सुशांतचा मृत्यु व धोनीची निवृत्ती! अनोळखी असलेल्या दोघांसाठी का होतायत लोक इतके भावूक?

Spread the love

मानवी स्वभाव

याचे सर्वात पाहिले कारण हे आपला स्वभाव! मनुष्याच्या स्वभावाची जडणघडणच अशी झालेली असते की एखाद्या व्यक्तीला वैयक्तीकरित्या न भेटता, न बोलता केवळ त्याचा जो सभाव समोर दिसतो त्यावरून आपण त्याचे चाहते होऊन जातो. त्या व्यक्तीबद्दल एक चांगली भावना आपल्या मनात घर करतं. सुशांत सिंग राजपूतने आजवर जे काही रोल्स केले त्यातून तो प्रेक्षकांच्या गळ्यातील ताईत बनला होता. एक गुणी अभिनेता म्हणून त्याने भारतभरात नाव कमावले होते आणि अशा गुणवंत अभिनेत्यांची अकाली एकक्झीट साहजिकच मनाला चटका लावून जाणारी ठरली.

(वाचा :- लग्नाचा वाढदिवस विसरल्याने पत्नी झाली नाराज तर अशी काढा तिची समजूत!)

ठराविक क्षेत्राबद्दल असलेले प्रेम

आपल्याला एखाद्या क्षेत्राबद्दल वा गोष्टीबद्दल खूप ओढ असते आणि त्याबद्दल व त्यातील व्यक्तींबद्दल आपल्या भावना सुद्धा काहीशा संवेदनशील असतात. भारतीयांना क्रिकेटचे किती वेद आहे ते तुम्हाला वेगळ्याने संगायाला नको. सचिननंतर धोनी हा असा एकमेव खेळाडू आहे ज्याला लोकांनी इतके अमाप प्रेम दिले आहे. धोनीने विश्वचषक जिंकण्याचे प्रत्येक भारतीयाचे स्वप्न पूर्ण केले. क्रिकेट जगतात आजवर भारताने केले नाहीत ते विक्रम धोनीच्या कारकिर्दीमध्ये घडले. साहजिकच त्यामुळे महेंद्रसिंह धोनीबद्दल एक वेगळे स्थान क्रिकेट रसिकांच्या मनात निर्माण झाले आणि जेव्हा त्याने निवृत्ती केली तेव्हा त्यांचे मन व्यथित झाले.

(वाचा :- ऐश्वर्यातील या गुणांवर प्रभावित होऊन अमिताभ बच्चन यांनी केला तिचा सून म्हणून स्वीकार!)

कॉग्निटिव्ह एम्पथी

जाणकारांच्या मते दोन प्रकारची एम्पथी असते आणि ही एम्पथी सुद्धा अनोळखी व्यक्तीबद्दल मन दु:खी होण्याला कारणीभूत असते. कॉग्निटिव्ह एम्पथी मध्ये आपण दुसऱ्या व्यक्तीच्या भावना, विचार आणि मते यांच्याशी जुळवून घेतो. त्याचे आयुष्य आपल्याला आपले वाटू लागते. यात भावना व इमोशन्स फार कमी असतात. मी त्याच्या सारखा होऊन दाखवेन किंवा मला त्याच्या सारखं व्हायचं आहे हे ध्येय प्रथम असतं. त्यामुळे जेव्हा त्या व्यक्तीच्या आयुष्यात असे निर्णायक क्षण येतात तेव्हा ते दु:खी प्रकारचे असले तर दु:ख होते आणि आनंदी प्रकारचे असले तर आनंद होतो.

(वाचा :- लॉकडाऊनने तुमच्यातील ही व्यक्ती जिवंत केली असेल तर मग तुम्हीही म्हणाच ‘थॅंंक यू लॉकडाऊन’!)

इमोशनल एम्पथी

हा एम्पथीचा दुसरा प्रकार होय. इमोशनल एम्पथी आपल्याला सामान्यत: बाळामध्ये दिसून येते. जेव्हा बाळ जन्माला येते तेव्हा ते आपल्या आईपासून अनभिज्ञ असते. ही स्त्री नक्की कोण आहे हे त्याला कळत नसते. पण सतत तिला समोर पाहून तो हळूहळू तिच्याकडून गोष्टी शिकू लागतो आणि एक इमोशनल बोन्डिंग नकळत तयार होते आणि पुढे ती आयुष्यभरासाठी राहते. इमोशनल एम्पथीमध्ये आपण त्या व्यक्तीची भावनात्मकपणे जोडलेलो असतो.

(वाचा :- २ महिने उलटून गेल्यानंतर आजही ‘हे’ डोळे सुशांत सिंग राजपूतची निरंतर वाट पाहत आहेत!)

इतरांचा प्रभाव

अनेकदा असेही होते की आपण ना त्या व्यक्तीचे चाहते असतो ना त्या क्षेत्राचे पण तरी एखादी वाईट गोष्ट घडल्यास मन दु:खी होते. याला कारण असते तेवढ्या काळापुरती तयार झालेली संवेदनशीलता! वर्तमानपत्र वाचताना किंवा न्यूज पाहताना बातमी अशा पद्धतीने इमोशनल होऊन सांगितली जाते की ते इमोशनल अपील यशस्वी होऊन मनाला भिडतं आणि त्या अनोळखी व्यक्तीबद्दल आत्मीयता वाटून जाते. म्हणून तुम्ही नेहमी लक्ष द्या की एखादी इमोशनल व्हिडिओ बनवताना किंवा साहित्य लिहिताना त्यात जास्तीत जास्त इमोशनल अपील केले जाते जेणेकरून ते प्रेक्षकांच्या हृदयाला भिडावे.

(वाचा :- तू मुलगी आहेस म्हणून…मल्याळम् अभिनेत्रीच्या वडिलांचं तिला सुरेख पत्र!)


Source link

You may also like...

Leave a Reply

Your email address will not be published. Required fields are marked *