सायलेंट किलर असतो हाय बीपी! अशी ओळखा हाय बीपीची सुरुवातीची लक्षणे

Spread the love

बीपी म्हणजे ब्लड प्रेशर (sign high blood pressure) अर्थात उच्च रक्तदाब होय. ही समस्या अनेकांना सामान्य वाटते पण ती जितकी सामान्य वाटते तितकी अजिबात नाही. पूर्वी रक्तदाबाची समस्या फार कमी व्यक्तींमध्ये दिसून यायची. पण आता लोकांची आहारशैली आणि जीवनशैली बदललेली आहे व त्यामुळे रक्तदाबाचे प्रमाण सुद्धा मोठ्या प्रमाणावर वाढत आहे.

रक्तदाबाच्या समस्येचे सगळ्यात मोठे रहस्य म्हणजे या आजाराची कल्पना तोवर येत नाही जोवर हृदय रोग किंवा हार्ट स्ट्रोकला (heart stroke) व्यक्तीला सामोरे जावे लागत नाही आणि म्हणूनच ब्लड प्रेशरला सायलेंट किलर असेही म्हणतात. मात्र अशी काही लक्षणे आहेत जी तुमच्या शरीराला उच्च रक्तदाब विळखा घालतो आहे हे दर्शवतात. चला आज या लेखातून आपण त्याच लक्षणांबद्दल आणि उच्च रक्तदाबाबद्दल जाणून घेऊया.

दोन प्रकारचे असते ब्लड प्रेशर

उच्च रक्तदाब दोन प्रकारचे असतात. एक असतो प्रायमरी ब्लड प्रेशर आणि दुसरा असतो सेकंडरी ब्लड प्रेशर! प्रायमरी ब्लड प्रेशर कसा ओळखावा त्याची कोणतीच लक्षणे अजून तरी समोर आलेले नाहीत. वैद्यकीय क्षेत्रात अजूनही प्रायमरी ब्लड प्रेशरवर मोठ्या प्रमाणावर संशोधन सुरु आहे. सेकंडरी ब्लड प्रेशर मध्ये वजन वाढणे, अनुवंशिकता, आळशी जीवनशैली, व्यसनाची सवय आणि वाढते वय यांसारख्या समस्यांचा समावेश होतो. हे दोन्ही प्रकार घातक असून वेळीच उच्च रक्तदाबाच्या समस्येला आळा घालणे गरजेचे होऊन बसते.

(वाचा :- सुदृढ व सडपातळ शरीरासाठी घरबसल्या करा ‘हे’ साधेसोपे व्यायाम!)

उच्च रक्तदाबाचे प्रारंभिक लक्षण

उच्च रक्तदाबाच्या समस्येचे जे प्रारंभिक लक्षण दिसतात ते आपल्या शरीरातील सामान्य बदल असतात आणि म्हणून त्यांच्याकडे आपले दुर्लक्ष होते. जसे की श्वास घेण्यात समस्या निर्माण होणे, छातीवर सतत भार असल्यासारखा वाटणे, वारंवार चक्कर येणे, नाकातून रक्त गळणे, मुत्रातून रक्त पडणे, सतत डोके दुखणे यांसारख्या समस्यांचा या लक्षणांमध्ये समावेश आहे. या समस्या जर दीर्घकाळ सतावत असतील तर उच्च रक्तदाबाचा आजार झाल्याची शक्यता जास्त असते. त्यामुळे लवकरात लवकर तुम्ही डॉक्टरांशी संपर्क करणे गरजेचे आहे.

(वाचा :- ‘हे’ ५ हार्मोन्स करा संतुलित नाहीतर वजन कमी करणं होऊ शकतं कठीण!)

डॉक्टर कोणत्या टेस्ट करतात?

रक्तदाब हा सतत बदलत असतो. म्हणूनच तुम्हाला खरंच उच्च रक्तदाब आहे कि नाही हे तपासण्यासाठी डॉक्टर अनेक दिवस तुमचा रक्तदाब तपासून मग निष्कर्ष सांगतात. याशिवाय काही महत्त्वपूर्ण चाचण्या करण्याचा सल्ला देखील डॉक्टरांकडून दिला जातो. जसे कr यूरिन टेस्ट, ईसीजी आणि कोलेस्ट्रॉल स्क्रीनिंग होय. या चाचण्यांचा रिपोर्टनुसार आणि कित्येक दिवस दररोज तुमचा रक्तदाब तपासून झाल्यावरच डॉक्टर तुम्हाला सांगू शकतात की तुम्हाला उच्च रक्तदाबाची समस्या आहे की नाही.

(वाचा :- कोरडी त्वचा, त्वचा फुटणे व खाज या समस्यांनी त्रस्त असाल तर करा ‘हे’ ५ घरगुती उपचार!)

उच्च रक्तदाब जीवघेणा आहे का?

हो, उच्च रक्तदाब हा जीवघेणा ठरू शकतो आणि म्हणूनच त्याला सायलेंट किलर असे म्हटले जाते. अनेक जणांच्या शरीरात उच्च रक्तदाब हा कित्येक वर्षांपासून मोठा होत असतो. लोकांना त्यांची कल्पना देखील नसते आणि अचानक कधीतरी हृदय विकाराचा झटका येतो आणि तेव्हा उच्च रक्तदाबाचा आजार असल्याचे निदान होते. अशावेळी अनेकदा उच्च रक्तदाब हाताबाहेर निघून गेलेला असतो आणि व्यक्तीचा जीव देखील घेऊ शकतो. याच कारणामुळे जेवढ्या लवकर उच्च रक्तदाब ओळखता येईल तेवढ्या लवकर तो ओळखायला हवा. जेणेकरून जीवावर बेतणार नाही. उच्च रक्तदाबाचे उशिरा निदान झाल्यास सुद्धा तो नियंत्रित करता येतो. मात्र तेव्हा व्यक्तीला खूप काळजी घ्यावी लागते व आहार तसेच आयुष्यातील अनेक सवयी सुद्धा सोडाव्या लागू शकतात.

(वाचा :- लठ्ठपणा कमी करायचा आहे? मग जाणून घ्या ‘हे’ १० महत्त्वपूर्ण नियम!)

काय काळजी घ्यावी?

ज्या व्यक्तीचा आहार उत्तम असेल आणि ज्या व्यक्तीची जीवनशैली निरोगी असेल त्या व्यक्तीला सहसा उच्च रक्तदाबाचा धोका सतावत नाही. त्यामुळे शक्य तितके निरोगी आयुष्य जगण्याचा प्रयत्न आपण केला पाहिजे. उच्च रक्तदाबाचे निदान झाल्यावर सुद्धा डॉक्टरांच्या सल्ल्याप्रमाणे दिवसाचे नियोजन करावे. वेळेवर झोपावे, वेळेवर उठावे, योगा करावा, शक्य तितका कमी ताण घ्यावा आणि आयुष्य आनंदाने जगण्याचा प्रयत्न करावा. या व्यतिरिक्त आहार सुद्धा उच्च रक्तदाब पूर्ववत करण्यास महत्त्वाची भूमिका बजावतो. त्यामुळे आहाराकडे विशेष लक्ष द्यावे.

(वाचा :- Hip Fracture : लठ्ठ माणसांना झेलावा लागतो हिप फ्रॅक्चरचा त्रास! हिप फ्रॅक्चर म्हणजे काय?)


Source link

You may also like...

Leave a Reply

Your email address will not be published. Required fields are marked *