स्त्रियांमध्ये आढळणाऱ्या या आजाराचा सामना करतेय सोनम कपूर, चाहत्यांसोबत शेअर केल्या टिप्स

Spread the love

शरीरातील हार्मोनच्या असंतुलनामुळे स्त्रियांना पीसीओडी आणि पीसीओएस या समस्यांचा सामना करावा लागतो. पीसीओएस किंवा पीसीओडी ग्रस्त महिलांमध्ये मासिक पाळी अनियमित असणे, शारीरिक थकवा जाणवणे, शरीर जड होणे आणि ताण- तणाव जाणवणे अशी काही सामान्य लक्षणे आढळतात. बॉलिवूड अभिनेत्री सोनम कपूर देखील गेल्या काही वर्षांपासून या आजाराचा सामना करत आहे.

सोशल मीडियाच्या माध्यमातून सोनम कपूरने पीसीओएस (PCOS) आणि पीसीओडीबाबतची (PCOD) माहिती आपल्या चाहत्यांसोबत शेअर करत आहे. व्यायाम आणि पौष्टिक आहाराच्या मदतीने हा आजार स्वतःपासून कसा दूर ठेवला जाऊ शकतो, याबाबतचा अनुभव तिनं आपल्या चाहत्यांना सांगितला आहे. चला तर जाणून घेऊया सोनम कपूरने दिलेल्या टिप्स.
(अंडे की पनीर, कोणता पदार्थ आहे प्रोटीनचा उत्तम स्रोत? जाणून घ्या माहिती)

​सोनम असे फॉलो करते आपले रुटीन

पीसीओएस समस्येपासून मुक्तता मिळवण्यासाठी नियमित चालण्याचा व्यायाम करणं आवश्यक आहे, असे सोनमने सांगितलं आहे. ती प्रत्येक दिवशी जवळपास १० हजार पावले चालते. नियमित व्यायाम करणं आवश्यक आहे. यासाठी सोनम योगासनांचा सराव करते. कारण योगासनांमुळे शरीर निरोगी, मजबूत होण्यासह मानसिक आरोग्य देखील चांगले राहण्यास मदत मिळते.

(तास-न्-तास एकाच जागी बसून काम करताय का, हृदयाची काळजी कशी घ्यावी?)

​आहारातून साखर वर्ज्य करावी

पीसीओएसचा सामना करणाऱ्या महिलांनी साखरेचं सेवन करणं टाळलं पाहिजे, असे सोनमचे म्हणणं आहे. सोनम सुद्धा मध किंवा नैसर्गिक स्वरुपात उपलब्ध असणाऱ्या साखरेचंही सेवन करत नाही. याऐवजी ती फळांद्वारे आपल्या शरीराला साखरेचा पुरवठा करते. कमी प्रमाणात साखरेचा समावेश असणाऱ्या फळे खाण्याचा सल्ला सोनम कपूरने दिला आहे.

(मधुमेह होण्याची नवी कारणे? जाणून घ्या डॉक्टरांनी सांगितलेली संशोधनातील महत्त्वाची माहिती)

​सोनमने आहाराबाबत दिली माहिती

पीसीओएसच्या समस्येवरील उपचारांव्यतिरिक्त सोनमने आपल्या आहाराबाबतही माहिती दिली. सध्या तिनं केवळ आपल्या नाश्त्यातील पदार्थांचीच माहिती सांगितली. सोनम आपल्या नाश्त्यामध्ये कोकोनट योगर्ट, बेरीज्, पॅलेओ ग्रेनोला यासारख्या पदार्थांचा समावेश करते. सोनम असेही सांगितले की, ज्या- ज्या ठिकाणी ती प्रवास करते, तेथील स्थानिक संस्कृती आणि हंगामानुसार खाद्यपदार्थ आवडीने खाते. कारण प्रत्येक ठिकाणचे खाद्यपदार्थ तेथील हवामानानुसार उपलब्ध असतात.

(Tips To Cook Iron Rich Food शरीराला लोहाचा पुरवठा करणारी ही पारंपरिक पद्धत माहीत आहे का?)

सोनम कपूर चॅप्टर १ : PCOS

​सोनमने याबाबत आनंद केला व्यक्त

सोनमने ‘स्टोरी टाइम विथ सोनम चॅप्टर 1: पीसीओएस’ असे कॅप्शन देत पहिला व्हिडीओ शेअर केला होता. यानंतर ‘चॅप्ट 2 : माय पीसीओएस डाएट’ (Chapter 2 : My PCOS Diet) या कॅप्शन अंतर्गत आपला दुसरा व्हिडीओ पोस्ट केला होता. पहिल्या पोस्टला चाहत्यांकडून मिळालेल्या सकारात्मक प्रतिसादानुसारच तिनं आपला दुसरा व्हिडीओ शेअर केल्याचे सांगितले.

(कंबरदुखी दूर करण्यासाठी व कमरेच्या स्नायूंसाठी उपयुक्त आसन, वाचा तज्ज्ञांनी दिलेली माहिती)

सोनम कपूरचे डाएट प्लान

​तुमच्या माहितीसाठी…

हार्मोनच्या असंतुलनामुळे पीसीओएस आणि पीसीओडीच्या समस्येचा सामना करावा लागतो. जगातील प्रत्येक १० पैकी एक महिला या आजाराने ग्रस्त असते. या आजारात अंडाशयावर अनेक सिस्ट म्हणजे गाठी तयार होतात. यामुळे हार्मोनचा समतोल बिघडू लागतो. मधुमेह, डोक्याव्यतिरिक्त शरीराच्या अन्य भागावरही केसांची अतिरिक्त वाढ होणे, मुरुमांची समस्या आणि गर्भावस्थेत अडथळे निर्माण होणे यासारख्या समस्यांमागील मोठं कारण पीसीओएस आजार असू शकतो.

(Raw Onion Eating Benefits तुम्हाला कच्चा कांदा खायला आवडतो का? मग ही माहिती नक्की वाचा)

NOTE पीसीओएस व पीसीओडी संदर्भात कोणतेही उपचार करण्यापूर्वी आपल्या ओळखीच्या डॉक्टरांचा सल्ला घ्यावा. सोनम कपूरने देखील आपल्या व्हिडीओमध्ये ही बाब स्पष्ट केली आहे.




Source link

You may also like...

Leave a Reply

Your email address will not be published. Required fields are marked *