लठ्ठ व बेडौल शरीर येईल झटक्यात शेपमध्ये, फक्त करा ‘या’ छोट्या छोट्या नियमांचं पालन!

Spread the love

वजन कमी करणं असं तर कधीच सोपं काम नसतं पण जेव्हा हिवाळा येतो तेव्हा हे काम अधिकच कठीण व आव्हानात्मक होऊन बसतं. हिवाळा आपलं वजन कमी करण्यासाठीच्या प्रक्रियेत अनेक अडथळे आणतो. हिवाळ्यात आपल्या फिजिकल अ‍ॅक्टिव्हिटीज कमी होतात, आपण पाणी कमी पितो, जिभेचे चोचले पुरवण्यासाठी मोठ्या प्रमाणात पाकिटबंद पदार्थ खातो आणि सुर्यप्रकाशात फिरणं कमी झाल्यामुळे शरीराला व्हिटॅमिन ‘ड’ ची पूर्तता कमी होते. या सर्व गोष्टी मेटाबॉलिज्म कमी करण्यास कारणीभूत ठरतात.

ज्यामुळे काही किलो वजन कमी करणंही खूप कठीण होऊन बसतं. म्हणूनच काही लोक हिवाळ्याला वजन वाढीचा काळ संबोधतात. ऋतुमानातील बदल लक्षात घेता तुम्हाला आपल्या वजन कमी करण्याच्या प्लानमध्येही बदल करावे लागतील. हिवाळ्यातील बदल ध्यानात घेऊन आपल्या रुटीन व डाएटमध्ये काही सकारात्मक बदल करावेत. चला तर जाणून घेऊयात हिवाळ्यात लठ्ठपणा कमी करण्यासाठी ५ खास टिप्स! (weight loss tips for winter)

गोड व कार्बोहायड्रेटच्या सेवनावर ठेवा लक्ष

हिवाळा हा क्रीमी सूप व गाजराचा हलवा अशा गरम पदार्थांसाठी ओळखला जातो, ज्याकडे दुर्लक्ष करुन चालणारच नाही. याव्यितिरिक्त हिवाळ्यात आपल्या शरीरात व्हिटॅमिन ड आणि सेरोटोनिनची पातळी कमी होते, ज्यामुळे आपण रिच डाएट फुड खाणं पसंत करतो. सोबतच आपण प्रक्रिया केलेले पदार्थ अधिक खाऊ लागतो आणि त्यासाठी सतत हॉटेलमधून विविध पदार्थ ऑर्डर करतो. हे सारं काही तुम्हाला नुकसान पोहचवण्यासोबतच लठ्ठपणा कमी करण्याच्या रस्त्यावरुन दूर घेऊन जातात. आपल्या डाएटमध्ये व्हिटॅमिन ड व सेरोटोनिन सारखे खाद्यपदार्थ जसं की, भेंडी, मशरूम, दुग्धजन्य पदार्थ, अंडी, काजू आणि आरोग्यदायी फळांच्या बिया यांचा समावेश करा.याव्यतिरिक्त फ्लॉवर व रताळांसारखे कार्बोहायड्रेट्सचे हेल्दी स्त्रोत निवडा.

(वाचा :- लठ्ठपणापासून तजेलदार त्वचा मिळवण्यापर्यंत भरपूर गोष्टींवर रामबाण उपाय आहे मसूर डाळ! इतर फायदे?)

कोमट पाणी

जेव्हा आरोग्यदायी जीवन व वजन कमी करण्याची गोष्ट येते तेव्हा लोक इतर गोष्टींना महत्त्व देऊन पाण्याकडे दुर्लक्ष करतात. पण हिवाळ्यात ही समस्या अधिक गंभीर होते. द्रव्य पदार्थांच्या कमी सेवनामुळे डिहायड्रेशनची समस्या होऊ लागते, जी आपली भूक वाढवू शकते व बॉडी फॅट जाळण्याची क्षमता कमी करतं. हिवाळ्यात साधं पाणी पिणं कमी होतं, म्हणून कोमट पाण्याचं सेवन करावं. कोमट पाणी पिण्याचे अनेक फायदे असतात. जसं की हे आपल्या शरीरात जमा झालेलं अतिरिक्त फॅट जाळून ब्लड सर्क्युलेशन सुरळीत ठेवण्याचं काम करतं. हे आपल्या शरीरात उष्णता ठेवण्याचं काम करतं. शिवाय चहा व कॉफीचं व्यसन सोडवण्यासाठी कोमट पाणी चांगला पर्याय आहे. स्वस्थ राहण्यासाठी कोमट पाण्यात लिंबाचा रस, थोडसं किसलेलं आलं व काही पुदिन्याची पाने वाटून त्याचा रस मिश्रणात मिसळा आणि गरमा गरम हा काढा प्या.

