वजन घटवण्यासाठी आरोग्यवर्धक आहेत फळांच्या या ३ स्मूदी, पोटावरील चरबी होईल कमी

Spread the love

वजन कमी करण्यासाठी सर्वप्रथम तुम्हाला आपल्याला जीवनशैलीमध्ये बदल करावे लागतील. यामध्ये तुम्हाला खाण्यापिण्याच्या सवयी, व्यायाम, झोपणे तसंच उठण्याच्या वेळांमध्ये बदल करावा लागेल. तसंच आपल्या डाएटमध्ये पौष्टिक पदार्थांचा समावेश असणं आवश्यक आहे. सकाळच्या नाश्त्यापासून ते रात्रीच्या जेवणापर्यंत तुम्ही सकस आहाराचे सेवन केले तर पोट आणि ओटीपोटावर अतिरिक्त चरबी जमा होणार नाही. यासाठी आपल्या डाएटमध्ये भरपूर प्रमाणात भाज्या आणि फळांचा समावेश करावा.

जर तुम्हाला दिवसाची सुरुवात पौष्टिक नाश्त्यापासून करावयाची असेल तर फळांपासून तयार केलेल्या स्मूदीचे सेवन करावे. स्मूदी प्यायल्याने तुम्हाला वारंवार भूक लागणार नाही. ज्यामुळे तुम्हाला जंक फूड, तळलेले – तिखट पदार्थ खाण्याची इच्छा होणार नाही. वेगवेगळ्या फळांपासून तयार केलेल्या स्मूदीमध्ये प्रोटीन, व्हिटॅमिन आणि अन्य पोषण तत्त्व मोठ्या प्रमाणात असतात. तुम्ही घरामध्येच सफरचंद, पपई किंवा केळ्यांपासून स्मूदी तयार करू शकता.

​तीन वेट लॉस ड्रिंक : सोपी रेसिपी

आम्ही आज तुम्हाला काही स्मूदीची रेसिपी सांगणार आहेत. या स्मूदीचा आपल्या डाएटमध्ये समावेश केल्यास काही दिवसांत तुम्हाला स्वतःमध्ये सकारात्मक फरक दिसू लागतील. शिवाय आरोग्यदायी लाभ देखील मिळतील. फळांमधील पोषण घटकांमुळे शरीराची चयापचयाची क्षमताही वाढेल. ज्यामुळे शरीरात अतिरिक्त चरबी जमा होणार नाही.

केळी आणि ओटमील स्मूदी: केळ्यामध्ये पोटॅशिअम आणि कॅल्शिअम यासारख्या पोषण तत्त्व भरपूर प्रमाणात असतात. दुधासोबत केळ्याचे सेवन केल्यास तुमच्या शरीराला अधिक प्रमाणात प्रोटीनचा पुरवठा होतो. तुम्ही केळ, दूध आणि ओट्सचे स्मूदी तयार करू शकता. यामध्ये फायबरचे प्रमाण जास्त आहे.

(Weight Loss Story या व्यक्तीचे वजन होते १०२Kg, असं घटवलं १२Kg वजन)

​चिमूटभर दालचिनीमुळे वाढेल चव

ओट्स आणि केळ्यामुळे तुम्हाला वारंवार भूक लागणार नाही. या स्मूदीमध्ये चिमूटभर दालचिनी देखील मिक्स करावी. यामुळे स्मूदीची चव वाढेल. शिवाय रक्तातील शर्करा देखील नियंत्रणात राहील. उन्हाळ्यामध्ये केळी आणि ओट्सपासून स्मूदी तयार करून प्यायल्यास तुम्हाच्या शरीराला थंडावा मिळेल.

(Weight Loss Diet वजन घटवण्यासाठी नेमकं काय खावे, फळे की भाज्या?)

​सफरचंद स्मूदी

दिवसभरात केवळ एक सफरचंद खाल्ल्यास तुमच्या शरीराला भरपूर प्रमाणात ऊर्जा मिळेल. आपल्या दिवसाची सुरुवात तुम्ही सफरचंदाचे स्मूदी पिऊन करू शकता. हे पेय आपल्या आरोग्यासाठी पौष्टिक मानले जाते. मिक्सरच्या भांड्यामध्ये पाण्यासह, कापलेले सफरचंद, दालचिनी आणि सब्जाच्या बिया मिक्स करा आणि वाटून घ्या. स्मूदी तयार झाल्यानंतर एका ग्लासमधून ओता आणि प्या. पण स्मूदी तयार केल्यानंतर लवकरात लवकर प्यावे.

(Weight Loss Tips ५ दिवसांत कमी होईल बेली फॅट, फॉलो करा या सोप्या ट्रिक्स)

​पपई स्मूदी

पपई एक पौष्टिक फळ आहे. पपईतील औषधी गुणधर्मामुळे आपल्या पचन प्रकियेशी संबंधित समस्या कमी होतात. यामुळे शरीर नैसर्गिक पद्धतीने डिटॉक्स होण्यासही मदत मिळते. पपई खाल्ल्याने वजन कमी होण्यासह त्वचेवरही नैसर्गिक चमक येते. पपई स्मूदी मिक्सरच्या भांड्यामध्ये वाटून सहजरित्या तयार करता येते. स्मूदीमध्ये पपईच्या बिया पडणार नाहीत, याची काळजी घ्यावी.

(Weight loss चहाऐवजी प्या हे ड्रिंक, एका आठवड्यात कमरेवरील चरबी होईल कमी)

​वजन घटवण्यासाठी या गोष्टींचीही घ्या काळजी

वजन घटवण्यासाठी पौष्टिक आहाराचे सेवन होणे गरजेचं आहे. त्याच प्रमाणे नियमित व्यायाम करणे देखील आवश्यक आहे. शरीरामध्ये जमा झालेली अतिरिक्त चरबी घटवण्यासाठी व्यायाम, योगासने देखील न चुकता करावीत.

(सोशल मीडियामुळे तुमच्या आहारावरही होतात दुष्परिणाम, जाणून घ्या सविस्तर माहिती)

Note आपल्या आहारामध्ये कोणत्या खाद्यपदार्थांचा समावेश करावा किंवा करू नये, याबाबत डॉक्टरांचा सल्ला घेणे आवश्यक आहे. कारण प्रत्येकाच्या आरोग्याच्या समस्या वेगवेगळ्या असतात.


Source link

You may also like...

Leave a Reply

Your email address will not be published. Required fields are marked *