शारीरिक वेदना व सांधेदुखीच्या त्रासातून सुटका मिळवण्यासाठी करा थाय मसाज

Spread the love

वर्क फ्रॉम होममुळे बहुतांश लोकांचे आयुष्य इतके व्यस्त झालंय की त्यांना विश्रांती घेण्यासाठीही पुरेसा वेळ मिळत नाही. दिवसभराच्या धावपळीमध्ये अनेकांना शारीरिक थकवा आणि मानसिक समस्यांचा सामना करावा लागत आहे. शारीरिक ( Health Care Tips) तसंच मानसिक थकवा दूर करण्यासाठी उत्तम उपाय म्हणजे बॉडी मसाज. आयुर्वेदामध्येही मसाज उपचार पद्धतींना भरपूर महत्त्व आहे. केवळ आपल्याच देशात नव्हे तर परदेशांमध्येही वेगवेगळ्या उपचारांनुसार मसाज थेरपी दिली जाते.

या उपचार पद्धतींमध्ये वेगवेगळ्या आयुर्वेदिक- नैसर्गिक तेलांची मदत घेण्यात येते. आवश्यकतेनुसार शरीराच्या काही अवयवांचा किंवा संपूर्ण शरीराचाही मसाज केला जातो. पण थाय मसाजमध्ये सामान्य मसाज किंवा तेल मसाजच्या तुलनेत बरीच वेगळी पद्धत अवलंबली जाते. यामध्ये स्नायूंवर जोर देऊन शरीराच्या हाडांना आराम देण्याचा प्रयत्न केला जातो. यामुळे स्नायू मजबूत होतात आणि शारीरिक वेदनांपासूनही मुक्तता मिळते. थाय मसाजमध्ये अ‍ॅक्युप्रेशरच्या मदतीने शरीराच्या प्रेशर पॉइंट्सवर कार्य केले जाते. यामुळेच अन्य मसाज पद्धतींच्या तुलनेत थाय मसाज थेरपीमुळे शरीराला वेदना-दुखण्यांपासून लवकर आराम मिळतो.

​थाई मसाजचे फायदे

एकाच ठिकाणी तास-न्-तास बसून तुम्ही ऑफिसचे काम करत असाल तर शारीरिक वेदनांचा सामना करावा लागण्याची शक्यता अधिक असते. तसंच शरीरावर सूज देखील येऊ शकते. शारीरिक थकवा दूर करण्यासाठी मसाज करणं सर्वोत्तम उपाय. पारंपरिक थाय मसाज पद्धतीमध्ये स्नायूंवर हलकासा दबाव देऊन शरीराचा मसाज केला जातो. यासाठी तेलही वापरलं जाते. या थेरपीमध्ये पाठीपासून ते पायांपर्यंतच्या स्नायूंना आराम दिला जातो.

(सॅनिटायझर बर्न्स टाळणे शक्य, तज्ज्ञांच्या माहितीनुसार ‘या’ खबरदारी बाळगणे आवश्यक)

​मायग्रेनसारख्या समस्येवर रामबाण उपाय

मसाजमुळे शरीराला नवीन ऊर्जा मिळते आणि सर्व अवयवांमध्ये रक्ताचा प्रवाह सुद्धा वाढतो. तसंच डोकेदुखी आणि मायग्रेनसारख्या समस्यांपासूनही सुटका मिळते. शारीरिक वेदना कमी करण्यासाठी आपण औषधांची मदत घेऊ इच्छित नसल्यास तज्ज्ञांच्या सल्ल्यानुसार थाय मसाज थेरपी घ्यावी.

(सायकलिंगला सुरुवात करताय? मग आरोग्यासाठी या गोष्टींची खबरदारी घेणे आवश्यक)

​गुडघेदुखीची समस्या दूर होते

वाढत्या वयानुसार गुडघेदुखीची समस्या निर्माण होणे सामान्य बाब आहे. योग्य प्रकारे मसाज केल्यास आर्थरायटिसची समस्या दूर होण्यास मदत मिळू शकते. गुडघ्यांचे दुखणे कमी करण्यासाठी तज्ज्ञांच्या सल्ल्यानुसार नियमित मसाज करणं आवश्यक आहे. याव्यतिरिक्त थाय मसाजमुळे सांधेदुखीच्या समस्येपासूनही सुटका मिळते.

(भात खाल्ल्याने शरीरावर होतात हे परिणाम, किती प्रमाणात सेवन करणं ठरेल आरोग्यासाठी योग्य?)

​शरीरावरील सूज कमी करण्यासाठी

थाई मसाजमुळे आपल्या पायांवर तसंच शरीराच्या अन्य अवयवांवर येणारी सूज देखील कमी होण्यास मदत मिळू शकते. जेव्हा तुम्ही थाय मसाज थेरेपी घेता त्यावेळेस तज्ज्ञमंडळी तुमच्या शरीराच्या महत्त्वाच्या प्रेशर पॉइंट्सवर कार्य करतात, यामुळे शारीरिक वेदनेतून आराम मिळतो.

(व्हेरिकोज व्हेन्स म्हणजे काय? वेळीच ओळखा हा धोका : तज्ज्ञांची माहिती)

​पाठदुखीपासून मिळते सुटका

पाठीचा कणा हा आपल्या शरीराचा सर्वात महत्त्वाचा भाग आहे. आपल्या शरीराला योग्य आकार मिळण्यास पाठीचा कणा महत्त्वाची भूमिका निभावतो. एकाच ठिकाणी तास-न्-तास बसून ऑफिस काम केल्यानं सर्वाधिक वाईट परिणाम आपल्या पाठीच्या कण्यावर होतो, हे लक्षात घ्यावे. बहुतांश लोक बऱ्याचदा पाठीच्या दुखण्याकडे दुर्लक्ष करतात. पण ही चूक अजिबात करू नये, यामुळे भविष्यात गंभीर समस्यांचा सामना करावा लागण्याची शक्यता असते. ज्यामुळे चालणे-फिरणे अन्य शारीरिक प्रक्रियांमध्ये अडथळे निर्माण होऊ शकतात. थाय मसाजमुळे पाठीच्या कण्याशी संबंधित समस्यांपासून मुक्तता मिळण्यास मदत मिळू शकते. तसंच पाठदुखीची समस्या दूर होते.

(घोरण्याच्या समस्येपासून हवीय सुटका? झोपण्यापूर्वी या आयुर्वेदिक तेलांचा करा उपयोग)

​शरीराला मिळते ऊर्जा

तेल मसाजपेक्षा थाय मसाज थेरपी बरीच वेगळी असते. कारण यामध्ये तज्ज्ञमंडळी मसाजपेक्षा स्ट्रेचिंग आणि योगासनांच्या माध्यमातून शरीराच्या वेगवेगळ्या प्रेशर पॉइंटचा मसाज करतात. ज्यामुळे शरीराला नवीन ऊर्जा मिळते. महत्त्वाचे म्हणजे मानसिक शांतता आणि स्नायूंना आराम मिळतो. एकूणच या थेरपीचे एक- दोन नव्हे तर बरेच फायदे आहेत.

(चमकदार दात, सुंदर केसांसह मिळतील हे ६ लाभ; तज्ज्ञांच्या सल्ल्यानुसार नियमित खा काळे मनुके)

NOTE तज्ज्ञांच्या सल्ल्यानुसारच थाय मसाज थेरपी करावी.


Source link

You may also like...

Leave a Reply

Your email address will not be published. Required fields are marked *