सारा अली खान व कृति सेनॉनने परिधान केलं एकसारखं आउटफिट? कोणाचा लुक आहे सुपर स्टायलिश

Spread the love

फॅशनेबल आणि स्टायलिश लुक कॅरी करायचा असल्यास आपल्यापैकी बहुतांश जणी फॅशन ट्रेंड जाणून घेण्यासाठी आपापल्या आवडत्या अभिनेत्रींचं इन्स्टाग्राम अकाउंट पडताळून पाहतात. बऱ्याचदा सोशल मीडियाद्वारेच आपल्याला फॅशन ट्रेंड समजण्यास मदत मिळते. जवळपास सर्वच अभिनेत्री आपल्या सोशल मीडिया अकाउंटवर रेड कार्पेट लुक किंवा अ‍ॅडशूट लुकसह अन्य इव्हेंटमधील सुंदर- सुंदर पोषाखातील फोटो चाहत्यांसोबत शेअर करत असतात.

त्यांच्या मेकअपपासून ते आउटफिटपर्यंत संपूर्ण अवताराची चर्चा सोशल मीडियावर केली जाते. कधी अति स्टायलिश लुक कॅरी केल्यामुळे तर कधी दुसऱ्या अभिनेत्रीचं आउटफिट कॉपी केल्याने बॉलिवूड स्टार्सवर ट्रोल होण्याची वेळ येते. असेच काहीसे अभिनेत्री कृति सेनॉन (Kriti Sanon) आणि सारा अली खान (Sara Ali Khan) यांच्यासोबतही घडलं होतं. या दोघींचीही स्टाइल एकमेकींवर भारी पडल्याचे दिसलं.
(Lakme Fashion Weekमध्ये मृणाल ठाकूरने परिधान केला होता ‘हा’ ड्रेस, किंमत ऐकून बसेल धक्का)

​कृति सेनॉनचं आउटफिट

सर्वप्रथम आपण कृति सेनॉनच्या आउटफिटबाबत माहिती जाणून घेऊया. सोशल मीडियावर कृतिचा एक बूमरँग व्हिडीओ प्रचंड व्हायरल झाला आहे. या व्हिडीओमध्ये तिनं गडद रंगांचा को-ऑर्ड सेट ड्रेस परिधान केल्याचे दिसत आहे. अशाच पद्धतीचा ड्रेस यापूर्वी अभिनेत्री सारा अली खानने देखील घातला होता. कृतिच्या ड्रेसशी मिळतेजुळते आउटफिट सारानं ‘लव आज कल 2’ सिनेमाच्या प्रमोशनसाठी परिधान केलं होतं.

(Malaika Arora Style मलायका अरोराचा ग्लॅमरस लुक, फोटो पाहून चाहते झाले फिदा)

​कसा होता कृतिचा लुक

एका जाहिरातीसाठी कृति सेननने ‘Pink Porcupines’ने डिझाइन केलेला कस्टममेड मिनी युनिकॉर्न को-ओर्ड सेट परिधान केला होता. पोल्का डॉट्स डिझाइन असणाऱ्या या रंगीबेरंगी को-ओर्ड सेटमध्ये ट्युबकट क्रॉप टॉपसह मिनी स्कर्टचाही समावेश होता. अभिनेत्रीने यावर गुलाबी Chintz Racer जॅकेट देखील घातल्याचे तुम्ही पाहू शकता. कृतिने कमीत कमी मेकअपसह स्मोकी आईज आणि गोल्डन नेकलेससह हुप ईअररिंग्स मॅच केले होते. या लुकमध्ये कृति अतिशय सुंदर दिसत होती.

(बॉलिवूड अभिनेत्री रवीना टंडनचा ग्लॅमरस अवतार, तिचे हे स्टायलिश फोटो पाहिले आहेत का?)

​सारा दिसत होती बाहुलीसारखी

सारा अली खान आपल्या युनिक फॅशनसाठी ओळखली जाते. तिच्या वॉर्डरोबमध्ये कॅज्युअल टी शर्ट, चिकनकारी ड्रेस, रंगीबेरंगी बांगड्या, डिझाइनर ड्रेस, बॉडी फिटिंग ड्रेस इत्यादी प्रकारच्या आउटफिटचे शानदार कलेक्शन आहे. फॅशनच्या बाबतीत ती स्वतःला नेहमी अपडेट ठेवते. या मिनी को- ओर्ड सेटमध्येही सारा सुंदर दिसत आहे. या ड्रेसमध्ये तुम्ही कॉन्ट्रास्ट रंगांसह पफ ऑफ-शोल्डर स्लीव्ह्ज आणि स्वीटहार्ट नेकलाइन पाहू शकता. तिची ही वेशभूषा चाहत्यांना भरपूर आवडली होती.

(प्रेग्नेंसीमध्ये अनुष्का शर्मा परिधान करतेय अशा प्रकारचे स्टायलिश आउटफिट)

​साराची हटके स्टाइल

साराच्या फंकी आउटफिटवर वेगवेगळ्या आकाराचे पोल्का डॉट्स डिझाइन दिसत आहेत. रंगीबेरंगी, पफी स्लीव्ह्जसह स्वीटहार्ट नेकलाइन असलेले क्रॉप टॉप आणि मिनी स्कर्टमध्ये साराचा लुक सुपर स्टायलिश दिसत होता. या लुकसाठी साराने कमीत मेकअपसह लाइट टोन लिपस्टिक लावलं होतं.

(Fashion Tips को-ऑर्ड ड्रेसची क्रेझ! का वाढतेय या स्टायलिश पॅटर्नची मागणी?)

​कोणाचा लुक दिसतोय स्टायलिश?

एकीकडे कृति सेनॉनने (Kriti Sanon) को-ओर्ड सेटला स्टायलिश टच दिला आहे तर दुसरीकडे सारा अली खानचा (Sara Ali Khan) लुक ग्लॅमरस दिसतोय. तसं पाहायला गेलं तर दोन्ही अभिनेत्रींचा लुक सुंदर आणि मोहक आहे.

(करीना कपूरने परिधान केला आतापर्यंतचा सर्वात सुंदर ड्रेस, चाहत्यांना आवडला लुक)

कृति आणि सारा या दोघींचंही आउटफिट स्टायलिश आहे. चाहत्यांनी दोघींच्याही लुकवर लाइक आणि कमेंट्सचा वर्षाव पाडला आहे.


Source link

You may also like...

Leave a Reply

Your email address will not be published. Required fields are marked *