सॅनिटायझर बर्न्स टाळणे शक्य, तज्ज्ञांच्या माहितीनुसार ‘या’ खबरदारी बाळगणे आवश्यक

Spread the love

डॉ. पराग सहस्रबुद्धे
सॅनिटायझरची बाटली स्वयंपाकघरात ओट्यावर ठेवून स्वयंपाक करताना एक महिला ३० टक्के भाजल्याची घटना नुकतीच घडली. सुदैवाने घरामध्ये बाकी कोणालाही इजा झाली नाही. योग्य त्या उपचारांनंतर ही महिला बरी झाली आहे. अधिक खोलामध्ये जाऊन विचारणा केली तेव्हा समजले की ही महिला हाताला सॅनिटायझर लावत स्वयंपाकघरात गेली होती आणि सॅनिटायझरची बाटली तिने गॅसच्या शेगडी जवळच ठेवली होती. त्यानंतर तिने गॅस पेटवण्याचा प्रयत्न केला. या प्रकारात सॅनिटायझरच्या बाटलीचा भडका उडाला .
(Health Care : या ६ फायदेशीर कारणांमुळे पुरुषांनी आरोग्यासाठी नियमित केलं पाहिजे अश्वगंधाचं सेवन)

वैद्यकीय क्षेत्रामध्ये सॅनिटायझरचा (how to use sanitizer) वापर नवीन नाही. आयसीयू, ऑपरेशन थिएटरमध्ये डॉक्टर हँड सॅनिटायझर नेहमी वापरतात. या सर्व सॅनिटाझरवर किंवा हँड डिसइन्फेक्टंटवर ‘ही वस्तू सहज पेट घेणारी आहे. त्यामुळे आगीच्या जवळ ठेवू नये’ अशी सावधगिरी बाळगण्याबाबतची सूचना छापलेली असते.
(Health Tips पोट आरामात जाईल आतमध्ये, फक्त नियमित करा हे ५ एक्सरसाइज)

​सॅनिटायझरमध्ये असते अल्कोहोल

करोनाच्या साथीमुळे आपल्या सर्वांचे आयुष्य बदलले आहे. हातांच्या स्वच्छतेसाठी सॅनिटायझरचा वापर वाढला आहे. सॅनिटायझरच्या मागणीत वाढ झाल्याने अनेक नवीन कंपन्या सॅनिटायझरची निर्मिती करीत आहेत. मात्र, या वाढलेल्या वापरामुळे ‘सॅनिटायझर बर्न्स’च्या घटनाही वाढल्या आहेत. सॅनिटायझरमधील अनेक घटकांपैकी एक घटक हा अल्कोहोल असतो. सॅनिटायझरमध्ये अल्कोहोलचे प्रमाण ६० ते ९५ टक्के असते. त्यामुळे सॅनिटायझर पटकन पेट घेऊ शकते.

(Ayurvedic Remedies तीक्ष्ण बुद्धीसाठी या ४ आयुर्वेदिक वनस्पती आहेत लाभदायक, जाणून घ्या कसे करतात कार्य)

​खबरदारी घेणे आवश्यक

बाजारात मिळणाऱ्या सॅनिटायझरवर वर उल्लेख केलेल्या सूचनेप्रमाणे खबरदारी घेण्याबाबतची सूचना छापलेली नसते. त्यामुळे अशाप्रकारे भाजणाऱ्यांच्या संख्येत वाढ होत आहे. सॅनिटायझर वापरताना खबरदारी घेण्याची सूचना छापणे कायद्याने बंधनकारक केल्यास सर्व जण योग्य ती काळजी घेतील आणि अशा प्रकारच्या घटना घडणार नाहीत. काही सॅनिटायझर जेल बेस्ड आहेत. त्यामुळे हात चिकट होतात व सॅनिटायझर हातावर बराच वेळ राहतो. असा सॅनिटायझर वापरल्यावर निरांजन किंवा उदबत्ती लावणे, कारचे इग्निशन चालू करणे, सिगारेट ओढणे, शेकोटी पेटवणे असे प्रकार करू नयेत.

(जास्त राग येणं हे सुद्धा आहे पित्त वाढण्याचे लक्षण, उपाय म्हणून काय खावं व खाऊ नये? जाणून घ्या)

​सॅनिटायझर वापरताना हे लक्षात ठेवा

  • प्रत्येक सॅनिटायझरच्या बाटलीवर (Safely Using Hand Sanitizer) सावधगिरी बाळगण्याबाबतची सूचना असली पाहिजे.
  • लहान मुलांपासून सॅनिटायझरची बाटली दूर ठेवा.

(स्मृतीभ्रंश टाळण्यासाठी तरुणपणीच करा हे साधेसोपे उपाय, जाणून घ्या डॉक्टरांनी दिलेली माहिती)

​आगीच्या संपर्कात येणारी याची काळजी घ्यावी

  • सॅनिटायझर हातावर घेतल्यावर लगेचच आगीच्या किंवा कोणत्याही ज्वलनशील वस्तूजवळ जाऊ नका. उदा. स्वयंपाकघरातील गॅस, बॉयलर, इलेक्ट्रिक स्पार्क उडू शकतो अशा गोष्टी, हॉट मेटल, वेल्डिंग आदी.
  • सॅनिटायझर वापरल्यानंतर बाटलीचे झाकण नीट बंद आहे ना, याची खात्री करा. सॅनिटायझरची बाटली उन्हात ठेवू नका.

(आठवड्यातून दोनदा सैंधव मिठाने आंघोळ करण्याचे फायदे, मिळतील हे तीन लाभ)

​अशा चुका करणं टाळा

  • प्रत्येक वेळीस सॅनिटायझरच (Hand Sanitizer Safety Precautions) वापरला पाहिजे असे नाही. साबणाने हात धुतले तरी तेसुद्धा तेवढेच उपायकारक आहेत. सॅनिटायझर वापरल्यानंतर हात पूर्ण कोरडे झाल्यानंतरच कुठल्याही वस्तूला हात लावा.
  • काही जण सॅनिटायझरने स्वयंपाकघरातील ओटा पुसणे टाळावे. प्रत्येक वस्तूला बाहेरून सॅनिटायझर लावायची गरज नाही.

(शरीर फिट ठेवायचंय? प्या १ ग्लास तुळस व ओव्याचं पाणी, जाणून घ्या लाभ)


Source link

You may also like...

Leave a Reply

Your email address will not be published. Required fields are marked *