हिना खानने शेअर केलं ब्युटी सीक्रेट, चमकदार त्वचेसाठी लावते स्‍ट्रॉबेरी फेस पॅक

Spread the love

आपल्यापैकी काही जण मार्केटमध्ये आलेलं प्रत्येक नवीन ब्युटी प्रोडक्ट वापरुन पाहण्याची एकही संधी सोडत नाहीत. फेस वॉश, फेस पॅक किंवा फेस स्क्रब असो, या लोकांना प्रत्येक प्रोडक्ट वापरुन चेहऱ्यावर प्रयोग करण्याची सवय असते. पण केमिकलयुक्त प्रोडक्ट खरेदी करण्याच्या नादात आपण बऱ्याचदा हे विसरतो की त्वचेशी संबंधित समस्यांवर उपाय करण्यासाठी कित्येक प्रभावी नैसर्गिक सामग्री आपल्या घरामध्येही उपलब्ध असतात. उदाहरणार्थ काकडी, कोरफड इत्यादी नैसर्गिक सामग्रींचा तज्ज्ञांच्या सल्ल्यानुसार वापर केल्यास त्वचेवरील डाग कमी होण्यास मदत मिळते आणि चेहऱ्यावर नैसर्गिक चमक सुद्धा येते.

टेलिव्हिजन आणि बॉलिवूडमधील कित्येक अभिनेत्री देखील नैसर्गिक उपचार करण्यावर भर देतात. अभिनेत्री हिना खान देखील चेहरा सुंदर व नितळ दिसण्यासाठी DIY फेस पॅकचा उपयोग करते. काही वर्षापूर्वी हिनाने स्वतःचं ब्युटी सीक्रेट शेअर केलं होतं. ‘सास बहू और साजिश’ च्या व्हिडीओमध्ये तिनं सौंदर्याचं रहस्य सांगितलं होतं. घरामध्ये सहजरित्या आढळणाऱ्या नैसर्गिक सामग्रींपासून हिना हे फेस पॅक तयार करते. जाणून घेऊया पद्धत…
(त्वचा भाजणे म्हणजे नेमके काय? यावर कोणते उपचार करावेत, जाणून घ्या तज्ज्ञांनी दिलेली माहिती)

​हिना खान कसं तयार करते स्ट्रॉबेरी फेस पॅक

सामग्री : स्ट्रॉबेरी, दही, मध

फेस पॅक तयार करण्याची पद्धत : सर्वप्रथम मिक्सरच्या भांड्यामध्ये स्ट्रॉबेरी वाटून घ्या. मिक्सर नसल्यास हातानं किंवा चमच्याच्या मदतीने एक वाटीमध्ये स्ट्रॉबेरी मॅश करा. मॅश केलेल्या स्ट्रॉबेरीमध्ये दही मिक्स करा. सर्वात शेवटी मिश्रणामध्ये एक चमचा मध मिक्स करा. मिश्रणाची जाडसर पेस्ट तयार करून घ्या.

(नितळ व डागविरहित त्वचेसाठी रात्री चेहऱ्यावर अशा पद्धतीने लावा कोरफड जेल)

​फेस पॅक लावण्याची पद्धत

फेस पॅक लावण्यापूर्वी आपला चेहरा स्वच्छ धुऊन घ्या. यानंतर चेहऱ्यावर पॅक लावा. २० मिनिटांसाठी पॅक चेहऱ्यावर लावून ठेवा. यानंतर हलक्या हाताने स्क्रब करा आणि थंड पाण्याने त्वचा स्वच्छ करून घ्या.

(चेहऱ्याची त्वचा अशी डिटॉक्स करते अनुष्का शर्मा, तजेलदार त्वचेसाठी असं फॉलो केलं जातं रुटीन)

​स्ट्रॉबेरीचे फायदे

स्ट्रॉबेरीमध्ये भरपूर प्रमाणात अँटी-ऑक्सिडंट आहेत. स्ट्राबेरीतील पोषण तत्त्व आपल्या त्वचेचं सूर्याच्या हानिकारक किरणांपासून संरक्षण देखील करतात. स्ट्रॉबेरीचा योग्य प्रकारे उपयोग केल्यास त्वचेवर नैसर्गिक चमक येण्यास मदत मिळेल. महत्त्वाचे म्हणजे यामुळे तुमच्या त्वचेला खोलवर पोषक घटकांचा पुरवठा होतो. डोळ्यांच्या आसपास आलेली सूज देखील यामुळे कमी होते.

(घरच्या घरी या ६ नैसर्गिक सामग्रींपासून तयार करा फेस पॅक, संमिश्र त्वचा होईल तजेलदार व चमकदार)

​चमकदार त्वचेसाठी अन्य टिप्स

  • दिवसभरात जास्तीत जास्त प्रमाणात पाणी प्या.
  • पाणी पिणे लक्षात राहत नसल्यास अलार्म सेट करून ठेवा.
  • आहारामध्ये पौष्टिक खाद्यपदार्थांचा समावेश करा.
  • जंक फूड खाणे टाळा. कारण तुम्ही जे काही खात आहात, त्याचे थेट परिणाम आपल्या चेहऱ्यावर दिसून येतात.

(ग्लुटाथिओनमुळे चेहऱ्याचीच नव्हे तर संपूर्ण शरीराची त्वचा उजळते, जाणून घ्या तज्ज्ञांनी दिलेली ही माहिती)

​पुरेशी झोप घ्या

  • आठ तासांची झोप घ्या. झोप पूर्ण झाल्यास त्वचेवर नॅचरल ग्लो येतो.
  • अपूर्ण झोपेमुळे चेहरा निस्तेज दिसतो. तसंच डार्क सर्कल आणि सुरकुत्यांची समस्या देखील निर्माण होते.
  • स्किन केअर रुटीन न विसरता फॉलो करा. यामुळे चेहऱ्यावरील दुर्गंध, धूळ- मातीचे कण स्वच्छ होण्यात मदत मिळते. त्वचेवरील रोमछिद्र देखील स्वच्छ होतात.

(रात्री झोपण्यापूर्वी २ मिनिटे चेहऱ्याचा ‘या’ नैसर्गिक तेलाने करा मसाज, त्वचेमध्ये दिसतील असे बदल)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

होममेड फेस स्क्रब कसं तयार करायचं? पाहा संपूर्ण व्हिडीओ


Source link

You may also like...

Leave a Reply

Your email address will not be published. Required fields are marked *