शरीरासारखीच चरबी लिवरवर वाढून देऊ शकते गंभीर आजारांना निमंत्रण, असं ठेवा आपलं लिवर निरोगी!

Spread the love

आपल्या शरीराचा सर्वात महत्वाचा भाग आहे शरीराचे आतडे. कारण आपले सर्व शरीर आतड्यावर निर्भय आहे. शरीर चांगले काम करण्यासाठी आपले आतडे निरोगी असणे गरजेचे आहे. यासाठी आतडे निरोगी असणे आवश्यक आहे त्यासाठी त्यांची काळजी घेणे आवश्यक आहे. ज्यांना लिव्हरची समस्या असते व पचन होण्यास त्रास होतो त्यांनी आपल्या आतड्यांना जरूर साफ ठेवले पाहिजे. लठ्ठ व्यक्तींनी देखील वेळोवेळी हे केलं पाहिजे. ज्यामुळे शरीरातील आतडी स्वच्छ राहतील आणि ज्यामुळे शरीरातील सर्व घाण बाहेर निघून जाईल. ज्या लोकांना फॅटी लिव्हरची समस्या असते त्यांना डाएटमध्ये अतिशय काळजी घेणं आवश्यक असतं.

कारण फॅटी लिव्हरची समस्या असणा-या लोकांना पचनक्रिये संबंधित आणि पोटाशी निगडीत अनेक त्रास सतत होत राहतात. यामध्ये पोट व्यवस्थित साफ न होणे, पोटात सतत गॅस होणे, सतत अॅसिडीटीचा सामाना करावा लागणं यासारख्या समस्यांचा समावेश असतो. तुम्हाला या आणि अशा अनेक समस्यांपासून दूर राहायचं असेल तर खाली दिलेल्या टिप्स वापरुन आपलं यकृत निरोगी व सुदृढ ठेवा. खरं तर यकृत हा आपल्या शरीरातील ह्रदयाइतकाच महत्त्वाचा अवयव आहे. चयापचायाची सर्व क्रिया ही यकृताद्वारे होते आणि त्यातच बिघाड झाला तर आपल्या शरीराचं इंजिनही काहीच दिवसांत बंद पडू शकतं. म्हणून निष्काळजीपणा टाळा आणि निरोगी राहा.

फॅटी लिव्हर म्हणजे काय?

  • नाव वाचूनच तुमच्या लक्षात आलं असेलच की फॅटी लिव्हर ही समस्या लिव्हरवर जमा होणा-या फॅटशी संबंधित आहे. आपल्या आहारातून शरीरात जाणारे फॅट शरीरातील वेगवेगळ्या अवयवांमध्ये जमा होऊन बसते आणि ही अगदीच सामान्य प्रक्रिया असते. पण जेव्हा लिव्हरवर मर्यादेपेक्षा अधिक फॅट जमा होऊ लागतं तेव्हा ते यकृताच्या कार्यप्रणालीत बाधा आणू लागतं. याच्या नकारात्मक प्रभावामुळे यकृत आपलं पचनक्रिया करण्याचं कार्य सुरळीत पार पाडू शकत नाही.
  • लिवर मुख्यत्वे आहारातून निर्माण होणा-या रसातून उर्जेचं उत्पादन करण्याचं कार्य करतं. सोबत ब्लड प्युरिफिकेशन म्हणजेच रक्त शुद्धीकरण आणि रक्त पुरवठा करण्याचं मुख्य काम करतं. पण जेव्हा यकृतावर मर्यादेपेक्षा जास्त चरबी चढू लागते तेव्हा ते आपलं काम म्हणावं तितकं यशस्वीरित्या करु शकत नाही आणि यामुळे शरीरात उर्जेची निर्मिती होत नाही. त्यामुळे फॅटी लिवरवाले लोक खूप लवकर थकतात.

(वाचा :- नाश्त्यातील बटाट्याची कमतरता पूर्ण करतात ‘हे’ पौष्टिक व स्वादिष्ट पदार्थ!)

फॅटी लिवरचे असतात दोन प्रकार

  • फॅटी लिवरची समस्या मुख्य करुन दोन प्रकारची असते. यामध्ये अल्कोहॉलिक फॅटी लिवर आणि नॉन अल्कोहॉलिक फॅटी लिवर अशा दोन प्रकारच्या समस्या असतात.
  • अल्कोहॉलिक फॅटी लिवर (Alcoholic Fatty Liver) ही समस्या त्या लोकांमध्ये पाहायला मिळते जे लोक प्रमाणापेक्षा जास्त आणि नियमित दारुचे सेवन करतात. तर नॉन अल्कोहॉलिक फॅटी लिवर (Non Alcoholic Fatty Liver) ही समस्या त्या लोकांमध्ये पाहायला मिळते ज्या लोकांना हायपरटेन्शन (high bp), मधुमेह (diabetes), लिवर सिरोसिस यासारखे आजार असतात. या आजारात रुग्णांच्या लिवरला सूज किंवा जखम होण्याची समस्या निर्माण होऊ शकते.