(वाचा :- मुरूम, खाज, लाल चट्टे व इतर स्किन अ‍ॅलर्जी झाल्यास ट्राय करा ‘हे’ रामबाण घरगुती उपाय!)

थोड्या थोड्या अंतराने जेवा

तीन मोठ मोठे मील घेणं आणि स्वत:ला उपाशी ठेवण्यापेक्षा छोट्या छोटया प्रमाणात जेवा. हे आपल्याला थोडं जास्त काळ पोटं भरल्याची फिलींग देईल. ज्यामुळे आपण मध्ये मध्ये उरलेल्या वेळात जे जंक फुडचं सेवन करतो ते कमी होईल. शिवाय आपलं जेवण स्किप होणार नाही याची काळजी घ्या. खाताना संयम बाळगा व आपली डिश प्रोटीनयुक्त व हेल्दी पदार्थांनी भरलेली असावी हे लक्षात ठेवा.

(वाचा :- सफेद साखर वापरत असाल तर थांबा! त्याऐवजी वापरा ‘ही’ हेल्दी व सुरक्षित साखर!)

काही वेळ घराबाहेरही व्यतीत करा

विंटर ब्लूज म्हणजेच हिवाळ्यात लोकांमध्ये आळशीपणा व उदासिनता जास्त दिसून येते. जे आपल्या मूड सोबतच आपल्या सवयींनाही प्रभावित करू शकते. जेव्हा आपल्याला थकवा जाणवतो तेव्हा आपण स्वत:च असे पदार्थ खाऊ इच्छितो जे आपल्याला आवडतात. जे हमखास अनहेल्दी व फॅट्सने भरलेले असतात. ही समस्या दूर करण्यासाठी काही वेळ घराबाहेर जा आणि ती कामं करा ज्यामुळे आपल्याला आनंद मिळतो. असे पदार्थ खा जे मूड ठीक करण्यासाठी ओळखले जातात. जसं की, केळ, द्राक्ष, ओट्स व डार्क चॉकलेट्स!

(वाचा :- आहारतज्ज्ञ सांगतायत लठ्ठ लोकांपासून ज्येष्ठ नागरीकांपर्यंत सर्वांना होणा-या घरगुती हेल्दी स्मूदीचे लाभ व रेसिपी!)

इनडोअर अ‍ॅक्टिव्हिटीज करा

कडाक्याच्या थंडीत एक आरामदायक पांघरुण आणि गरमा गरम चहा किंवा कॉफी याव्यतिरिक्त चांगलं काही वाटतच नाही. एका क्षणिक सुखाच्या क्षणासाठी आपण आरोग्य व फिटनेसच्या टारगेटकडे दुर्लक्ष करतो. आपण या काळात वर्कआउट सेशनच सोडून देतो तर कधी कधी ते सेशनचा काळ कमी करतो. त्यामुळे कमी कॅलरीज बर्न होतात आणि वजनही कमी होत नाही. या गोष्टीवर एक सोपा उपाय आहे इनडोअरअ‍ॅक्टिव्हिटीज! थंडीत जीम किंवा वॉकिंगला जायची इच्छा होत नसेल तर इनडोअर अ‍ॅक्टिव्हिटीजची मदत घ्या. रस्सीच्या उडया, पाय-या चढणं, डान्स करणं, इनडोअर एक्सरसाइज करुन तुम्ही शरीर अ‍ॅक्टिव सुडौल ठेऊ शकता.

(वाचा :- Weight Loss : रोज न चुकता करा ‘या’ ६ गोष्टी, लठ्ठपणावर करू शकाल सहज मात!)


Source link

You may also like...

Leave a Reply

Your email address will not be published. Required fields are marked *