व्यायामाला नव्यानं सुरुवात करताना या ५ सोप्या प्रकारांची घ्या मदत

Spread the love

मुंबई टाइम्स टीम
गेल्या आठ महिन्यांपासून वर्क फ्रॉम होम सुरू असल्यानं अनेक जण घरातूनच काम करत आहेत. बऱ्याच जणांना आरोग्यासंबंधी समस्या निर्माण झाल्या आहेत. वजन वाढणं, पोट सुटणं, अंग दुखणं अशा विविध समस्यांनी डोकं वर काढलं आहे. गेल्या अनेक महिन्यांपासून शरीराची (Health Care) हालचाल कमी झाली आहे, हे या समस्यांमागचं मुख्य कारण असून घरीच हलके व्यायाम केल्यास या समस्येतून आपली सुटका होऊ शकते. तसंच सध्या हवेत थोडा गारवा जाणवत असून हा काळ व्यायाम करण्यासाठी उत्तम आहे. आपण यापूर्वी कधीही व्यायाम केला नसल्यास व्यायामातील फंक्शनल फाइव्हपासून सुरुवात करू शकता. नव्यानेच व्यायाम सुरू करणाऱ्यांसाठी पाच सोपे प्रकार पुढीलप्रमाणे…

० स्क्वॅट्स
पायांचा व्यायाम करण्यासाठी खुर्चीवर बसा आणि पुन्हा उठा. हा व्यायाम करताना जेव्हा तुम्ही उठाल तेव्हा श्वास सोडा आणि जेव्हा बसाल तेव्हा श्वास घ्या. हा व्यायाम करताना तुम्ही एका विशिष्ट स्थितीत असणं गरजेचं आहे. त्यासाठी पाय पुढे ठेवा, गुडघा वाकवा आणि हात छातीला समांतर ठेवा. पाठ ताठ असावी. हा व्यायाम करताना जेव्हा खालून उठतो तेव्हा गुडघ्यातून हालचाल करा. हात छातीच्या रेषेत समांतर ठेवा आणि स्क्वॅट करा. हळूहळू खुर्चीचा आधार न घेता स्क्वॅट करायला शिका आणि नंतर अर्धेच स्क्वॅट्स न करता पूर्ण करायला शिका.

पुश अप्स
छातीच्या स्नायूंचा व्यायाम होण्यासाठी वॉल पुश अप करा. भिंतीपासून दोन फूट दूर उभे राहा, पाय जवळ ठेवा आणि तळहात भिंतीवर टेकवा. त्यानंतर भिंतीकडे झुका. ही क्रिया पुन्हा करा. या व्यायामप्रकाराची सवय झाल्यावर दुसऱ्या पद्धतीनं पुशअप्स करण्यासाठी प्रयत्न करा. दररोज सकाळी वॉल पुश अप्स केल्यास ते मानेच्या आणि पाठीच्या दुखण्यापासून दूर ठेवतात, असं तज्ज्ञ सांगतात.
(डिटॉक्स डाएट म्हणजे काय? याचे शरीरावर होणारे महत्त्वाचे परिणाम जाणून घ्या)
० करा खांद्यांची हालचाल

खांद्यांचा व्यायाम करण्याआधी खांदे वर खाली हलवून वॉर्म अप करा. हे करताना आपण खांदे फिरवून वॉर्म अप करू शकतो. खांद्यांचा व्यायाम करण्यासाठी पाय जवळ घेऊन सरळ रेषेत उभे राहा. हात दोन्ही बाजूला सरळ ठेवा आणि तळहात मोकळे सोडा. यानंतर खांदे कानाच्या दिशेने सरळ वर घ्या. अशी क्रिया दोन सेट्समध्ये दहा वेळा करा. खांदे वर न्या. त्यानंतर खांदे पूर्वीप्रमाणे खाली आणा. हा व्यायाम करताना जेव्हा आपण खांदे वर घेतो तेव्हा ते खाली घेण्यापूर्वी १ ते १०पर्यंत आकडे मोजा. नंतर हातामध्ये पाण्याच्या बाटल्या वजन म्हणून घेऊन हा व्यायाम करू शकता.

० करा कंबरेखालचे व्यायाम
पोटावर झोपा. दोन्ही हात आणि पाय हवेत उंचवा. नंतर हळूहळू खाली-खाली आणा. ही क्रिया पुन्हा करा. ही क्रिया करत असताना मानेच्या हालचालींवर लक्ष केंद्रित करायचा सल्ला तज्ज्ञ देतात. मान हाताच्या रेषेत असावी.
(Health Care गुडघ्यांचे स्नायू मजबूत करण्यासाठी या आसनाचा करा सराव)
० ओटीपोटाच्या स्नायूंसाठी…
गुडघ्याच्या दिशेनं खाली वाका. हे करत असताना पाठीचा कणा वाकवू नका. ही क्रिया करत असताना दम लागत असेल तर ती चुकीच्या पद्धतीनं करत आहोत हे लक्षात घ्या. बरेचशे लोक ओटीपोटातील स्नायूंवर ताण देत नाही.
संकलन- प्रथमेश गायकवाड, विल्सन कॉलेज

(फिटनेससाठी लाइफस्टाइलमध्ये कोणते बदल करणं ठरेल लाभदायक? जाणून घ्या)


Source link

You may also like...

Leave a Reply

Your email address will not be published. Required fields are marked *