‘या’ ५ बाबतीत गृहिणी ठरतात इतर सर्वांपेक्षाच उजव्या!

Spread the love

हाऊस वाइव्स (house wife), गृहिणी, होम मेकर (home maker) काहीही म्हणा पण या स्त्रिया आपल्या घराला सर्वात जास्त आणि पहिलं प्राधान्य देताना दिसून येतात. गृहिणी इतर कोणापेक्षाही कमी नसतात. त्यांचं होम मॅनेजमेंट इतकं मजबूत असतं की भल्या भल्या लोकांना त्यापुढे घाम फुटतो. गृहिणी घराची शोभा, लक्ष्मी, सुख-शांती सारं काही असतात. त्यांच्याविना घरातील आनंद कायम अपुरा असतो. म्हणूनच म्हटलं जातं ना की, घरातील लक्ष्मी खुश तर संपूर्ण घर खुश.

ब-याचदा बोलता बोलता नकळतपणे आपण बोलून जातो की, “तू तर दिवसभर घरी असतेस, तुला काय कामं आहेत, तुला साधं जेवण धड बनवता येत नाही का, घरात साफसफाई ठेवता येत नाही का?” असं आपण अगदी सहज बोलून जातो, पण जेव्हा ती जेव्हा घरात नसते आणि या जबाबदा-या आपल्यावर पडतात तेव्हा मात्र तिच्या कष्टांची किंमत आपल्याला समजते. अशा अनेक गोष्टी आहेत ज्यात गृहिणी इतर सर्वांपेक्षा उजव्या असतात पण आपल्याला ते ठाऊकच नसते. आज आपण त्याच खासियतींबद्दल जाणून घेणार आहोत ज्याची तुलना कोणाशीच होऊ शकणार नाही.

टाइम मॅनेजमेंट

सकाळचा पहिला गरमा गरम वाफाळलेल्या चहापासून रात्रीच्या हळदीच्या दुधापर्यंत सारं काही ती अगदी चोखपणे सांभाळते. वर्किंग लोकही इतक्या हुशारीने टाईम मॅनेजमेंट करू शकत नाहीत जितक्या शिताफीने गृहिणी संंपूर्ण घर सांभाळतात. ती फक्त स्वत:च्याच नाही तर कुटुंबातील सदस्यांच्या शेड्यूलवरही बारकाईने लक्ष देते व अगदी त्यात माहीर असते. जसं की, मुलांना शाळेत सोडण्यासाठी कधी तयार करायचं आहे, सासू-सास-यांना नाश्ता व औषधं कधी द्यायची? या सर्व गोष्टी ती एखाद्या एक्सपर्ट्ससारखी मॅनेज करते.

(वाचा :- हेल्दी रिलेशनशीपसाठी गरजेच्या आहेत ‘या’ ५ गोष्टी!)

मनी मॅनेजमेंट

मनी मॅनेजमेंट अर्थात पैशांचं व्यवस्थापन यामध्ये तर गृहिणींचा कोणी हातच पकडू शकत नाही. मिळणा-या संपूर्ण पैशांमध्ये महिन्याभराचा खर्च कसा भागवायचा व त्यातूनच कशी बचत करायची याबाबत त्यांचं डोकं ज्याप्रकारे चालतं ते पाहून भल्या भल्यांना आश्चर्य वाटेल. त्यासोबतच एखादी गोष्ट योग्य दरात खरेदी करणं गृहिणींना बरोबर जमतं. त्यांच्यातील ही खासियत तेव्हा दिसून येते जेव्हा त्या खरेदीसाठी बाजारात जातात.

(वाचा :- बॉलिवूडमधील ‘या’ जोडप्यांमुळे कळते लहान वयाची मुलगी का ठरते बेस्ट जोडीदार?)

नियोजन

एखादा सण येणार असेल तर कधी खरेदीला जायचं आहे व कोणत्या स्पेशल डिशेस बनवायच्या आहेत? किंवा कोणाचा वाढदिवस असल्यास कशी पार्टी ठेवायची आहे? कोणाला निमंत्रण द्यायचं, कोणाला नाही? या सर्व गोष्टी ती एकदम सहजपणे प्लान करु शकते. शिवाय हॉलिडे ट्रिपवर जायचं असल्यास पॅकिंग, पैसे किती लागणार यापासून तिथे कोणकोणत्या गोष्टींची गरज भासेल ते आठवणींनी घेणं किंवा प्लान करणं त्यांना बरोबर जमतं.

(वाचा :- मैत्री जपण्यासाठी या ८ गोष्टी आहेत महत्त्वाच्या)

मनमोकळा स्वभाव

या गृहिणी मनमोकळ्या स्वभावाच्या असतात. कुटुंबासोबतच शेजारीपाजरी, भाजीवाला, किराणा मालवाला ते गार्ड यांच्याशी देखील त्यांची चांगली ट्युनिंग जमते. ज्यामुळे त्यांना कोणत्याही क्षणी लगेच मदत मिळते. सर्वांशी मिळून मिसळून राहिल्याने त्यांना आजुबाजूला घडणा-या सर्व गोष्टींची माहिती असते ज्याचा फायदा त्यांच्या कुटुंबाला होतो. हाच मनमोकळा स्वभाव बार्गेनिंग करतानाही त्यांच्या कामी येतो. फिक्स रेटचा ठेका घेऊन बसलेले महागडे दुकानदारही आपुलकीने त्यांना वस्तू कमी किंमतीत देतात.

(वाचा :- “माझे वडिल खोटारडे आहेत” सोनम कपूरने वडिलांबद्दल केला मोठा खुलासा!)

निरीक्षण

कित्येकदा कुटुंबातील सदस्य ज्या गोष्टीचा अंदाजही बांधू शकत नाहीत ते या गृहिणींच्या नजरा पहिलंच हेरतात. साधारणत: कामाच्या व्यापात लोक असा विचार करतात की, आपल्याला काय करायचं आहे? पण गृहिणी थोडा वेगळा विचार करतात आणि प्रत्येक गोष्टींचं अगदी बारकाईने व काळजीपूर्वक निरीक्षण करतात. इतकंच काय तर लोकांच्या एक्सप्रेशन्सवरुनही त्या ओळखतात की त्यांच्या मनात काय दडलंय? त्यामुळे त्यांच्यापासून काही लपवणं फार कठीण गोष्ट असते.

(वाचा :- ‘या’ खास कारणांमुळे विराटने कोहली आहे अनुष्का शर्माच्या प्रेमात वेडा!)


Source link

You may also like...

Leave a Reply

Your email address will not be published. Required fields are marked *