रक्तस्त्रावामुळे आईच्या गर्भातच झाला असता शिल्पा शेट्टीचा मृत्यु, प्रेग्नेंसीतील रक्तस्त्रावापासून कसं राहावं दूर?

Spread the love

शिल्पा शेट्टीचा अनुभव

शिल्पा शेट्टी सुपर डान्सर या रियालिटी शो मध्ये जज होती आणि या कार्यक्रमात देव वर्शेनेचा डान्स पाहून शिल्पा अतिशय भावूक झाली. देव हा अपंग आहे आणि तो जन्मानंतर जास्त काळ जगू शकणार नाही असे डॉक्टरांनी सांगितले होते. त्याची ही कहाणी ऐकून शिल्पाला स्वत:च्या जन्माची कहाणी आठवली आणि ती अतिशय भावूक झाली. शिल्पाच्या जन्माची कहाणी अनेकांना माहित नाही पण तिच्या जन्माची कहाणी अतिशय विलक्षण आणि तितकीच हृदय पिळवटून टाकणारी आहे.

(वाचा :- सिझेरियन डिलिव्हरीनंतर अशी घ्या टाक्यांची काळजी?)

नॉर्मल नव्हती शिल्पा

शिल्पाच्या आईला डॉक्टरांनी सांगितलं होतं की त्यांच्या बाळाची दृष्टी अधू राहील आणि जरी ते बाळ जास्त काळ जगलं तरी ते नॉर्मल असणार नाही अर्थात इतर सामान्य मुलांप्रमाणे असणार नाही. शिल्पा जेव्हा पोटात होती तेव्हा पासून 6 महिने तिच्या आईला ब्लीडींगचा सामना करावा लागला होता. अशाप्रकारे ब्लीडींग झाल्यास बाळाला योग्य प्रमाणात रक्त पुरवठा होत नाही आणि बाळामध्ये शारीरिक व्याधी दिसून येतात. असे कमजोर बाळ जास्त दिवस जगू सुद्धा शकत नाही. म्हणूनच गरोदरपणात ब्लीडींग होण ही मोठी समस्या मानली जाते.

(वाचा :- प्रेग्नेंसीच्या नऊ महिन्यांत गर्भाशयामध्ये होतात ‘हे’ मोठे बदल!)

आईने काय निणर्य घेतला

जेव्हा शिल्पाच्या आईला डॉक्टरांनी सांगितले की जास्त ब्लीडींगमुळे बाळाला धोका निर्माण झाला आहे आणि बाळ हे नॉर्मल नसेल तेव्हा साहजिकच त्या आईला किती दु:ख झाले असेल हे आपण समजू शकतो. अशा बाळाला नक्की जन्म द्यायचा की नाही हा मोठा प्रश्न शिल्पाच्या आईसमोर आणि घरातल्या इतरांसमोर होता. पण शिल्पाच्या आईने धीर सोडला नाही आणि तिने त्या बाळाला जन्म देण्याचा निर्णय घेतला. बाळ किती जगेल हे देवावर सोडू असे म्हणत तिने गोंडस शिल्पाला जन्म दिला आणि आज तुम्ही पाहू शकता की जगातील सुंदर स्त्रियांपैकी एक म्हणून शिल्पा शेट्टी ओळखली जाते.

(वाचा :- स्तनपान करणा-या महिलांनी चुकूनही करु नये ‘या’ पदार्थांचे सेवन!)

शिल्पाच्या भावना काय आहेत?

आजही शिल्पा याचे श्रेय आपल्या आईलाच देते आणि म्हणते, “तिने तेव्हा जर तो निर्णय घेतला नसता तर शिल्पा शेट्टी कधी अस्तित्वातच आली नसती.” शिल्पाच्या मते एक नॉर्मल बाळ म्हणून न जगणे हा मोठा तोटा असतो. तुम्ही तुमचे बालपण जगू शकत नाही. घरातील लोकांना नेहमी तुमच्याबद्दल काळजी वाटत असते. ते सतत तणावात असतात. शिवाय उपचारांवर सुद्धा खर्च येतो. त्यामुळे एक सामान्य बाळ म्हणून जगणे किती कष्टप्रद असते हे शिल्पा जाणते आणि म्हणूनच ती शारीरिक व्याधींशी झुंजणाऱ्या बाळांना मदत करायला नेहमी तयार असते.

(वाचा :- डिलिव्हरीनंतरच्या एनीमियामुळे आई व बाळाला भोगावे लागू शकतात दुष्परिणाम, काय काळजी घ्यावी?)

रक्तस्त्राव रोखण्यासाठी काय करावे?

गरोदरपणात ब्लीडींग सुरु झाल्यास ती लगेच थांबवण्यासाठी आपण काही करू शकत नाही. अनेकदा सुरु झालेली ब्लीडींग काही काळाने स्वत:च थांबते किंवा अनेकदा वाढत सुद्धा जाते. त्यामुळे जेव्हा ब्लीडींगची समस्या उद्भवेल तेव्हा लवकरात लवकर डॉक्टरांशी संपर्क साधावा आणि उपचार सुरु करावेत. पौष्टिक आहार, खूप पाणी पिणे, व्यसनांपासून दूर राहवे आणि एक चांगली जीवनशैली जगणे यामुळे ब्लीडींगच्या समस्येवर नियंत्रण मिळवता येते. ज्या स्त्रीला गरोदरपणात ब्लीडींगचा त्रास सतावतो तिने शक्य तितका आराम करावा आणि पुरेशी झोप घ्यावी. यामुळे ब्लीडींग वेळीच रोखली जाते आणि पुढील समस्या उद्भवत नाही व बाळ देखील सुरक्षित राहते.

(वाचा :- बॉलीवूडमधील प्रत्येक अभिनेत्रीने प्रेग्नेंसीमध्ये दिले आहे ‘या’ एका पदार्थाला प्राधान्य?)


Source link

You may also like...

Leave a Reply

Your email address will not be published. Required fields are marked *