स्ट्रॉबेरी लेग्समुळे मुलींचे पाय दिसतात खराब, ही समस्या दूर करण्यासाठी जाणून घ्या सोपे उपाय

Spread the love

त्वचेशी संबंधित समस्या म्हटलं की प्रामुख्यानं केवळ चेहऱ्याचा विचार केला जातो. चेहऱ्याव्यतिरिक्त मान, हाता-पायांच्या त्वचेचीही योग्य ती काळजी घेणे आवश्यक आहे. पायांच्या त्वचेची (Skin Care) देखभाल न केल्यास ‘स्ट्रॉबेरी लेग्स’ ही समस्या उद्भवू शकते. बहुतांश लोकांच्या पायांवर काळ्या रंगाचे ठिपके आढळतात. यावर योग्य वेळीच उपाय न केल्यास हे ठिपके मोठे होऊ लागतात. ही समस्या देखील त्वचेशी संबंधित आहे.

तेल, बॅक्टेरिया आणि मृत त्वचेमुळे ही समस्या निर्माण होते. काही जणी पायांवरील केस काढण्यासाठी रेझरचा उपयोग करतात. यामुळे त्वचेवरील रोमछिद्रं मोकळी होतात. अशा वेळेस छिद्रांमध्ये हवा प्रवेश करते, ज्यामुळे त्वचेवरील नैसर्गिक तेलाचे ऑक्सिकरण होतं. तेलाच्या ऑक्सिडाइझ्ड प्रक्रियेमुळे त्वचेवर काळ्या रंगाचे ठिपके दिसू लागतात. यामुळे पायाच्या त्वचेवर स्ट्रॉबेरीवरील बियांसारखे डाग दिसतात. स्ट्रॉबेरी लेग्स समस्येची कारण आणि यापासून सुटका मिळवण्यासाठी उपाय जाणून घेऊया ..

​स्ट्रॉबेरी लेग्स समस्येमागील कारणे

  • योग्य पद्धतीने रेझर किंवा शेविंग क्रीमचा वापर न केल्याने त्वचेचे नुकसान होते. यामुळे स्ट्रॉबेरी लेग्सची समस्या निर्माण होऊ शकते.
  • रोमछिद्रांमध्ये बॅक्टेरिया आणि अतिरिक्त तेल जमा झाल्यानं देखील ही समस्या होऊ शकते.
  • त्वचेच्या हेअर फॉलिकलमध्ये सूज येणे आणि संसर्गामुळे पायांवर काळ्या रंगाचे ठिपके येऊ लागतात.
  • केराटोसिस पिलारिस यासारख्या त्वचेशी संबंधित समस्यांमुळे त्वचा कोरडी होऊ लागते आणि पायांवर काळ्या रंगाचे ठिपके येऊ लागतात.
  • जर तुमची त्वचा जास्त प्रमाणात कोरडी असेल तर स्ट्रॉबेरी लेग्सची समस्या वाढण्याची शक्यता असते.

या समस्येपासून सुटका मिळवण्यासाठी जाणून घेऊया उपाय

(त्वचेचा कर्करोग, जाणून घ्या मुख्य लक्षणे व उपचार)

​चांगल्या शेविंग क्रीमचा वापर करावा

शेविंग क्रीमशिवायचा रेझरचा वापर केल्यास स्ट्रॉबेरी लेग्सची समस्या निर्माण होऊ शकते. यासाठी चांगल्या दर्जाच्या शेविंग क्रीम किंवा लोशनचा वापर करावा. दीर्घकाळापर्यंत त्वचा मॉइश्चराइझर आणि हायड्रेट राहील अशा शेविंग क्रीमचा उपयोग करावा. सोबतच त्वचा कोरडी होणार नाही, याची काळजी घ्यावी. यामुळे स्ट्रॉबेरी लेग्सची समस्या कमी होण्यास मदत मिळेल. पण पायांवरील केस काढण्यासाठी शक्यतो ब्लेडचा उपयोग करू नये.

(Body Massage हिवाळ्यात शरीराचा मसाज केल्यानं मिळतात हे ५ मोठे आरोग्यदायी लाभ)

​त्वचा नियमित मॉइश्चराइझ करा

नियमित त्वचा मॉइश्चराइझ ठेवल्याने स्ट्रॉबेरी लेग्सची समस्या दूर होण्यास मदत मिळेल. सोबतच त्वचा कोरडी देखील होणार नाही. नियमित कच्चे दूध किंवा बदामाचा समावेश असलेल्या मॉइश्चराइझरचा वापर करावा. यामुळे आपल्या त्वचेला खोलवर पोषण तत्त्वांचा पुरवठा होण्यास मदत मिळेल.

(Ayurvedic Remedies टाळूला येणारी खाज कमी करण्यासाठी करा हे आयुर्वेदिक उपाय, केसगळतीही होईल)

​एपिलेटरचा वापर करा

एपिलेटर हे एक ब्युटी प्रोडक्टमधील टुल आहे. केस मुळांसकट काढण्यासाठी या टुलचा वापर केला जातो. या टुलच्या वापरामुळे केस सहजरित्या काढले जातात. विशेष म्हणजे यामुळे त्वचेवरील रोमछिद्रं मोकळी देखील होत नाहीत.

(Skin Care शेफाली जरीवालाच्या सौंदर्याचं सीक्रेट, चमकदार त्वचेसाठी करते ‘या’ गोष्टी)

​त्वचा एक्सफोलिएट करा

नियमित स्वरुपात त्वचा एक्सफोलिएट केल्याने बॅक्टेरिया आणि त्वचेवर जमा झालेले धूळ-मातीचे कण, दुर्गंध स्वच्छ होण्यास मदत मिळते. यासाठी आपण नियमित त्वचा एक्सफोलिएट करावी. या ट्रीटमेंटसाठी आपण बाजारातील किंवा होममेड स्क्रबचाही उपयोग करू शकता.

(Natural Skin Care नितळ व सुंदर कांतीसाठी वापरा ८ आयुर्वेदिक तेल, मेकअपची भासणार नाही गरज)

सॅलिसिलिक अ‍ॅसिडयुक्त प्रोडक्टचा करा वापर

सॅलिसिलिक अ‍ॅसिड त्वचेतील कोरडेपणा कमी करते. हे घटक स्ट्रॉबेरी लेग्सची समस्या दूर करण्यासाठीही मदत करतं.

(Skin Care Tips पिंपलमुळे आहात त्रस्त? अशा पद्धतीने चेहरा ठेवा स्वच्छ व मॉइश्चराइझ)

या सर्व सोप्या उपचारांची मदत घेऊन स्ट्रॉबेरी लेग्सच्या समस्येपासून सुटका मिळवू शकता.

NOTE : त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणं आवश्यक आहे.


Source link

You may also like...

Leave a Reply

Your email address will not be published. Required fields are marked *