सुपरस्टार रजनीकांतचंही झालं होतं ब्रेकअप, पण नव्या जीवनसाथीने असं सावरलं त्यांचं आयुष्य!

Spread the love

रजनीकांत, नावच बस्स आहे. एका असा हरहुन्नरी कलाकार ज्याची कोणतीही ओळख करुन देण्याची गरजच नाही. थलाईवा.. रजनीकांतना (rajnikanth) गल्लीबोळातल्या लहानग्यांपासून वयस्कर व्यक्तींपर्यंत सारेचजण ओळखतात ते त्यांच्या अनोख्या अभिनयामुळे! साउथचे सुपरस्टार आणि चाहत्यांसाठी देवाचं दुसरं रुप असलेल्या रजनीकांत यांना त्यांचे चाहते देवाप्रमाणे देवहा-यात ठेवून पुजतात. ऐन तारुण्यात रजनीकांत कितीतरी मुलींच्या स्वप्नातला राजकुमार असतील पण या सुप्रसिद्ध माणसाने एका भेटीतच आपला आयुष्यभराचा जोडीदार निवडला होता.

पण याआधी त्यांनीही अशी एक प्रेमकहाणी जगली जी इतर सामान्य लोकांप्रमाणेच कधीच पूर्ण होऊ शकली नाही. याचाच अर्थ अपूर्ण राहिलेल्या प्रेमकहाणीची झळ व यातना चक्क सुपरस्टारलाही चुकल्या नाहीत. पण ही एक अशी प्रेमकहाणी आहे जी प्रेमाची व्याख्या शिकवतानाच आयुष्यावर प्रेम करण्यास व आयुष्याला नवी संधी देण्यास शिकवते. चला तर जाणून घेऊया द ग्रेट बॉस रजनीकांतची लव्ह लाईफ स्टोरी!

नशीबाचा खेळ

आपल्याला आपला जोडीदार जगाच्या कोणत्या कोप-यात भेटेल याचा अंदाजही लावता येणार नाही. असंही होऊ शकतं की, आपला जोडीदार दररोज आपल्या डोळ्यांसमोर असतो पण आपल्याला माहित नाही की भविष्यात याच व्यक्तीसोबत आयुष्य घालवायचं आहे किंवा एखाद्या पूर्ण अनोळखी व्यक्तीशी भेट होईल आणि आयुष्यभरासाठी जीव त्याच्यामध्ये अडकेल. नशीबाचा असाच काहीसा खेळ सुपरस्टार रजनीकांत यांच्यासोबतही झाला होता. रजनीकांत एका फिल्मसाठी शुटिंग सेटवर होते आणि त्या दरम्यान एक महाविद्यालयीन विद्यार्थीनी लता त्यांची मुलाखत घेण्यासाठी तिथे पोहचली. मुलाखती दरम्याम रजनीकांतला असं फिल झालं की, लतामध्ये आपला जोडीदार बनण्याचे सर्व गुण आहेत. पुढे, एका मुलाखतीत चक्क लतानेच सांगितलं की, रजनीकांतने तिला प्रपोज न करता थेट लग्नाची मागणीच घातली.

(वाचा :-पहिल्या भेटीत ‘या’ चुका करणा-या मुलांवर मुली होतात नाराज!)

यशस्वी प्रेमाची अयशस्वी कहाणी

पण याआधी रजनीकांतच्या आयुष्यात एक मुलगी आली होती, जी ब-याच अंशी त्यांच्या अभिनेता बनण्याच्या प्रवासात जबाबदार ठरली. अभिनेता देवनने एका मुलाखतीत सांगितले की, रजनीकांत एका कॉलेज स्टुडंटसोबत रिलेशनशीपमध्ये होती आणि ती ब-याचदा त्यांचे कार्यक्रम बघायलाही यायची. त्या मुलीनेच रजनीकांतचे नाव फिल्म अॅंड टेलिव्हिजन इंस्टिट्यूट मध्ये घातले होते. रजनीकांत यांना त्या काळात ना स्वत:वर विश्वास होता, ना आत्मविश्वास होता ना त्यांच्याकडे पुरेसे पैसे होते. पण त्याच मुलीने त्यांचा आत्मविश्वास वाढवला आणि आर्थिक मदतही केली, जेणे करुन त्यांनी इंस्टिट्युट जॉईन करावी. कोर्सच्या दरम्यान दोघांतील संबंध तुटले आणि जेव्हा रजनीकांत परतले व पुन्हा तिला शोधू लागले तेव्हा तिच्याशी काहीच कॉन्टॅक्ट होऊ शकला नाही. यामुळे ते खूप दु:खी झाले.

