सारा अली खानवर भारी पडली करीना कपूरची स्टाइल, या ड्रेसमुळे मिळाला मोहक लुक

Spread the love

अभिनेत्री करीना कपूरला बॉलिवूडची फॅशनिस्ता म्हणूनही संबोधलं जातं. सध्या करीना कपूरची हटके मॅटर्निटी फॅशन चाहत्यांना पाहायला मिळत आहे. प्रेग्नेंसीमध्येही करीनाला आपल्या स्टाइलसोबत तडजोड करणं पसंत नाही, तिच्या फोटोंद्वारे ही बाब स्पष्टपणे दिसते. करीना आपले सुंदर आणि मोहक लुकमधील फोटो सोशल मीडियाद्वारे चाहत्यांसोबत शेअर करत असते.

करीनाची मॅटर्निटी फॅशन इतकी जबरदस्त आहे की तिची स्टाइल सारा अली खानवरही भारी पडली. बेबो आणि सारा अली खानचे पांढऱ्या रंगाच्या ड्रेसमधील फोटो सोशल मीडियावर व्हायरल झाले आहेत. करीना कपूरचा ड्रेस साधा असला तरी या लुकमध्ये ती मोहक दिसत होती. या स्टाइलमध्ये करीनानं बाजी मारली आहे.
(सर्व फोटो क्रेडिट : योगेन शाह)

​करीना कपूरचा मोहक लुक

काही दिवसांपूर्वी करीना कपूर- खान वांद्रे येथे पारंपरिक अवतारात दिसली होती. तिनं पांढऱ्या रंगाचा कुर्ता आणि पायजमा परिधान केला होता. तिचा हा लुक अतिशय साधा होता, पण या आउटफिटमध्ये ती आकर्षक व मोहक दिसत होती. पांढऱ्या रंगाच्या ड्रेसवर तिनं लाल रंगाची ओढणी मॅच केली होती.

(सारा अली खान व कृति सेनॉनने परिधान केलं एकसारखं आउटफिट? कोणाचा लुक आहे सुपर स्टायलिश)

​कुर्त्यांवरील आकर्षक एम्ब्रॉयडरी

करीना कपूरने कॉटनचा कुर्ता परिधान केला होता, ज्यावर सबरीना नेकलाइन डिझाइन तुम्ही पाहू शकता. हा बोट नेकलाइन डिझाइनचाच एक प्रकार आहे. यामध्ये गळ्याच्या मागील व पुढील बाजूस एकसमानच कट दिला जातो. फुल स्लीव्ह्ज असलेल्या कुर्त्याच्या पुढील बाजूस पांढऱ्या रंगाच्या धाग्यांनी आकर्षक एम्ब्रॉयडरी करण्यात आली आहे.

(Stylish Bag वेस्ट बॅग्सचा ट्रेंड भन्नाट)

​पांढरा, लाल आणि सोनेरी रंगांची कमाल

या कुर्त्यावर बेबोने पांढऱ्या रंगाचा साधा पायजमा परिधान केला होता, जो स्ट्रेट कट डिझाइन आणि उंचीला अँकल लेंथपर्यंत होता. या आउटफिटवर करीनानं लाल रंगाचा दुपट्टा मॅच केला होता. यावर सोनेरी रंगाच्या धाग्यांपासून एम्ब्रॉयडरी करण्यात आली आहे. या लुकसाठी बेबोने सोन्याच्या बांगड्या, डायमंड ब्रेसलेट आणि गोल्ड बेस्ड पर्ल ईअररिंग्स असे दागिने परिधान केले होते. तर सोनेरी रंगाच्याच सँडल्स मॅच केल्या होत्या.

(अनुष्का शर्मा आणि करीना कपूरच्या मॅटर्निटी फॅशनची रंगली चर्चा)

​चिकनकारी एम्ब्रॉयडरीचा शरारा

तर दुसरीकडे सारा अली खानने चिकनकारी वर्क असलेला सुंदर ड्रेस परिधान केला होता. कामानिमित्ताने सारा अली खान दिग्दर्शक/निर्माता आनंद एल राय यांच्या ऑफिसबाहेर दिसली होती. या भेटीसाठी साराने पांढऱ्या रंगाचा चिकनकारी पॅटर्न शरारा घातला होता.

(ऐश्वर्या राय-बच्चन आणि करीना कपूरने नेसली एकसारखीच साडी? स्टाइलमध्ये कोणी मारली)

​असे होतं शराराचं डिझाइन

या थ्री फोर्थ स्लीव्ह्ज, व्ही कट नेकलाइन आणि शॉर्ट लेंथ असणाऱ्या कुर्त्यावर चिकनकारी पॅटर्नमध्ये वेगवेगळ्या पद्धतीची एम्ब्रॉयडरी करण्यात आली होती. पांढऱ्या रंगाच्या लेसाचाही वापर करण्यात आला आहे. यामुळे आउटफिटला आकर्षक लुक मिळाला आहे.

(करीना कपूरने पुन्हा सर्वांचं लक्ष घेतलं वेधून, ‘या’ आकर्षक ड्रेसमध्ये दिसतेय सुपर स्टायलिश)

​साधेपणा आणि मोहकता

साराने या आउटफिटला पारंपरिक तसंच मॉर्डन टच देखील दिलाय. क्लासिक डिझाइनच्या या शरारामध्ये लेस व फ्रिंज डिझाइनही तुम्ही पाहू शकता. साराने या ड्रेसवर पांढऱ्या रंगाचा बांगड्या आणि छोट्या आकारातील सुंदर ईअररिंग्स परिधान केले होते.

(रब ने बना दी जोडी! विराटच्या वाढदिवशी अनुष्काने परिधान केला होता ‘हा’ सर्वात सुंदर ड्रेस)

​करीनाची स्टाइल सारावर पडली भारी

करीना कपूर आणि सारा अली खान, या दोघींचा लुक नीट पाहिल्यास बेबोचा लुक अधिक आकर्षक दिसत आहे. बेबोनं ड्रेसवर लाल रंगाची ओढणी मॅच केल्यानं तिला परफेक्ट लुक मिळाला आहे. याच कारणामुळे करीना कपूरचा साधा ड्रेसही स्टायलिश दिसतोय.

(सारा अली खान व पूजा हेगडेच्या ड्रेसची एकसारखीच स्टाइल, नेमकं कोणी केलंय कोणाला कॉपी?)


Source link

You may also like...

Leave a Reply

Your email address will not be published. Required fields are marked *