लग्नानंतर १० दिवसांतच श्वेताच्या ‘या’ सवयीने आदित्य झाला हैराण, हे आहे वादाचे सर्वात मोठे कारण!

Spread the love

यात काहीच शंका नाही की प्रत्येक मुलाला अशीच बायको हवी असते जी दिसायला सुंदर असेल, व्यवहारात चपखल आणि खंबीरपणे घर सांभाळणारी असेल. जशा मुलींच्या होणा-या नव-याकडून अपेक्षा असतात तसंच त्यांच्या अपेक्षा असणं चुकीचं नाही. पण नोकरी करणा-या महिलांना असं वागणं थोडं कठीण वाटतं. मुली हे कधी कधी विसरुन जातात की एक चांगलं नातं बनवण्यासाठी सावधानी, काळजी व निरंतर प्रयत्न करण्याची गरज असते. पण काही महिलांचं म्हणणं असतं की, या गोष्टी फक्त ऐकायला चांगल्या वाटतात.

पण आपण एकतर्फी प्रेम सांभाळण्याचा प्रयत्न करतोय व पत्नी काहीच करत नाही हे जाणवल्यानंतर तुम्हाला कसं वाटेल? एखाद्या नात्यात आळस करणं निराशाजनकच नाही तर जोडीदाराच्या मनात राग निर्माण करणारंही असतं. आदित्य नारायण (aditya narayan)आणि श्वेता अग्रवाल (shweta agarwal) गेल्या १० वर्षांपासून रिलेशनशीपमध्ये होते आणि त्यांच्या लग्नाला दहाच दिवस उलटले आहेत. पण आदित्यला श्वेताची एक सवय आवडत नाहीये. एका मुलाखतीत आदित्य म्हणाला की, ‘माझी पत्नी खूपच आळशी आणि बेजबाबदार आहे’. ती काहीच न करताही पूर्ण दिवस बसून राहू शकते. पण तुम्हाला माहित आहे का तुमची ही सवय नातं खराब करु शकते. तुम्हीही असं वागत असाल तर ताबडतोब थांबवा.

यावर मनमोकळेपणे संवाद साधा

पती-पत्नी दोघांनाही ही जाणीव हवी की समतोल हीच सुखी संसाराची गुरुकिल्ली आहे. अशा परिस्थितीत जर नात्यातील एक व्यक्ती आळशी असेल तर नातं पुढे नेणं दोघांसाठी अशक्य होईल. जर तुमची पत्नीही अशी वागत असेल आणि यावर तिला संवादही साधायचा नसेल तर सर्वात आधी तिच्याशी मनमोकळेपणे बोला. तिला हे देखील सांगा की तिच्याबद्दल तुमच्या मनात काय विचार येत आहेत?

(वाचा :- ‘या’ गोष्टींमुळे पती-पत्नीमध्ये होतात वाद!)

स्तुती करा

आळसी लोक इतर वेळी अगदी योजनापूर्वक गोष्टी करतात पण जेव्हा एखाद्या समस्येवर तोडगा काढण्याची वेळ येते तेव्हा ते मागे हटतात. असं समजा की, तुमची पत्नी एक चांगली सुगरण आहे आणि तिच्या हातचं जेवण तुम्हाला आवडतं देखील, तर नेहमी त्यांनी बनवलेल्या जेवणाची स्तुती करा, तिला सपोर्ट करा आणि तिला हे देखील सांगा की तिने तुमच्यासाठी काही केलं तर तुम्हाला किती आनंद मिळतो.

(वाचा :- पहिल्या भेटीत ‘या’ चुका करणा-या मुलांवर मुली होतात नाराज!)

मुलांसाठीही चुकीचं

जर मुलांनी आपल्या आईला घरातील कामांपासून दूर पळताना पाहिलं तर विचार करा त्यांच्या मनात आईविषयी काय आदर्श निर्माण होईल? मुलं आपल्या आई-वडिलांकडे पाहूनच चांगल्या-वाईट गोष्टी शिकत असतात पण त्यांना चांगलं कोणी शिकवलंच नाही तर ती शिकणार कशी? किंवा त्यांच्या समोर आपण चुकीचं वागलो तर ते चांगलं काय व वाईट काय हे कसं ओळखणार? त्यामुळे तुम्ही पुढाकार घेऊन पत्नीला समजावून सांगा की तिची ही सवय मुलांसाठी किती घातक ठरु शकते.

(वाचा :- पती-पत्नीचे हे गुण एकमेकांसाठी असतात चांगली शिकवण!)

समजून घ्या

जर तुमची पत्नी आजारी आहे किंवा काही कारणानिमित्त तिला घरकामात मदत करता येत नसेल तर हा तिचा आळसाचा विषय अजिबातच नाही. उदाहरणार्थ, एका स्त्रिला प्रेग्नेंसीमध्ये व डिलिव्हरीनंतर बेडरेस्टची गरज असते, कारण यावर तिचं व बाळाचं आरोग्य निर्भर असतं. अशा परिस्थितीत तुम्ही तिची तुलना आळसी स्वभावाशी केली तर हे एकदम चुकीचं ठरु शकतं. ती देखील एक माणूस आहे त्यामुळे तिची परिस्थिती समजून घेणं हे तुमचं कर्तव्य आहे.

(वाचा :- ईशा देओल म्हणते, लग्नानंतरही ‘या’ ३ गोष्टींचा करु नये मुलींनी त्याग!)

मदत करा

हल्लीच्या सर्वच मुली या वर्किंग असतात त्यामुळे घर व ऑफिस अशी दुहेरी जबाबदारी त्यांच्यावर असते. दिवसभर ऑफिसचं काम आणि घरी आल्यानंतर जेवण, कुटुंबीयांची जबाबदारी, भांडी-कपडे अशी कामेही त्यांना सांभाळावी लागतात. या सा-या जबाबदा-यांमध्ये त्यांचीही दमछाक होऊ शकते त्यामुळे अशावेळी त्यांनी न मागताही तुम्ही त्यांना मदत केली पाहिजे. घरातील कामं ही तिचीच आहेत आणि ती तीनेच करावी हा विचार खरंच खूप चुकीचा आहे. संसार ही एक प्रकारची दुचाकी आहे. व पती-पत्नी त्या दुचाकीची दोन चाकं आहेत. त्यामुळे संसार फुलवणं ही जबाबदारी देखील दोघांची आहे.

(वाचा :- नात्यातील ‘या’ ५ गोष्टी डोकेदुखीपेक्षा कमी नाहीत!)


Source link

You may also like...

Leave a Reply

Your email address will not be published. Required fields are marked *