लठ्ठपणामुळे फिगर झालीये खराब? मग सकाळी उठल्यावर प्या ‘हे’ ५ प्रकारचे Fat Cutter Drinks

Spread the love

ग्रीन टी

गेल्या काही दशकांमध्ये ग्रीन टी ची व्याप्ती अधिक वाढली आहे. यामधील अँटीऑक्सिडेंट शरीराची चयापचयाची क्षमता वाढवून वजन घटवण्यास मदत करतात. जास्तीत जास्त लाभ मिळवायचा असेल तर पेयामध्ये साखर मिसळण्याची चूक अजिबात करु नका. जर तुम्हाला याची चव वाढवायची असेल तर त्यात लिंबाचा रस व मध मिसळा. ग्रीन टी मधील पोषक घटक शरीराचे वजन नियंत्रणात ठेवण्यास कारक ठरतात. त्यामुळे ओटीपोटावरील चरबी कमी करायची असल्यास उपाशी पोटी व दिवसातून एकदा असं किमान दोन वेळा तरी ग्रीन टीचं सेवन करा.

(वाचा :- जाणून घ्या महिलांमध्ये आढळणारे कर्करोगाचे प्रकार व बचावासाठी उपाय!)

लिंबू सरबत

धावपळीच्या दिवसानंतर व प्रचंड थकवा आला असल्यास दिवसाच्या शेवटी आपण लिंबू पाण्याचे सेवन करु शकतो. यासाठी दिवसाच्या सुरुवातीला कोमट पाण्यात लिंबू पिळून ते प्यावे. कारण या पाण्याने मेटाबॉलिज्म प्रक्रिया वेगवान होऊन लठ्ठपणा कमी होतो. या पेया मध्ये अ‍ॅंटीऑक्सिडंट आणि पेक्टिन फायबर असतं. जे ओटीपोटावरील अतिरिक्त चरबी कमी करण्यास मदत करतं. फायबरयुक्त पदार्थ खाल्ल्यामुळे पोट साफ होणं, गॅस किंवा अ‍ॅसिडीटी न होणं असे लाभ शरीराला होतात. तुम्ही या पेयात मध देखील मिक्स करु शकता.

(वाचा :- थंडीत खा ‘हे’ ८ पदार्थ, शरीराला उष्णता देण्यासोबतच वाढवतील रोगप्रतिकारक शक्ती!)

ओव्याचं पाणी

ओव्याला कॅरम सीड्स या नावानेही ओळखले जाते. ओवा संथ झालेली चयापचय प्रक्रिया सुधारण्यास मदत करतो. ओव्यामुळे पचनक्रिया जलद होते व ओवा पोषक तत्वांचे शरीरात अवशोषण होण्यास मदत करतो. हे पेय तयार करण्यासाठी दोन चमचे भाजलेला ओवा रात्रभर एक ग्लास पाण्यास भिजल घाला. सकाळी उठल्यावर हे पाणी गाळून किंवा व्यवस्थित मिक्स करुन प्या. हे पाणी प्यायल्याले चरबी तर जळून जाईलच पण पोटाच्या इतर समस्यांपासूनही मुक्ती मिळेल.

(वाचा :- नियमित करा सर्वांगासन! मेंदू व हृदयाला शुद्ध रक्तपुरवठा करण्यासोबतच हार्मोनल इम्बॅलन्स करते दूर!)

बडीशेपचे पाणी

शरीरातील सूज व अपचन दूर करण्यासाठी बडीशेपचे पाणी रामबाण उपाय मानला जातो. बडीशेफच्या बियांमध्ये मूत्रवर्धक गुणधर्म असतात जे शरीराला डिटॉक्स करण्यास मदत करतात. बडीशेप मेटाबॉलिज्म प्रक्रिया जलद करते. हे पेय बनवण्यासाठी पाण्यात एक चमचा बडीशेप मिक्स करुन रात्रभर भिजत ठेवा. सकाळी उठल्यानंतर ते पाणी गाळून प्या. ओटीपोटावरील अतिरिक्त चरबी कमी करण्यासाठी हे पाणी खूपच लाभदायक असते. तुम्ही बडीशेपचं पाणी उकळून देखील पिऊ शकता.

(वाचा :- मीठाच्या पाण्यात रोज बुडवून बसा पाय! थकवा, वेदना दूर होण्यासोबतच मिळतील आरोग्यवर्धक फायदे)

जि-याचं पाणी

भारतीय मसाल्यांतील जिरे हा एक महत्त्वपूर्ण व औषधी पदार्थ माला जातो. जि-याचं पाणी हे कॅलरी ड्रिंक आहे, जे पचनक्रिया सुरळीत करुन पोटावरील चरबी जाळून टाकण्यास मदत करतं. हे पाणी भूकेवर नियंत्रण मिळवण्यासोबतच वजन कमी करण्याची प्रक्रिया जलद गतीने करण्यास खूपच लाभदायक मानले जाते. हे पेय बनवण्यासाठी एक ग्लास पाण्यात एक चमचा जीरे घालून रात्रभर भिजत ठेवा. सकाळी उपाशी पोटी हे गाळलेलं जि-याचं पाणी प्या. काहीच दिवसांत तुमचं पोट कमी झालेलं दिसून येईल. वरील ड्रिंक्सच्या सेवनाने काहीच दिवसांत तुम्ही हॉट लुक आणि स्लिम फिगर मिळवू शकता.

(वाचा :- डिप्रेशनमध्ये आहात? मग मेंदू हेल्दी ठेवणा-या ‘या’ डाएट प्लानने करु शकता समस्येवर मात!)


Source link

You may also like...

Leave a Reply

Your email address will not be published. Required fields are marked *