वायू प्रदूषणामुळे लहान मुलांच्या फुफ्फुसांचं होतंय खूप नुकसान, घ्या ‘ही’ काळजी!

Spread the love

आकडेवारी काय सांगते?

सध्या या प्रदूषणाचा सर्वाधिक परिणाम होतो आहे तो लहान मुलांवर. नुकताच जन्म झाला असल्याने त्यांची शारीरिक स्थिती अत्यंत नाजूक असते. बाळ 1-2 वर्षाचे होईपर्यंत सुद्धा त्याला अशा प्रदूषणाचा धोका असतो. एका संशोधनात हे दिसून आले की गेल्या वर्षी वायू प्रदूषणाला बळी पडून 1.6 लाख बालकांचा मृत्यू झाला होता. याशिवाय जागतिक आरोग्य संघटनेच्या अहवालानुसार 15 वर्षांपेक्षा कमी वयाची 95 टक्के मुले वय प्रदुषणाच्या विळख्यात दिवसागणिक अडकत चालली आहेत.

(वाचा :- हिवाळ्यात मुलांना हेल्दी ठेवायचंय? वापरा सेलिब्रेटी डाएटिशियन ऋजुता दिवेकरच्या ‘या’ खास टिप्स!)

गर्भातील बाळावर होणारा परिणाम

वायू प्रदुषणाचा धोका आईच्या मार्फत गर्भातील बाळापर्यंत सुद्धा पोहचू शकतो. हार्वर्डच्या एका संशोधनानुसार गरोदरपणाच्या तिसऱ्या तिमाहीतमध्ये अधिक दुषित वायूमध्ये श्वास घेतल्याने बाळाला ऑटिज्‍म होण्याचा धोका अधिक बळावतो. गरोदरपणात अस्थमामुळे उच्च रक्तदाबाची समस्या देखील निर्माण होऊ शकते आणि किडनीची कार्यक्षमता मंदावते. जर वेळेवर उपचार केले नाही तर अस्थमामुळे बाळाला ऑक्सिजनची कमतरता भासू शकते आणि यामुळेच वेळेआधीच डिलिव्हरी होण्याचा धोका उद्भवतो. याशिवाय दुषित वायूचा अजून एक मोठा धोका म्हणजे मिसकॅरेज होय. अर्थात बाळ गर्भातच जन्माआधी मृत होऊ शकतं.

(वाचा :- ऐन करोनामध्ये आपल्या मुलांचा नाताळ सण असा बनवा खास!)

लहान मुलांच्या फुफ्फुसांवर होणारा परिणाम

मोठ्या व्यक्तींपेक्षा लहान मुलांच्या फुफ्फुसांवर वायू प्रदूषणाचा दुष्परिणाम वेगाने जाणवू लागतो. बाळाचा श्वसनमार्ग लहान आणि विकसित होत असतो. यामुळे ते प्रौढांच्या तुलनेमध्ये अधिक वेगाने श्वास घेतात. जेव्हा बाळाच्या शरीराचा विकास होत असतो तेव्हा विषारी आणि दुषित हवेमुळे त्याच्या फुफ्फुसांचा योग्य पद्धतीने विकास होत नाही. यामुळे मोठा झाल्यावर त्या मुलाला अस्थमा सारखा आजारही होऊ शकतो. जर जन्मापासूनच अस्थमा असेल तर मात्र ही स्थिती अजून बिघडू शकते. फुफ्फुसाच्या सामान्य विकारांपासून ते फुफ्फुसाचा कर्करोग वा न्युमोनिया सारखा जीवघेणा आजार होण्याची शक्यता नाकारता येत नाही.

(वाचा :- जया बच्चन का म्हणते ऐश्वर्याला बेस्ट मॉम? ऐश्वर्याच्या टिप्स नवोदीत मातांच्या येऊ शकतात कामी!)

घरात देखील आहे प्रदुषणाचा धोका

हे ऐकून तुम्हाला थोडं विचित्र नक्कीच वाटलं असेल पण मंडळी ही अगदी खरी गोष्ट आहे. हे वायू प्रदूषण आपल्या घरात सुद्धा ठाण मांडून बसतं. त्यामुळे ज्यांची घरे सर्वाधिक प्रदूषित शहरात आहेत त्यांना या गोष्टीचा सर्वाधिक धोका आहे. खास करून जेव्हा घरात बाळ वा लहान मुल असते तेव्हा अशी घरे त्या बाळासाठी असुरक्षित होतात. मात्र काही टिप्स वापरून बाळाचे रक्षण करता येते.

(वाचा :- मुलांचं सर्दी-पडसं व खोकला दूर करण्यासाठी असा बनवा घरगुती काढा!)

कशा प्रकारे बचाव करता येऊ शकतो?

कोरोनाचा काळ सध्या सुरू आहे. त्यामुळे बाहेर जाऊच नये. पण इतर वेळी सुद्धा घराबाहेर कमीच पडावे. बाहेरची प्रदूषित हवा घातक ठरू शकते. ज्या व्यक्तींची रोगप्रतिकारक शक्ती कमी आहे अशा व्यक्ती जास्त करून या प्रदूषणाला बळी पडतात आणि या व्यक्तींमध्ये लहान मुले व वृद्धांचा समावेश होतो. म्हणून लहान मुलांना घेऊन सहसा घराबाहेर जाणे टाळावे. जर जायचे झाले तर कोरोना असो वा नसो बाळाला अवश्य मास्क घालावा. मास्क मुळे बऱ्यापैकी दूषित हवा रोखली जाईल. बाजारात लहान मुलांसाठी विशेष मास्क उपलब्ध असतात, त्यांचा वापर करणे उत्तम! घर प्रदूषित वातावरणात असेल तर बाहेरून कोणतीही हवा आत येणार नाही याची काळजी घ्यावी. दारे आणि खिडक्या बंद ठेवाव्यात. घरात जास्त व्हेंटिलेशन राहील याची सोया इंटेरियर डिजाईनर मार्फत करून घ्यावी.

(वाचा :- मुलांना जंक फुड खाऊ घालण्याआधी जाणून घ्या त्याचे गंभीर दुष्परिणाम!)


Source link

You may also like...

Leave a Reply

Your email address will not be published. Required fields are marked *