सांधेदुखी वाढल्यास समजून जा हा आजार घालतोय विळखा, आहारात करा ‘या’ पदार्थांचा समावेश!

Spread the love

आहार हा आपल्या शरीराचा मुख्य पाया आहे. तुम्ही जेवढा चांगला आणि पौष्टिक आहार घ्याल तितके तुमचे शरीर चांगले काम करेल आणि निरोगी राहील. ज्या व्यक्तीची आहारशैली परिपूर्ण असते आणि जो व्यक्ती जंक फूड पासून शक्य तितका दूर राहतो त्या व्यक्तीला आपल्या तब्येतीची काळजी करण्याची गरज पडत नाही कारण त्याची काळजी त्याचा आहार घेत असतो. पण जो व्यक्ती आपल्या आहाराकडे बिलकुल लक्ष देत नाही आणि सतत त्याबाबतीत निष्काळजीपणा करतो त्या व्यक्तीला वारंवार शारीरिक त्रासाला सामोरे जावे लागते.

अशाच विविध त्रासांपैकी एक त्रास आहे शरीरात युरीक अ‍ॅसिड वाढणे! सध्या लॉकडाऊनच्या काळात तर हि समस्या अधिकाधिक दिसून येत आहे. लॉकडाऊनच्या या काळात आपली शारीरिक क्रिया कमी झाली आहे. दिवसभर बसून राहिल्याने त्याचा शरीरावर मोठा परिणाम होतो आणि युरीक अ‍ॅसिड वाढते. जर तुमच्या शरीरातील युरीक अ‍ॅसिडचे प्रमाण वाढले असेल तर तुम्ही आताच तुमचा आहार बदलून योग्य पदार्थ सेवन करण्याची गरज आहे. चला जाणून घेऊया याबद्दलची सर्व माहिती!

युरीक अ‍ॅसिड वाढल्याने काय परिणाम होतात?

जर युरिक अ‍ॅसिडचे प्रमाण नियंत्रणात राहिले नाही आणि सतत वाढत राहिले तर त्यामुळे शारीरिक त्रास तर उद्भभवतो व सोबत अनेक आजार देखील जन्म घेतात आणि हे आजार आयुष्यभर मग आपले शरीर सोडत नाहीत. किडनी खराब होणे, शुगर वाढणे आणि हृदयाशी निगडीत विविध समस्या युरिक अ‍ॅसिडमुळे निर्माण होऊ शकतात. म्हणूनच वेळीच तुम्ही योग्य आहार घेऊन युरिक अ‍ॅसिड नियंत्रित ठेवले पाहिजे. पुढे त्याच पदार्थांबद्दल एक एक करून आपण माहिती घेऊया.

(वाचा :- वजन कमी करण्यासाठी ट्राय करा ‘हे’ फूड कॉम्बिनेशन, काही दिवसांतच व्हाल सडपातळ!)

फायबरयुक्त फूड्स

शरीरातील युरीक अ‍ॅसिडची मात्रा वाढण्यामागचे एक मोठे कारण एका संशोधनातून समोर आले आणि ते कारण होते प्रोटीनयुक्त डायटचे! जो व्यक्ती जास्तीत जास्त प्रोटीनयुक्त डायट खातो त्याच्या शरीरातील युरीक अ‍ॅसिडचे प्रमाण वेगाने वाढत असते. त्यामुळे ज्या व्यक्तींना युरीक अ‍ॅसिडची समस्या आहे त्यांनी प्रोटीनयुक्त पदार्थांचा आहारातील समवेश कमी करावा आणि फायबरयुक्त पदार्थांचे सेवन करण्यास सुरुवात करावी. अर्थात असे पदार्थ खावेत ज्यात जास्त प्रमाणात फायबर असेल. हे फायबर तुम्हाला हंगामी फळे, पालेभाज्या आणि ड्रायफ्रुट्स यातून मिळू शकते. ड्रायफ्रुट्स मध्ये खास करून मखाना, खजूर आणि अक्रोड खावे. यातून जास्तीत जास्त फायबर शरीराला मिळेल.

(वाचा :- Diet In Arthritis : संधिवाताच्या रुग्णांनी कोणता आहार घ्यावा व कोणता टाळावा?)

ओवा

हो मंडळी ओवा सुद्धा शरीरातील युरीक अ‍ॅसिडचे प्रमाण कमी करण्यासाठी तुम्हाला मदत करू शकतो. ओव्याचा आहारात जास्तीत जास्त वापर करा किंवा तुम्ही ओव्याचे पाण्यासोबत सेवन केले तरी चालेल. पण एक गोष्ट लक्षात ठेवा की ओव्याचे जास्त प्रमाणात सेवन केल्यास समस्या निर्माण होऊ शकतात कारण ओवा हा नैसर्गिकरित्या उष्ण असतो. त्यामुळे ओव्याचे मर्यादित प्रमाणातच सेवन करावे. उन्हाळ्याच्या काळात अर्ध्या चमच्यापेक्षा जास्त ओवा खाऊ नये. ओव्याच्या सेवनाचा तुम्हाला होणारा फायदा लवकरच दिसेल आणि तुमच्या शरीरातील युरीक अ‍ॅसिडचे प्रमाण कमी होईल.

(वाचा :- करायची आहे पोट, मांड्या व कंबरेवरील चरबी कमी? मग प्या ‘या’ भाजीचं सूप!)

आवळा

आवळा सुद्धा शरीरातील युरीक अ‍ॅसिडची मात्र कमी करण्यामध्ये महत्त्वाची भूमिका बजावू शकतो. आवळ्यामध्ये जीवनसत्त्व ‘क’ मोठ्या प्रमाणात आढळते आणि जीवनसत्त्व ‘क’ हे युरीक अ‍ॅसिडला संतुलित करते. त्यामुळे आहारात शक्य असल्यास आवळ्याची चटणी बनवून तुम्ही खाऊ शकता. आवळ्याचा ज्यूस आवडत असल्यास तो सुद्धा पिऊ शकता.ज्या लोकांना ओवा आवडत नाही त्यांच्यासाठी आवळा हा एक चांगला पर्याय आहे. त्यामुळे अवश्य आहारात आवळ्याचा समावेश करा आणि फरक स्वत:च अनुभवा.

(वाचा :- पाणी पिण्याचा व झोपण्याचा हा साधासोपा मुलमंत्र आचरणात आणल्यास लठ्ठपणा होईल झटपट कमी!)

ज्यूस आणि व्हिनेगर

युरिक अ‍ॅसिडचे प्रमाण कमी करण्यासाठी वा ते संतुलित करण्यासाठी फळांचा ज्यूस, लिंबू पाणी, सफरचंदाचे व्हिनेगर यांचे सेवन सुद्धा उपयुक्त ठरते. यामध्ये जीवनसत्व ‘क’ ची विपुल मात्रा असते. शिवाय अँटी इंफ्लामेट्री गुण आणि अँटीऑक्सीडेंट्स सुद्धा या पदार्थांमध्ये आढळतात आणि हे सर्व पदार्थ युरिक अ‍ॅसिड कमी करण्यात महत्त्वाचे असतात. हे पदार्थ शरीरातील युरिक अ‍ॅसिडची मात्रा तर कमी करतातच पण युरीनचे प्रमाण देखील वाढवतात. यामुळेच शरीरात युरिक अ‍ॅसिड जास्त टिकत नाही.

(वाचा :- पावसाळ्यात जिभेचे चोचलेही पुरवा आणि फिट सुद्धा राहा ‘या’ खास पदार्थांसह!)


Source link

You may also like...

Leave a Reply

Your email address will not be published. Required fields are marked *