शिस्त लागावी म्हणून मुलांवर हात उचलताय? मग परिणाम जाणून घ्याच!

Spread the love

मुलेही बनतात हिंसक

आताच्या मुलांमध्ये हा सगळ्यात मोठा बदल घडतो जेव्हा ते आपल्या पालकांकडून मार खातात. जेव्हा तुम्ही आपल्या मुलाला मारता आणि त्याला त्याच्या चुकीची शिक्षा करता तेव्हा कुठेतरी मुलाच्या मनात हे ठसते की एखाद्याने चूक केल्यास त्याला शारीरिक शिक्षा देणेच योग्य आहे आणि अशा प्रकारची मारहाण करणे सामान्य असल्यासारखे त्यांना वाटू लागते. यामुळे आपल्या समवयीन मुलांसोबत सुद्धा ते तसेच वागू लागतात. मुले ही आपल्या पालकांकडूनच शिकतात. त्यामुळे अशा प्रकारची मारहाण करणे त्यांना हिंसक बनवू शकते.

(वाचा :- या कारणासाठी बाळाला ड्राय फ्रुट पावडर खाऊ घालाच!)

मुले अजून वाया जातात

मुलांनी वाया जाऊ नये म्हणून पालक त्यांना मारतात आणि वठणीवर आणण्याचा प्रयत्न करतात. पण बहुतांश वेळा असे दिसून येते की अशी मुले अजून वाया जातात. सारखा सारखा मार खाऊन ती मुले निगरगट्ट होतात. त्यांना मार खायची सवय लागून जाते. आपण काहीही चूक केली तर आई वडील आपल्याला फक्त मारणार अजून काही करणार नाही असा त्यांचा समज होतो. एकप्रकारे त्या माराबद्दलची त्यांची भीती निघून जाते आणि अधिक बिनधास्तपणे कसलीही तमा न बाळगता ते वाममार्गाला लागतात व चुकीच्या गोष्टी करतात.

(वाचा :- मुलीची रोगप्रतिकारक शक्ती वाढवण्यासाठी सोहा अली खान फॉलो करते ‘हा’ डायट प्लान!)

आत्मविश्वास कमी होतो

मुलाला सारखे सारखे मारल्याने त्याच्यातील आत्मविश्वास कमी होतो. आपण निरुपयोगी आहोत, आपला काही फायदा नाही असा न्यूनगंड त्यांच्या मनात निर्माण होऊ शकतो. आपली प्रत्येक गोष्ट पालकांना चुकीची वाटते. आपण काहीही केलं तरी त्यांना ते आवडणार नाही ही भीती त्यांच्या मनात घर करते आणि भले त्यांना एखादी चांगली गोष्ट करायची असेल तरी ती करायला त्यांना भीती वाटते. यामुळे पुढे आयुष्यभर त्या मुलाच्या मनात आत्मविश्वासाची कमी निर्माण होते.

(वाचा :- ही पोषक तत्वे करतात लहान मुलांची हाडे मजबूत!)

बंडखोरपणा वाढतो

प्रत्येक गोष्टीची एक मर्यादा असते. त्या मर्यादेपर्यंत माणूस सहन करतो आणि याला लहान मुले सुद्धा अपवाद नाहीत. अशी अनेक प्रकरणे दिसून आली आहेत की मुलांनी एका मर्यादेपर्यंत आपल्या पालकांचा मार खाल्ला पण बऱ्याचदा दुसऱ्याची चुकी असतानाही त्यांना मार खावा लागला आणि अशावेळी त्यांचा संयम सुटला आणि आपल्या आई वडिलांना त्यांनी प्रतिकार केला. ही बंडखोरपणाची सुरुवात असते. या स्थितीमध्ये मुल आई वडिलांच्या हातात राहिलेलं नसतं. त्याला कशाचीच काळजी नसते. आपल्यावर अन्याय होतो ही भावना मनात घर करते.

(वाचा :- बहुतांश वेळा नवजात बाळाच्या रडण्यामागे ‘ही’ कारणं असतात!)

मुले रागीट होतात

आपले आई-वडिल आपल्याला सारखे ओरडतात, मारतात ही गोष्ट शांत असणाऱ्या मुलाला सुद्धा रागीट बनवू शकते. हा रागीटपणा वाढणे बंडखोरपणाचा पुढचा टप्पा आहे. अशी मुले लहान वयातच चुकीच्या मार्गाला लागू शकतात. त्यांचे अभ्यासातून लक्ष उडून जाते. ते अगदी निडर झाल्याने गुंडखोरीकडे वळू शकतात. एकंदर सततचा मार मुलाच्या मानसिक स्थितीवर इतका परिणाम टाकतो की आपण मुल हाताबाहेर जाऊ नये म्हणून त्याला मारत असतो पण त्याचं मारामुळे ते मुल हाताबाहेर जाते.

(वाचा :- नवजात बाळाच्या डोक्याला गोल आकार द्यायचा आहे? मग ट्राय करा ‘या’ टिप्स!)


Source link

You may also like...

Leave a Reply

Your email address will not be published. Required fields are marked *