाते.

यामागील कारण तुम्हाला माहित आहे का? मुठभर शेंगदाण्यामध्ये 426 कॅलरीज, 5 ग्रॅम कार्बोहायड्रेट आणि 17 ग्रॅम प्रोटीन असतात. शेंगदाण्यापासून व्हिटॅमिन इ, के, आणि बी6 भरपूर प्रमाणात मिळतात. शेंगदाण्यांमध्ये औषधी गुणही असतात. कु्णाला तळलेले शेंगदाणे आवडतात तर कुणाला भाजलेले शेंगदाणे आवडतात. टाईमपास म्हणून देखील गुळ-शेंगदाणे खाल्ले जातात. थंडीच्या दिवसात शेंगदाणे खाणं हे आरोग्याच्या दृष्टीने अत्यंत फायदेशीर असतं.

शेंगदाण्यांमधील पोषक गुणधर्म

शेंगदाण्यांमध्ये अॅंटीऑक्सिडंट, व्हिटॅमिन्स, मॅग्नेशियम, मॅग्निज, कॅल्शियम, बीटा केरोटिन ही पोषक तत्वे असतात. ही सर्व पोषक तत्वे शरीराचं पोषण करतात शिवाय कडाक्याच्या थंडीपासून शरीराचा बचाव करतात. जेवणानंतर तुम्ही ५० किंवा १०० ग्रॅम शेंगदाण्यांचे सेवन केल्यास आरोग्यासाठी फायदेशीर ठरते. यामुळे अन्नाचे पचन होण्यास मदत होते. डॉक्टरांच्या सल्ल्यानंतरच ही प्रक्रिया करावी. शिवाय शेंगदाण्यांमुळे शरीरातील रक्तही वाढते. ज्यांना उष्णतेचा त्रास आहे त्यांनी शेंगदाणे खाणे टाळले पाहिजे. यामुळे पित्त वाढण्याची भीती असते.

(वाचा :- खास हिवाळ्यात खा ‘हे’ ६ प्रकारचे भजी, चटपटीत असण्यासोबतच पचनक्रियाही करतात सुरुळीत!)

शेंगदाणे खाण्याचे लाभ

शेंगदाण्यांमध्ये मॅग्निज व कॅल्शियम दोन्हींचा समावेश असतो. त्यामुळे शेंगदाणे खाल्ल्याने शरीराला दोन प्रकारे लाभ मिळतो. जसं की मॅग्निज शरीरातील हाडांना कॅल्शियम शोषून घेण्याची प्रक्रिया जलद गतीने करण्यास मदत करतं.यामुळे हाडे मजबूत होतात. सोबतच मॅग्निज रक्तातील साखरेचे प्रमाण नियंत्रित करण्यास लाभदायक ठरतं. यामुळे शरीरातील शुगरची (blood sugar or diabetes) पातळी सामान्य राहण्यास मदत मिळते. फायबरमुळे शरीराची पचन प्रक्रिया सुरळीत सुरू राहते. यामुळे आपल्या आहारामध्ये नियमित स्वरुपात फायबरयुक्त पदार्थांचा समावेश करावा. शेंगदाण्यांमध्येही भरपूर प्रमाणात फायबरचे असते. शेंगदाण्यांच्या सेवनामुळे बद्धकोष्ठता आणि पोटाचे दुखणे कमी होण्यास मदत मिळते. महत्त्वाचे म्हणजे शेंगदाण्यांमुळे वजन कमी होते. कारण यातील पोषक घटकांमुळे आपल्याला वारंवार भूक लागत नाही. परिणाम शरीरामध्ये अतिरिक्त चरबी जमा होत नाही.

(वाचा :- गुडघेदुखीेने त्रस्त आहात? मग करा योगथेरपिस्टने सांगितलेले ‘हे’ साधेसोपे व्यायाम!)

हिवाळ्यात शेंगदाणे का असतात गरजेचे?

