संजय दत्तने केली कॅन्सरसारख्या गंभीर आजावर मात, शेअर केला ट्रिटमेंट दरम्यानचा वेदनादायी अनुभव!

Spread the love

बॉलीवूडचा अभिनेता (bollywood actor) आणि खलनायकाची भूमिका खुबीने निभावणारा कलाकार संजय दत्त (sanjay dutt) याने स्वत: सोशल मीडियाच्या आधारे आपण कॅन्सरसारख्या गंभीर आजारातून बरं होऊन बाहेर पडल्याची खुशखबर जाहिर केली. अगदी काहीच महिन्यांपूर्वी संजय दत्तला फुफ्फुसाचा कॅन्सर (lung cancer) असल्याचं निदान झालं आणि त्याच्या चाहत्यांना जणू धक्काच बसला. संजय दत्त ६१ वर्षांचा असून कॅन्सरचे निदान झाल्यानंतर मुंबई व युएस मध्ये त्याच्या आजारावर उपचार सुरु केले गेले.

आता संजय दत्त कॅन्सरमुक्त होऊन कोकिलाबेन रुग्णालयातून घरी देखील परतला आहे. गेले कित्येक महिने करोना व्हायरसने (corona virus) अनेक निष्पाप जीवांचे नाहक बळी गेले आहेत आणि बॉलीवूडमधून देखील या वर्षात अनेक वाईट बातम्याच ऐकीवास आल्या आहेत. अशा कठीण परिस्थितीत संजय दत्तने कॅन्सरवर मात करणं बॉलीवूडसाठी दिलासादायक बातमी म्हणावी लागेल. याच वर्षात आपण करोडो मनांवर राज्य करणारे ऋषी कपूर (rishi kapoor) आणि इरफान खान (irfan khan) यांसारखे हरहुन्नरी कलाकार कॅन्सरमुळे गमावलेत. पण समाधान हेच आहे की संजय दत्तने या आजाराला हरवलं. आज आम्ही संजय दत्तला जडलेल्या कॅन्सरविषयी व या ट्रिटमेंट दरम्यानच्या कष्टप्रद प्रवासाची माहिती देणार आहोत.

संजय दत्तला होता हा कॅन्सर

काही महिन्यांपूर्वीच संजय दत्तला फुफ्फुसाचा कॅन्सर असल्याची बातमी समोर आली होती. त्याला स्वत:लाही ही गोष्ट काहीच महिन्यांपूर्वी लक्षात आली होती. त्याने कॅन्सरची संपूर्ण ट्रिटमेंट मुंबई व अमेरिका अशी दोन्हीकडे केली. याबाबत कोणतीही अधिकृत माहिती मिळाली नाही पण असं सांगण्यात आलं होतं की संजय दत्तला फुफ्फुसाचा कॅन्सरची ४थी स्टेज सुरु होती. डॉक्टरांच्या सल्ल्याने संजय दत्त पुढील उपचारांसाठी अमेरिकेला गेला. कारण ट्यूमरशी लढा देण्यासाठी तातडीने उपचार घेणं गरजेचं होतं.

(वाचा :- Heart Failure : ‘या’ कारणांमुळे होतं हार्ट फेल, दिसून येतात ही मुख्य लक्षणे!)

फुफ्फुसाचा कॅन्सर कसा होतो?

जगभरात आढळणा-या कॅन्सरच्या अनेक प्रकारांतील सर्वाधिक आढळणारा व वेगाने पसरणारा कॅन्सर म्हणजे फुफ्फुसांचा कॅन्सर होय. तसं तर फुफ्फुसाच्या कॅन्सरवर उपचार करुन विजय मिळवणं तितकसं सोपं काम नक्कीच नाही पण अगदी वेळेत उपचार करुन या गंभीर आजारावर मात नक्कीच करता येऊ शकते. फुफ्फुसाचा कॅन्सर हा तंबाखूचं सेवन करणा-या आणि धुम्रपान म्हणजेच सिगारेट ओढणा-या लोकांमध्ये जास्त प्रमाणात आढळून येतो. जसं की सतत केलेलं धुम्रपान व विषारी वायुंच्या संपर्कात आल्याने हा कॅन्सर जडतो.

