‘रश्मी रॉकेट’मध्ये तापसी पन्नू साकारणार अ‍ॅथलीटची भूमिका, जाणून घ्या न्युट्रिशनिस्टने कसं तयार केलंय डाएट प्लान

Spread the love

बॉलिवूडमधील काही कलाकार मंडळी आपल्या दमदार अभिनयाव्यतिरिक्त मोठ्या पडद्यावर हटके भूमिका साकारण्यासाठीही ओळखले जातात. यापैकीच एक नाव म्हणजे ‘तापसी पन्नू’. हिंदी सिनेसृष्टीमध्ये तापसीने स्वतःचं स्वतंत्र स्थान निर्माण केलं आहे. ‘थप्पड’, ‘बदला’, ‘साँड की आँख’, ‘पिंक’, ‘नाम शबाना’, बेबी’, ‘मिशन मंगल’ यासारख्या सुपरहिट सिनेमांमध्ये तापसीने दमदार भूमिका साकारल्या आहेत. सिनेरसिकांनी तिच्या अभिनयाचं भरपूर कौतुक देखील केलं आहे.

अभिनेत्री तापसी पन्नू प्रचंड कष्टाळू अभिनेत्री आहे. सिनेमातील भूमिका मोठ्या पडद्यावर प्रभावीपणे साकारण्यासाठी ती डाएटपासून ते व्यायामापर्यंतच्या सर्व नियमांचं काटेकोरपणे पालन करते. आगामी सिनेमा ‘रश्मी रॉकेट’साठी (Rashmi Rocket) देखील प्रचंड घाम गाळतेय. या सिनेमामध्ये एका वेगवान धावपटू तरुणीची कथा प्रेक्षकांना पाहायला मिळणार आहे. या तरुणीला गावकऱ्यांनी ‘रॉकेट’ नाव दिलंय. या सिनेमासाठी तापसीची जोरदार तयारी सुरू आहे. चला तर जाणून घेऊया तापसी पन्नूच्या फिटनेस आणि डाएट प्लानबाबतची माहिती तिची न्युट्रिशनिस्ट आणि फिटनेस कोच मुनमुन गनेरीवाल यांच्याकडून…

​तापसी पन्नूचा नाश्ता

तापसी पन्नू आगामी सिनेमामध्ये अ‍ॅथलीटची भूमिका निभावतेय. या भूमिकेसाठी तिला सडपातळ, अ‍ॅथलेटिक आणि मस्क्युलर अशा रूपात दिसायचं आहे. गनेरीवाल यांनी सांगितले की,‘सिनेमातील मुख्य भूमिकेच्या गरजा लक्षात ठेवून तापसीसाठी डाएट प्लान तयार करण्यात आला आहे आणि तिच्या आहाराकडे देखील पूर्णतः लक्ष दिलं जातंय. याव्यतिरिक्त ती वेळेवर पौष्टिक आहाराचे सेवन करेल, याचीही काळजी घेतील जात आहे.’ तापसी सध्या रताळे, अंडी आणि ज्वारीची पोळी खाऊन आपल्या दिवसाची सुरुवात करतेय. या आहारामुळे तिच्या शरीराला योग्य प्रमाणात प्रोटीन आणि हेल्दी कार्बोहायड्रेटचा पुरवठा होतो, अशी माहिती देखील गनेरीवाल दिलीय.

​दुपारचे आणि रात्रीचे जेवण

तापसी पन्नू दुपारच्या आणि रात्रीच्या जेवणामध्ये घरगुती खाद्यपदार्थांचे सेवन करते. दुपारच्या जेवणात शाकाहारी पदार्थांचा समावेश असतो. उदाहरणार्थ काही भाज्यांसह भात, एक वाटी दही. तर रात्रीच्या जेवणात ती ज्वारी, जवस यासह मांस आणि मासे खाते.

(Health Care गुडघ्यांचे स्नायू मजबूत करण्यासाठी या आसनाचा करा सराव)

​तुपाचे सेवन

तापसीच्या सध्याच्या डाएट प्लानमध्ये घरगुती खाद्यपदार्थांचा सर्वाधिक समावेश असतो. याच पार्श्वभूमीवर तापसी ज्या पदार्थांचे सेवन करतेय, त्यावर मुनमुन अतिशय बारीक नजर ठेवून असतात.

(हिवाळ्यात वजन घटवणे होईल सोपे, जाणून घ्या ब्रेकफास्टपासून ते डिनरपर्यंतचा डाएट प्लान)

मुनमुन यांनी असेही सांगितली की,‘तापसी ताजे-ताजे शिजवलेल्या अन्नपदार्थांचे सेवन करते. प्रक्रिया न केलेल्या पौष्टिक तेलातील जेवण ती खाते. तसंच तापसीला शुद्ध तूप खाणे देखील पसंत आहे. यासाठीच कधी – कधी तिच्या आहारामध्ये तुपाचाही समावेश केला जातो’.

भरपूर पाणी​

स्वतःला हायड्रेट ठेवण्यासाठी तापसी पुरेशा प्रमाणात पाणी पिते. शूटिंग जास्त वेळ सुरू राहणार असेल तर यादरम्यान ती पौष्टिक पाणीयुक्त पदार्थांचे सेवन करते. यामुळे डिहायड्रेशनची समस्या उद्भवत नाही.

(Health Care Tips किती मिनिटे करावा मॉर्निंग वॉक? नियमित व्यायाम केल्यास आरोग्याला मिळतील हे लाभ)

​फलाहार

फिटनेससाठी तापसी केवळ एकच फळ खाते. ते म्हणजे केळी. पोस्ट वर्कआउट स्नॅकमध्ये ती केळी खाणे पसंत करते.

(हृदय विकार दूर ठेवण्यासाठी नियमित खा दोन अक्रोड, जाणून घ्या अन्य आरोग्यदायी लाभ)

​जंक फूड वर्ज्य

तापसीला कॉफी पिणं अतिशय आवडते, असे तिच्या न्युट्रिशनिस्टेन सांगितले. ती आपल्या डाएटमध्ये दोन कप ग्रीन कॉफीचा समावेश करते. तापसी अजिबात चहा पित नाही. तसंच तिनं आहारातून जंक फूड आणि पाकीटबंद खाद्यपदार्थ देखील वर्ज्य केली आहेत. याऐवजी ती कॉफीसह भाजलेले शेंगदाणे खाते.

(रात्री झोपण्यापूर्वी गुळाचे सेवन का करावे? आरोग्यदायी लाभ माहीत आहेत का, जाणून घ्या)

​​मल्टी- व्हिटॅमिन

तापसी आगामी सिनेमामध्ये अ‍ॅथलीटची भूमिका साकारत असल्याने मल्टी- व्हिटॅमिन आणि प्रोटीन शेकचे भरपूर सेवन करते. यामुळे तिच्या फिटनेसमध्ये भरपूर सुधारणा देखील झाली आहे.

(डायबेटिक फुट म्हणजे नेमके काय? जाणून घ्या आजाराची कारणे व धोका)

NOTE आपल्या आहारामध्ये कोणतेही बदल करण्यापूर्वी आहारतज्ज्ञ तसंच डॉक्टरांचा सल्ला घेणे आवश्यक आहे. तसंच दुसऱ्या व्यक्तीचे डाएट प्लान फॉलो करण्याची चूक करू नये.


Source link

You may also like...

Leave a Reply

Your email address will not be published. Required fields are marked *