‘या’ ५ सवयी जाणून घेतल्यानंतर डोळे बंद करुन द्या लग्नाला होकार!

Spread the love

सहज रुळणं

जेव्हा आपण एखाद्या व्यक्तीसोबत लग्न करण्याचा निर्णय घेतो तेव्हा त्या असंख्य गोष्टींबद्दल मनमोकळेपणे आपण चर्चा करणं गरजेचं असतं ज्या तुम्हाला फार आवडतात. यामुळे तुम्ही नात्यात राहून कधीच कंटाळणार नाही आणि आपल्या जोडीदाराची पसंत-नापंसत याव्यतिरिक्त त्याला काय करायला आवडतं हे देखील तुम्हाला समजेल. याशिवाय संवाद साधताना तुम्हाला हे देखील समजेल की तुमचा होणारा जोडीदार नात्यात किती रुळतो? किती मनमोकळेपणे आपल्या मनातील भावना तुमच्यासमोर व्यक्त करतो? याचा फायदा तुम्हाला निर्णय घेण्यासाठी नक्की होईल. कारण व्यक्त होणारा माणूस भेटणं म्हणजे भाग्याचं लक्षण म्हणावं लागेल.

(वाचा :- रितेश-जेनेलियाचा लव्ह फॉर्म्युला वापरल्यास पत्नीशी होणार नाहीत कधीच वाद!)

कौटुंबिक जबाबदारीची जाण

एका सुखी व आनंदी सांसारिक आयुष्यासाठी एका असा व्यक्तीची गरज असते जो आपल्या कुटुंबातील रितीरिवाज किंवा कुटुंबातील जबाबदा-या खूप चांगल्या ओळखतो. असं यासाठी कारण ज्या व्यक्तीसोबत तुम्ही लग्न करणार आहात त्याला कुटुंबाला कसं खुश ठेवायचं याची चांगली जाण असेल किंवा त्याला पारिवारिक जबाबदा-या चांगल्या रितीने पार पाडता येत असतील तर तुमच्यासाठी हा एक चांगला संकेत आहे. जर यात काही गडबड वाटली तर तुम्ही यावर बिनदिक्कतपणे चर्चा करणं कधीही चांगलं. शिवाय लग्नाआधीच एकमेकांना हे देखील सांगा की लग्नानंतर कुटुंबाप्रती तुमच्या जोडीदाराकडून काय अपेक्षा आहेत.

(वाचा :- ‘या’ ५ गोष्टींवरुन ओळखा तुम्ही आई-बाबा बनण्यास आहात मानसिकरित्या तयार!)

आत्मनिर्भर असण्यासोबतच परिपक्वता

या गोष्टीत काही शंकाच नाही की, मुलांना अशा मुली खूप आवडतात ज्या आत्मनिर्भर असण्यासोबतच परिपक्व देखील असतील. कारण अशा मुली चांगलं ओळखून असतात की चांगल्या-वाईट अशा प्रत्येक प्रसंगाना कसं सामोरं जायचं. त्यामुळे जोडीदार पसंत करताना तो किती आत्मनिर्भर आहे हे पाहताना तो किती परिपक्व आहे हेही न चुकता बघा. कधी वेळेप्रसंगी तुमची साथ लाभली नाही तर ती व्यक्ती तो प्रसंग किती चलाखीने हाताळते हे पाहणं देखील गरजेचं असतं.

(वाचा :- ‘या’ ५ गोष्टी सांगतात नात्यातील प्रेम चाललंय आटत, वेळीच घाला वाईट सवयींना आवर!)

फॅमिली प्लानिंग

हा एक प्रश्न प्रत्येक व्यक्ती आपल्या जोडीदाराला विचारु इच्छिते पण कुटुंबीयांचा दबाव, जोडीदारासमोर संकोच वाटत असल्यामुळे विचारू शकत नाही. पण करियर व जॉबसाठी मुला-मुलींनी या प्रश्नाला नक्की प्राधान्य दिले पाहिजे. अशावेळी जोडीदाराला किती मुलं हवीत?. मुलांचं भविष्य कसं हवं? आयुष्यात फॅमिली प्लानिंगविषयी काय ध्येय आहेत? हे प्रश्न विचारण्यास जराही कचरू नका. हा संसारातील सर्वात महत्त्वाचा टप्पा असतो जिथे आर्थिक व कर्तव्य अशा सर्वच स्तरावर पती-पत्नी दोघांची कसोटी असते. याबाबतीत आपल्याही निर्णयाला किंवा विचारांना जोडीदाराच्या मते खूप आदर व किंमत आहे हे समजताच होकार देण्यास हरकत नाही.

(वाचा :- Tips For Single people – लग्नापासून दूर पळण्यापेक्षा ‘या’ ५ गोष्टींवर करा लक्ष केंद्रित!)

समजुतदारपणा

हल्लीची पिढी हट्टी स्वभावाची असल्यामुळे नात्यात कोणीच माघार घेत नाही व वाद जास्त चिघळतात. त्यामुळे लग्न करताना नात्यातील एक व्यक्ती तरी समजुतदार व शांत स्वभावाचं असावं. जेणे करुन समोरची व्यक्ती चिडलेली असताना समजुतदार व्यक्ती एक पाऊल मागे घेऊन त्याची समजुत घालू शकते आणि शांततेने प्रसंग हाताळू शकते. दोघेही एकाच स्वभावाचे असतील तर कोणीच माघार घेणार नाही आणि वाद टोकाला जाऊन नातं तुटू शकतं.

(वाचा :- अफेयर करणा-या नव-याला ‘या’ अभिनेत्रींनी दिली दुसरी संधी, हे कितपत सुरक्षित आहे?)


Source link

You may also like...

Leave a Reply

Your email address will not be published. Required fields are marked *