हँडसम दिसण्यासाठी पुरुष देखील करू शकतात मेकअप, जाणून घ्या योग्य पद्धत

Spread the love

​फेशिअल क्लींझिंग

मेकअप करण्यापूर्वी चेहरा स्वच्छ करून घेणे आवश्यक आहे. एखाद्या हर्बल क्लींझरने आपला चेहरा धुऊन घ्या. यानंतर एक्सफोलिएटिंग स्क्रबने आपल्या चेहऱ्याचा गोलाकार दिशेनं हलक्या हाताने मसाज करून घ्यावा. या प्रक्रियेमुळे तुमच्या चेहऱ्यावरील मृत त्वचा काढण्यास मदत मिळेल आणि त्वचेवरील रोमछिद्रे देखील मोकळी होतील. यानंतर कापसाच्या मदतीने आपल्या चेहऱ्यावर टोनर लावा. यामुळे त्वचेचं पीएच लेव्हल संतुलित राहण्यास मदत मिळते.

(Health Care Tips पुरुषांमधील प्रोस्टेट ग्रंथींचा त्रास)

​मॉइश्चराइझर

आता कोकोनट मिल्क सारख्या सौम्य स्वरुपातील मॉइश्चराइझर चेहरा आणि मानेवर लावा. यामुळे चेहरा तसंच मानेवरील मृत त्वचा काढली जाण्यास मदत मिळेल. यामुळे चेहरा हायड्रेट राहण्यास मदत मिळेल शिवाय मेकअपसाठी त्वचा तयार होईल. जर तुमची त्वचा कोरडी असेल तर ऑइल बेस्ड मॉइश्चराइझरचा वापर करावा. तेलकट त्वचा असणाऱ्यांनी वॉटर बेस्ड मॉइश्चराइझरचा वापर करण्यावर भर द्यावा.

(घरच्या घरी नेलआर्ट करण्यासाठी सोप्या टिप्स)

​कंसीलर

यानंतर चेहऱ्यावर कंसीलर (Makeup Tips) लावावे. कंसीलर केवळ मुलीच वापरू शकतात, असा विचार करत आहात का? तर तुम्ही चुकीचा विचार करत आहात. हे ब्युटी प्रोडक्ट पुरुषांच्या मेकअपचाही भाग आहे. कंसीलर चेहऱ्यावरील डाग आणि मुरुम लपवण्याचे कार्य करते. तुमच्या त्वचेच्या रंगाशी मिळतेजुळते कंसीलर वापरावे. डोळ्यांखाली, नाकावर कंसीलर लावून ब्लेंडर स्पंजने चांगल्या पद्धतीने ते ब्लेंड करून घ्यावे.

(OCD ओसीडी म्हणजे काय? काय आहेत या आजाराची लक्षणे)

​फाउंडेशन

फाउंडेशन देखील आपल्या स्किन टोनशी मिळतेजुळते घेणे आवश्यक आहे. असे न केल्यास अति मेकअप केल्यासारखे दिसण्याची शक्यता आहे. फाउंडेशनमध्येही बरेच प्रकार सध्या उपलब्ध आहेत. हे ब्युटी प्रोडक्ट ब्रशच्या मदतीने आपल्या चेहऱ्यावर लावा. किंवा तुम्ही ब्लेंडर स्पंजचा देखील वापर करू शकता. फाउंडेशनमुळे तुमच्या चेहऱ्याचा संपूर्ण लुकच वेगळा दिसतो.

(पाठ, कंबर, पायांच्या दुखण्यापासून सुटका हवीय? करा हे सोपे आसन)

​लूज पावडर

मेकअपमध्ये लूज पावडर सर्वात महत्त्वाची भूमिका निभावते. चेहऱ्यावरील मेकअप सेट करण्यासाठी लूज पावडरचा वापर केला जातो. चेहऱ्यावर जेथे- जेथे कंसीलर लावण्यात आले आहे, त्या- त्या ठिकाणी ब्रशच्या मदतीने पावडर लावा. यामुळे तुमचा मेकअप सेट होण्यास मदत मिळते.

(Tips To Sleep Tight शांत झोप हवी असेल तर हे एक काम नक्की करून पाहा)

​आयब्रो आणि ओठांची काळजी

आयब्रो पेंसिलच्या मदतीने आपले आयब्रो सेट करून घ्या. यानंतर आपल्या ओठांवर चांगल्या दर्जाचे लिप बाम लावून घ्या. शक्यतो हर्बल आणि नैसर्गिक सामग्रींपासून तयार करण्यात आलेल्या लिप बामचाच वापर करावा. यामुळे तुमचे ओठ मऊ राहतील. पुरुष मंडळींसाठी या बेस्ट आणि अतिशय सोप्या मेकअप टिप्स आहेत. अशा पद्धतीने मेकअप केल्यास तुम्हाला स्वतःच्या व्यक्तिमत्त्वामध्ये सकारात्मक बदल जाणवतील.

Note : आपल्या चेहऱ्याच्या प्रकारानुसारच ब्युटी प्रोडक्टची निवड करावी. कोणतेही ब्युटी प्रोडक्ट खरेदी करण्यापूर्वी त्वचा रोगतज्ज्ञांचा सल्ला घेणे आवश्यक आहे. त्वचेचे नुकसान टाळण्यासाठी डॉक्टर तसंच तज्ज्ञांचे मार्गदर्शन घ्यायला विसरू नका.


Source link

You may also like...

Leave a Reply

Your email address will not be published. Required fields are marked *