(वाचा :- Navratri Fasting – आजारी लोकांनी उपावासादरम्यान करु नये ‘या’ चूका!)

फुफ्फुसाच्या कॅन्सरची लक्षणे

जर फुफ्फुसाच्या कॅन्सरची लक्षणांची चर्चा करायची म्हटलं तर ती प्रत्येक व्यक्तीच्या शरीरावर आधारित असतात. काही लोकांना याची कोणतीही लक्षणेच आढळून येत नाहीत तर काही लोकांना जीव घाबराघुबरा होणे, छातीत वेदना, श्वास घेण्यास अडथळा, रक्त पडणारा खोकला, अपचन, न्युमोनिया अशा प्रकारची लक्षणे दिसून येऊ शकतात. ही लक्षणे दिसून येताच ताबडतोब उपचार घेणं गरजेचं असतं. पुढील टप्प्यात हा कॅन्सर हाडे व इतर महत्त्वाच्या अवयवांमध्ये पसरतो. या काळात दौरे, स्ट्रोक, हार्मोन्सचं असंतुलन आणि वजन कमी होणे अशा समस्या दिसून येतात.

(वाचा :- Navratri Fating : वजन व ओटीपोटावरील चरबी करायची आहे कमी? मग ताबडतोब करा ‘या’ टिप्स फॉलो!)

उपचार

जर एखाद्या व्यक्तीला अशी कोणती लक्षणं दिसून येत असतील किंवा बॉडी चेकअप दरम्यान सतत याची माहिती मिळत असेल तर लवकरात लवकर यावर उपचार करुन घ्यावेत. वेळेत उपचार केल्याने या आजारापासून मुक्ती मिळू शकते आणि चांगली रिकव्हरी दिसून येऊ शकते. संजय दत्तने इंस्टाग्रामवर एक पोस्ट लिहिली की, “गेले काही महिने माझ्यासाठी व माझ्या कुटुंबासाठी खूपच कष्टप्रद होते. पण असं म्हणतात ना अवघड लढाईसाठी देव सगळ्यात कठोर शिपायालाच निवडतो. आज माझ्या मुलांच्या वाढदिवशी हे सांगताना मला खूप आनंद होतोय की मी ही लढाई जिंकली आहे. आता कुटुंबीयांना किंमती आणि जरुरु गिफ्ट म्हणून निरोगी व सुदृढ आरोग्य देतो आहे.”

(वाचा :- Navrtari Fasting: हवाय उपवासाचा आरोग्यवर्धक पदार्थ? मग लक्ष्मी देवीच्या ‘या’ आवडत्या पदार्थासारखा उत्तम पर्याय नाही!)

कॅन्सरमुळे मुलांच्या जन्मदिनी दूर राहावं लागलं

संजय दत्त कॅन्सरच्या उपचारांसाठी रुग्णालयात असताना त्याच्या मुलांचा वाढदिवस होता. त्यावेळी व्हिडीओ कॉलद्वारेच त्याने आपल्या मुलांचा वाढदिवस साजरा केला. या काळात पत्नी मान्यताने संपूर्ण घर फुग्यांनी सजवलं होतं. सेलिब्रेशन तर झालं, केक तर कट झाला पण मुलं वडिलांविना वाढदिवस साजरा करताना अजिबात खुश नव्हती.

(वाचा :- निस्तेज डोळ्यांत हवी आहे नवी चमक? मग तुमच्या स्वयंपाकघरातच आहेत साधेसोपे रामबाण उपाय!)


Source link

You may also like...

Leave a Reply

Your email address will not be published. Required fields are marked *