लॉंग डिस्टन्स रिलेशनशीपची वाटते भीती? मग ट्राय करा राधिका आपटे व बेनेडिक्टच्या टिप्स!

Spread the love

यात काहीच शंका नाही की लॉंग डिस्टंस रिलेशनशीपमध्ये राहणं सोपं नाही. खूप कमी लोक अशी असतात जी कोसो दूर राहूनही आपल्या प्रेमासाठी प्रमाणिक असतात. याच कारणामुळे बहुतांश लोक मानतात की लॉंग डिस्टंसवाल्या नात्यांचं काहीच भविष्य नसतं. एकप्रकारे हे खरं देखील आहे, कारण अशा परिस्थितीत सदैव डोक्यावर भीतीची तलवार टांगलेली असते की आपला जोडीदार दुस-या कोणाकडे आकर्षित तर होणार नाही ना? पण हो, काही गोष्टींची काळजी घेतल्यास नातं निभावणं कठीण नाही. याचं जिवंत उदाहरण आहेत बॉलीवूडमधील राधिका आपटे (radhika apte) बेनडिक्ट टेलर (benedict taylor) हे जोडपं.

२०१२ मध्ये राधिकाने लंडनमधील संगीतकार बेनडिक्ट टेलरसोबत विवाह केला. लग्नानंतरही दोघे लॉंग डिस्टन्स रिलेशनशीपमध्ये (tips for long distance relationship) राहतात व वर्षातून फक्त १२ वेळा एकमेकांना भेटतात. राधिका एका मुलाखतीत म्हणाली होती की, ‘प्रत्येक महिन्यात भेटण्याचा प्रयत्न करताना मी कधीतरी लंडनला जाते तर बेनडिक्ट कधीतरी भारतात येतो’. कामातून वेळ काढणं कठीण असलं तरी नातं निभावण्यासाठी हे गरजेचं असतं. त्यामुळे प्रत्येक महिन्यातील काही दिवस आम्ही एकत्र राहण्याचा प्रयत्न करतो. कामामुळे कधी कधी महिना दिड महिना आमची भेट होत नाही, पण आम्ही यापेक्षा कधीच जास्त काळ लांबवत नाही.

का असते नातं तुटण्याची भीती

प्रत्येक नात्यात चढाव-उतार येतो जो नातं उद्धवस्त करण्यास पुरेसा असतो. असंच काहीसं लॉंग डिस्टंस रिलेशनशीपमध्ये राहणा-या जोडप्यांच्या बाबतीतही घडतं, जे एका नात्यात असून देखील एकटेपणाचे शिकार होतात. खरं तर कधी कधी थोडासा दुरावा नात्यात गोडवा आणतो, पण लॉंग डिस्टंसमधील जोडप्यांना एकमेकांचा हात पकडणं, एकत्र जेवणं, एकमेकांच्या डोळ्यांत पाहून संवाद साधणं अशा रोमॅंटिक गोष्टींची कमतरता जाणवते. त्यामुळे जेव्हा त्यांना दुस-या एखाद्या व्यक्तीची साथ मिळते तेव्हा ते लगेचच त्या व्यक्तीकडे आकर्षित होतात.

(वाचा :- लग्नानंतर १० दिवसांतच श्वेताच्या ‘या’ सवयीने आदित्य झाला हैराण, हे आहे वादाचे सर्वात मोठे कारण!)

शिकण्याची आवश्यकता

लॉंग डिस्टंस रिलेशनशीपमध्ये ब-याच गोष्टी शिकायला मिळतात. लांब राहिल्याने नातं तुटेल हा विचार करण्यापेक्षा ही जणू दोघांसाठी एक परीक्षाच आहे व ती आपल्याला जिंकायची आहे असा विचार करा. राधिका व बेनडिक्टच्या नात्याची खासियत ही आहे की, ते दोघे कितीही व्यस्त असले तरी एकमेकांसाठी आवर्जून वेळ काढतात. ज्यामुळे त्यांना लॉंग डिस्टंस रिलेशनशीपची जास्त झळ बसत नाही. ही रिलेशनशीप प्रामाणिकपणा शिकवते.

(वाचा :- ‘या’ गोष्टींमुळे पती-पत्नीमध्ये होतात वाद!)

प्रामाणिकपणा

लॉंग डिस्टंसमध्ये असणा-या व्यक्तींना सतत आपल्याला धोका तर मिळणा नाही ना? अशी भीती वाटत असते. पण सुरुवातीपासूनच नात्यात मनमोकळेपणे संवाद व प्रामाणिकपणा ठेवला तर तुमचं नातं इतरांसाठी आदर्श बनायला वेळ नाही लागणार. राधिकाने जेव्हा बेनडिक्टसोबत लपून लग्न केलं तेव्हा ब-याच लोकांचं म्हणणं होतं की वेळेनुसार याचं नातं कमजोर होईल व यांचं नातं जास्त काळ टिकणार नाही. पण असं काहीही झालं नाही, त्यांचं नातं अगदी आनंदात सुरु असल्याचं पुढे दिसून आलं.

(वाचा :- पहिल्या भेटीत ‘या’ चुका करणा-या मुलांवर मुली होतात नाराज!)

समजूतदार बना

लॉंग डिस्टंस रिलेशनशीप निभावताना तुम्हाला सर्वात आधी समजूतदार बनावं लागेल. दोघांनाही समजून घ्यावं लागेल की, तुमचं जीवन एकमेकांपक्षा खूप वेगळं आहे. तुम्ही दोघेही वेगवेगळ्या ठिकाणी असल्यामुळे तुमचे मित्रमंडळी वेगवेगळे असणार, शिवाय तुम्ही दोघेही दररोज नवनव्या लोकांना भेटत राहणार. त्यामुळे अशावेळी एकमेकांचा तिरस्कार करणं किंवा एकमेकांवर संशय घेणं हे योग्य होणार नाही. एकमेकांची परिस्थिती समजून त्यानुसार वागायला शिका.

(वाचा :- पती-पत्नीचे हे गुण एकमेकांसाठी असतात चांगली शिकवण!)

जास्तीत जास्त संवाद साधा

लॉंग डिस्टंस रिलेशनशीपमध्ये दोघेही शारीरिकदृष्ट्या एकमेकांपासून कोसो दूर असतात. अशावेळी गैरसमज, रुसवे-फुगवे होणं सहाजिकच आहे. पण ही परिस्थिती जास्त चिघळू नये असं तुम्हाला वाटत असेल तर जास्तीत जास्त व नियमित संवाद साधण्याचा प्रयत्न करा. संवाद साधल्याने नात्यातील गैरसमज दूर होतील, एकमेकांची परिस्थिती समजेल, एकमेकांबद्दलचे प्रेम चिरतरुण राहिल व ओढही कायम राहिल. त्यामुळे दिवसभर कितीही व्यस्त असा पण वेळात वेळ काढून एकमेकांशी बोलणं हे फक्त लॉंग डिस्टंस रिलेशनशीपलाच नाही तर इतर नात्यातील जोडप्यांनाही लागू होतं.

(वाचा :- ईशा देओल म्हणते, लग्नानंतरही ‘या’ ३ गोष्टींचा करु नये मुलींनी त्याग!)


Source link

You may also like...

Leave a Reply

Your email address will not be published. Required fields are marked *