सायकलिंगला सुरुवात करताय? मग आरोग्यासाठी या गोष्टींची खबरदारी घेणे आवश्यक

Spread the love

मुंबई टाइम्स टीम
तुम्ही सायकलिंगचा अनुभव पहिल्यांदा घेणार असाल तर खबरदारी घेणं आवश्यक आहे, असं तज्ज्ञ सांगतात. तुम्ही शहरातील रस्त्यावर सायकल चालवणार असाल तर माउंट बाइकच्या अतिरिक्त वजनामुळे सायकलिंग करण्याची मजा घेता येणार नाही. यासाठी ई-बाईकचा पर्याय उत्तम आहे, असं सुमित पाटील सांगतो.

बॅटरी असलेल्या सायकल चढण चढताना उपयोगी पडतात. अशा प्रकारच्या सायकल ऑफिसला जाणाऱ्यांची किंवा चाळिशीतल्या मंडळींसाठी उत्तम पर्याय आहे, असंही तो सांगतो.
(सॅनिटायझर बर्न्स टाळणे शक्य, तज्ज्ञांच्या माहितीनुसार ‘या’ खबरदारी बाळगणे आवश्यक)

​फिट होणं आवश्यक

तुमच्या उंचीला, वजनाला झेपेल अशीच सायकल निवडा. तुम्ही घेतलेली सायकल जर एल किंवा एम मापाची असेल आणि तुम्हाला एस माप योग्य असेल तर त्यामुळे तुमच्या हात, पाय, खांदे किंवा अगदी मानेवर ताण येण्याची शक्यता नाकारता येत नाही असं, सुमित सांगतो. तुम्हाला हव्या आसलेल्या ब्रँडचा ऑनलाइन चार्ट बघा आणि मग दुकानात जाऊन ती खरेदी करा. नंतर ती तुमच्या नुसार फिट करून घेऊ शकता.

(Health Tips पोट आरामात जाईल आतमध्ये, फक्त नियमित करा हे ५ एक्सरसाइज)

​सोबत महत्त्वाची

सुरुवातीला तुमच्या घराच्या जवळच सायकलिंगचा सराव करा. सायकलिंग करण्याआधी वॉर्म अप करणं आवश्यक आहे. त्याच सोबत नंतर शरीर स्ट्रेच करा. जेणेकरून, दुखापत होणार नाही. अनेक सायकलिस्ट मंडळी रात्री उशिरा झोपून सकाळी लवकर उठतात, हे करणं प्रामुख्याने टाळा. मुख्य म्हणजे तुम्ही जर नवखे असाल तर सायकलिंग करताना कोणीतरी सोबत असू द्या. एकट्यानं करणं टाळा. अनेक जणांची सोबत असल्यास अनेक गोष्टींसाठी मदत होते. तुम्ही वेगळा ग्रुप देखील तयार करू शकता. कधी-कधी मोठे ग्रुप तुम्हाला त्रासदायक ठरू शकतात. त्यामुळे सायकलिंग ग्रुपमध्ये शक्यतो तुमचे मित्र असतील असं बघा. तुम्ही तुमच्या वेगाने सायकलिंग करा, असं तज्ज्ञ सांगतात.

(जास्त राग येणं हे सुद्धा आहे पित्त वाढण्याचे लक्षण, उपाय म्हणून काय खावं व खाऊ नये? जाणून घ्या)

​निगा राखणं आवश्यक

सायकलिंगला जाण्यापूर्वी ब्रेक तपासून घेणं, ५००-६०० किलोमीटर झाल्यानंतर ऑइलिंग करणं या गोष्टी नित्य नियमाने करायला हव्या, असं सुमित सांगतो. ऑइलिंग करताना पहिल्यांदा दाताचा ब्रश केरोसीनमध्ये बुडवून क्रांक आणि गिअर साफ करून घ्या. त्यांना गंज चढला असल्यास तो कमी होईल, असं तो सांगतो. चेनला ऑइलिंग करताना त्याच्यातील रोलिंग पिनला ऑइलिंगची जास्त आवश्यकता असते. जास्ती झालेलं तेल मऊ कपड्यानं पुसा. वंगण जास्त झाल्यास धूळ बसून सायकल सहजपणे चालवण्यास अडथळे येऊ शकतात. तसंच पावसाळ्यात सफाई आणि ऑइलिंग दर आठवड्याला करायला हवं. त्याच सोबत प्रत्येक राइड नंतर सायकल धुवा, असंही तो सांगतो.

(झोपेत सुरू आहे का मेसेजिंग? जाणून घ्या आजारामागील कारणे)

​नियमांचं पालन करा

सायकलिंग करताना सायकल रस्त्याच्या डाव्या बाजूला ठेवा. हेल्मेटचा वापर करा आणि तुम्ही इतरांना दिसाल याची काळजी घ्या. नैसर्गिक प्रकाश कमी असल्यास टेल लाइट किंवा रिफ्लेकटर जॅकेटचा वापर करा. वाहतुकीचे नियम पाळा.

(Ayurvedic Remedies तीक्ष्ण बुद्धीसाठी या ४ आयुर्वेदिक वनस्पती आहेत लाभदायक, जाणून घ्या कसे करतात कार्य)

​फायदे

सायकलिंग केल्यानं स्नायू सक्रिय होतात. तसंच सायकल चालवताना विशिष्ट लयीत हालचाल होत असते. त्यामुळे सांध्यांपेक्षा तुम्ही स्नायूंवर जास्त काम करता. त्यामुळे कॅलरिज जास्त प्रमाणात बर्न होतात. तीन ते बारा वर्षापर्यंतचे मुलं-मुली सायकलिंग करत असतील तर ते उत्तम! त्यामुळे स्नायूंना बळकटी मिळते. तसंच हाडांच्या वाढीस चालना मिळते. मोठ्या मंडळींकरिता इनडोअर सायकलिंग हा उत्तम पर्याय आहे. त्यामुळे रक्ताभिसरणास उत्तेजन मिळतं. तसंच पायदुखीचा त्रास कमी होण्यास मदत होते, असं डॉ. मनीष सोनटक्के (ओर्थोपडीक सर्जन अँड सायकलिस्ट) सांगतात.

(डान्स करा, ताण विसरा! शफल डान्स व हुपिंगचे ‘हे’ आहेत फायदे)

संकलन- वेदांगी काण्णव, मुंबई विद्यापीठ


Source link

You may also like...

Leave a Reply

Your email address will not be published. Required fields are marked *