(वाचा :- Navratri 2020 :- नवरात्रीच्या उत्साहामध्ये करु नका आरोग्याकडे दुर्लक्ष, या टिप्स फॉलो करुन राहा स्लिम व फिट!)

फॅटी लिवरची लक्षणे काय?

ज्या लोकांना फॅटी लिवरची समस्या असते त्या लोकांना सतत पोटदुखीच्या त्रासातून जावं लागतं. या लोकांना पोटामध्ये बेंबीच्या वरच्या भागात वेदना होतात. तसंच फॅटी लिवरमुळे पोटावर देखील सूज येऊ शकते. पोट जड जड वाटणे आणि कडक होणे अशा समस्या उद्भवू शकतात. फॅटी लिवरची समस्या असणा-या लोकांची त्वचा व डोळे पिवळे पडू लागतात आणि वजन कमी झाल्याचं जाणवतं.

(वाचा :- जगात आढळतात साडेसात हजार प्रकारची सफरचंद! जाणून घ्या त्यातील ८ प्रसिद्ध सफरचंदांचे लाभ व गुणधर्म)

फॅटी लिवरवर उपचार काय?

फॅटी लिवरच्या समस्येवर योग्य आहार घेऊन नियंत्रण मिळवता येऊ शकते. जर स्थिती अधिकच बिकट असेल तर डॉक्टर तुमच्या लिवरला आलेली सूज आणि आरोग्याची स्थिती तपासून तुम्हाला योग्य ती औषधं देऊ शकतात. अॅक्टिव लाईफस्टाईलचा वापर करुनही तुम्ही घरच्या घरी पोटावर आलेली सूज आणि कडकपणा दूर करु शकता. नियमित चालणे आणि योग अभ्यास करणे अशा रुग्णांसाठी लाभदायक ठरु शकते.

(वाचा :- हे एक असं स्वस्त व मस्त होममेड बटर आहे जे तुमचं हृदय ठेवतं तंदुरुस्त!)

आहाराबाबत घ्या खालील गोष्टींची काळजी

  • अशा लोकांनी दिवसाची सुरुवात कोमट पाण्यात लिंबू पिळून प्यायल्याने किंवा हर्बल टी च्या सेवनाने केल्यास भरपूर प्रमाणात आराम पडू शकतो. कारण सकाळच्या वेळी केलेले हर्बल टी चे सेवन शरीरातील टॉक्सिक पदार्थ बाहेर टाकण्यास मदत करते.
  • फळे आणि भाज्यांच्या सॅलेडचे सेवन करा. या सॅलेडवर सैंधव मीठ आणि भाजलेल्या जी-यांची पावडर भुरभूरुन खा. फक्त एक आठवडा हे उपाय करुन बघा तुम्हाला फरक आपोआप जाणवू लागेल. तुम्ही स्वत:ला खूप उर्जावान फिल कराल आणि पोट देखील साफ होईल.
  • मैदा, डीप फ्राय केलेले पदार्थ आणि फास्ट फुडचं सेवन न करणंच तुमच्यासाठी उत्तम ठरेल. कारण भरपूर तेलात तळलेले आणि मैद्यापासून बनवलेले पदार्थ आपल्या यकृताला खूप मोठ्या प्रमाणात नुकसान पोहचवतात. त्यात फॅटी लिवरच्या समस्येतून जाणा-या लोकांचं यकृत तर आधीपासूनच कमजोर असते.
  • दुपारच्या जेवणात दही आणि रात्रीच्या जेवनात पुदीना किंवा ताज्या हिरव्या कोथींबिरीची चटणी खा. कारण हा आहार पचणास हलका असतो. हे पदार्थ पचनक्रिया सुरुळीत ठेवण्यास मदत करतात आणि शरीरात टॉक्सिन्स जमा होऊ देत नाहीत. तसंच फॅटी लिवर असलेल्या लोकांनी दारुपासून चार हात लांब राहावे. तसंच डिनर झोपायला जाण्याआधी कमीत कमी २ ते ३ तास आधी करावा. जेवल्यानंतर लगेचच बसू नये किंवा झोपू नये. तर शतपावली (walk) करावी.

(वाचा :- थायरॉइड ठेवायचा असेल नैसर्गिकरित्या नियंत्रणात तर नियमित करा ‘या’ पदार्थांचे सेवन!)


Source link

You may also like...

Leave a Reply

Your email address will not be published. Required fields are marked *