(वाचा :- लॉंग डिस्टन्स रिलेशनशीपची वाटते भीती? मग ट्राय करा राधिका आपटे व बेनेडिक्टच्या टिप्स!)

प्रेमाला दुसरी संधी द्यावी

असे खूप कमी लोक असतील ज्यांचा जोडीदार तीच व्यक्ती झाली जी त्यांचं पहिलं प्रेम होती. बहुतांश वेळा पहिलं प्रेम कधी चांगली तर कधी वाईट आठवण बनून फक्त आठवणींतच जिवंत राहतं. हे प्रेम अपूर्ण राहण्यामागे भले कारण काहीही असो पण स्वत:ला दुसरी संधी देणं गरजेचं असतं. असं पाहिलं जातं की, एकदा ब्रेकअप झाल्यावर लोक पुन्हा प्रेम करणार नाही असा विचार करताना दिसतात, पण असं करणं स्वत:वर व भावनांवर अन्याय केल्यासारखं असतं. भलेही तुमचं ब्रेकअप किंवा पहिल्या प्रेमकहाणीचा शेवट कटू असेल पण याचा अर्थ असा मुळीच नाही की, आपल्या आयुष्यात पुन्हा एकदा नवी व सुंदर प्रेमकहाणी फुलणारच नाही.

(वाचा :- लग्नानंतर १० दिवसांतच श्वेताच्या ‘या’ सवयीने आदित्य झाला हैराण, हे आहे वादाचे सर्वात मोठे कारण!)

जोडीदाराची साथ असते मोठा रोल

जर आपली आवड जपणारा व ती जपण्यासाठी सपोर्ट करणारा जोडीदार भेटला तर आपण काय काय जिंकू शकतो हे रजनीकांत यांच्या लाईफ स्टोरीवरुन तर आपल्याला समजतंच. एकीने त्यांना स्वप्न पाहण्यासाठी हिंमत व आत्मविश्वास दिला तर दुसरीने ती स्वप्न पूर्ण करण्यासाठी घट्ट साथ दिली. रिलेशनशीप एक्सपर्ट्स देखील मानतात की, पार्टनरचं सपोर्टिव्ह असणं व्यक्तीला यशस्वी बनवण्यासोबतच इमोशनली व मेंटली हेल्दी राहण्यास मदत करतं.

(वाचा :- ‘या’ गोष्टींमुळे पती-पत्नीमध्ये होतात वाद!)

अनुभवांची शिदोरी

पहिलं प्रेम हा एक सुंदर अनुभव असतो. पहिल्यांदा प्रेमात पडलेल्या व्यक्तीचं अस्तित्व न बोलता न सांगताही आपोआप अधोरेखित होत असतं. पहिलं प्रेम म्हणजे फक्त गोड गुलाबी व मनमोकळी फिलींग असते. यात फार लवकर जबाबदा-या आणि कर्तव्यांची जाणीव नक्कीच होत नाही कारण हा काळ फक्त प्रेमात आकंठ बुडण्याचा असतो. पण जेव्हा हे प्रेम अपूर्ण राहतो तेव्हा मात्र ते एक आयुष्यभराच्या अनुभवांची शिदोरीप्रमाणे बनते. त्या प्रेमातील चांगले वाईट अनुभव पुढील आयुष्यात निर्णय घेताना खूप फायदेशीर ठरतात.

(वाचा :- पती-पत्नीचे हे गुण एकमेकांसाठी असतात चांगली शिकवण!)


Source link

You may also like...

Leave a Reply

Your email address will not be published. Required fields are marked *