शांत झोप हवीय? मग या ७ गोष्टी कायम ठेवा लक्षात

Spread the love

मुंबई टाइम्स टीम
करोनाच्या पार्श्वभूमीवर निर्माण झालेल्या अनिश्चिततेमुळे वाढलेल्या ताणाचा परिणाम झोपेवर होत असल्याचं अनेक जण सांगतात. सध्या बऱ्याच जणांचं झोपेचं गणित पुरतं बिघडलं आहे. रात्री मध्येच जाग येणं, पुरेशी झोप न होणं इत्यादी तक्रारींमध्ये वाढ झाल्याचं डॉक्टरांचं म्हणणं आहे. यासाठी काय करता येईल हे आजच्या लेखातून जाणून घेऊ या…

१. वातावरण असावं कूल
तज्ज्ञांच्या मते झोपताना खोलीच्या खिडक्या बंद करणं आणि खोली थंड ठेवणं फायदेशीर ठरू शकतं. जर बाहेरचं तापमान तुमच्या खोलीच्या तापमानापेक्षा कमी असेल, तर तुम्ही खिडक्या उघड्या ठेवू शकता. तसंच दिवसभर तुमच्या खोलीच्या खिडक्या आणि पडदे बंद ठेवा, जेणेकरून तुमची खोली थंड राहण्यास मदत होईल.

२.वेळापत्रक बनवा
पुरेशी झोप मिळण्यासाठी उठण्याची आणि झोपण्याची निश्चित वेळ असणं गरजेचं आहे. यामुळे झोप न लागण्यासाठी कारणीभूत ठरणाऱ्या सोशल जेटलॅगचं प्रमाण कमी होतं, असं तज्ज्ञांचं म्हणणं आहे.
(पोटावर झोपण्याची सवय आहे? या ६ समस्या उद्भवण्याची शक्यता)
३. शारीरिक स्थिती महत्त्वाची
एका आरोग्य संस्थेनं केलेल्या संशोधनानुसार, आपल्यापैकी ६० टक्क्यांहून अधिक व्यक्तींना एका कुशीवर झोपायची सवय असते. याची नोंद उरलेल्या ४० टक्के व्यक्तींनी घेणं गरजेचं आहे. कारण एका कुशीवर झोपणं हे आरोग्याच्या दृष्टीनं योग्य असतं. त्यामुळे आपल्या पाठीवर कोणत्याही प्रकारचा ताण येत नाही. परिणामी, पाठीदुखीचा त्रास होत नाही.

४.चक्रावर परिणाम
चांगली झोप लागण्यासाठी मद्यपान टाळणं गरजेचं आहे. आहारतज्ज्ञांच्या मते, मद्यपानामुळे झोपेच्या चक्रात बदल होतो. सुरुवातीला गाढ झोप लागू शकते. पण, नंतर अस्वस्थ वाटू लागतं. मद्यपान केल्यामुळे एकूणच झोपेचं गणित बिघडण्याची शक्यता जास्त असते.
(Shanka Prakshalana शंख प्रक्षालन क्रिया करण्याची पद्धत, जाणून घ्या याचे लाभ)

५. पुरेशी झोप आवश्यक
दररोज आठ तास झोप घेणं आवश्यक असल्याचं तुम्ही अनेकवेळा ऐकलं असेल. हे व्यक्तीनुसार बदलू शकतं. तसंच दररोज किती तास झोपलो याचं तुम्ही मोजमाप करत असाल तर त्यामुळे अस्वस्थपणा वाढून त्याचा तुमच्या झोपेवर परिणाम होऊ शकतो. त्यामुळे पुरेशी झोप घ्या.

६. खोली असावी नीटनेटकी
तुमची झोपायची खोली व्यवस्थित आवरलेली नसेल तर त्याचा तुमच्या झोपेवर परिणाम होतो, असं अनेक संशोधनातून सिद्ध झालं आहे. याउलट जर तुमची झोपेची खोली नीटनेटकी असेल तर तुम्हाला शांत झोप लागण्यास मदत होते. त्यामुळे चांगली झोप लागण्यासाठी तुमची झोपायची खोली नीटनेटकी आणि स्वच्छ असावी. तसंच झोप लागण्यासाठी डोळ्यांवर घालण्यात येणाऱ्या मास्कचा वापर करू शकता.
(अपचनामुळे त्रस्त आहात? समस्या दूर करण्यासाठी वाचा ही फायद्याची माहिती)

७. चॉकलेट-चीज नकोच!
जर तुम्ही जास्त प्रमाणात चीज खात असाल तर त्याचा तुमच्या झोपेवर परिणाम होतो. चीजमध्ये मोठ्या प्रमाणात अमिनो अॅसिड टायरामाइन असतं. यामुळे झोप लागत नाही. तसंच चांगली झोप लागण्यासाठी चॉकलेट आणि आईस्क्रीम हे पदार्थ खाऊ नयेत, असा सल्ला तज्ज्ञ देतात.

संकलन- राहुल पोखरकर, ए. पी. शाह इन्स्टिट्यूट ऑफ टेक्नॉलॉजी


Source link

You may also like...

Leave a Reply

Your email address will not be published. Required fields are marked *