हिवाळ्यात शेंगदाणे खाल्ल्याने शरीरावर होणारा थंडीचा प्रभाव कमी होतो. यामुळे हिवाळ्यात झपाट्याने पसरणा-या साथीच्या रोगांपासून म्हणजेच ताप, सर्दी-पडसं, खोकला अशा संक्रमणांच्या विळख्यात सापडण्यापासून बचाव करण्यासाठी शेंगदाणे खाल्ले जातात. तसंच शेंगदाणे आपली रोगप्रतिकारक शक्ती वाढवण्यास देखील मदत करतात. हिवाळ्यात खोकला येणं अत्यंत साधारण गोष्ट आहे. पण तुम्ही दररोज एक ते दोन मुठी भरुन शेंगदाणे खाल्ले तर खोकल्याच्या समस्येपासून दूर राहू शकता. पण जर खोकला सुरु असेल तर चुकूनही शेंगदाण्यांचं सेवन करु नका नाहीतर खोकला जास्त वाढू शकतो. खोकला बंद झाल्यानंतर तुम्ही शेंगदाणे खाऊ शकता.

(वाचा :- ६६ वर्षीय रेखाच्या मनमोहक सौंदर्य व फिटनेसचे ‘हे’ आहे रहस्य!)

हृदयरोगांपासून बचाव

हल्ली हार्ट अटॅक, ब्रेन स्ट्रोक, ब्रेन हॅमरेज हे आजार मोठ्या प्रमाणात वाढताना दिसून येत आहेत. ही परिस्थिती व्यक्तीच्या चुकीच्या लाईफस्टाईल, शरीर थंड पडल्याने, कोलेस्ट्रोलचा बिघडलेला स्तर या कारणांमुळे उद्भवते. ही वरील आजरांचे मुख्य कारणं आहेत. पण शेंगदाण्यांचे नियमित व मर्यादीत सेवन आपल्याला या आजारांपासून दूर ठेऊ शकते. कारण शेंगदाण्यामध्ये शरीराला उष्ण ठेवण्याचे गुणधर्म असतात. तसंच यात मोनोअनसॅच्युरेडेट फॅटी अॅसिडचाही समावेश असतो. हा घटक शरीरातील वाईट कोलेस्ट्रॉलची पातळी कमी करुन चांगल्या कोलेस्ट्रॉलची पातळी वाढवण्याचं काम करतो.

(वाचा :- वजन कमी करायचं आहे? मग फॉलो करा या बेसिक टिप्स!)

रक्तप्रवाह वाढतो

शेंगदाण्यांचे सेवन आपल्या मेटाबॉलिज्म आणि स्नायूंना मजबूत ठेवण्याचं काम करतं. शेंगदाण्यामध्ये असलेला बीटा कॅरोटीन हा घटक शरीरातील प्रत्येक पेशीपर्यंत रक्तप्रवाह पोहचवण्याचे कार्य करतो. यामुळे त्वचा मुलायम व निरोगी राहते. प्रत्येक जण आपली त्वचा (Natural Skin Care) चमकदार आणि सुंदर दिसण्यासाठी कित्येक प्रकारच्या ब्युटी प्रोडक्ट्सचा वापर करत असतात. महागडे ब्युटी प्रोडक्ट वापरण्याऐवजी तुम्ही भिजवलेल्या शेंगदाण्यांचे सेवन केले तर तुमच्या त्वचेला कित्येक प्रकारे फायदा होऊ शकतो. शेंगदाण्यांच्या सेवनाने त्वचेवर नैसर्गिक स्वरुपात तेज येण्यास मदत होते. तसंच शेंगदाण्यांमध्ये सोरायसिस आणि एक्झिमा यांसारख्या त्वचाविकारांवर उपाय करणारे औषधी गुणधर्म आढळतात.

(वाचा :- नाश्त्यात केलं ‘या’ ७ पदार्थांपैकी एका जरी पदार्थाचं सेवन तर लठ्ठपणा होईल आपोआप कमी!)


Source link

You may also like...

Leave a Reply

Your email address will not be published. Required fields are marked *