हिवाळ्यामध्ये त्वचा निरोगी व मऊ राहण्यासाठी ‘या’ ब्युटी फेस पॅकचा करा उपयोग

Spread the love

​कॉफी पावडर आणि नारळाच्या तेलाचे फेस पॅक

सामग्री : एक चमचा कॉफी पावडर आणि दोन चमचा नारळाचे तेल

  • एका वाटीमध्ये कॉफी पावडर आणि नारळाचे तेल एकत्र घ्या. जाडसर लेप तयार करा. पेस्ट तयार झाल्यानंतर चेहऱ्यावर लावा. कॉफी पावडर आपल्या त्वचेवर एक्सफोलिएटरप्रमाणे कार्य करते. यामुळे त्वचा खोलवर स्वच्छ होण्यास मदत मिळते. तसंच रक्तप्रवाहाची प्रक्रिया देखील सुरळीत सुरू राहते.
  • या फेस पॅकमुळे चेहऱ्यावरील मुरुम आणि डाग कमी होण्यास मदत मिळते. नारळाच्या तेलामुळे त्वचेतील ओलावा टिकून राहतो.
  • फेस पॅक पूर्णपणे सुकू द्यावे. यानंतर हातावर थोडेसे पाणी घेऊन गोलाकार दिशेनं चेहऱ्याचा मसाज करावा आणि थंड पाण्याने चेहरा स्वच्छ धुऊन घ्यावा.

(Skin Care त्वचेतील ‘हे’ बदल दर्शवतात मधुमेह, जाणून घ्या सविस्तर माहिती)

​केळे आणि मधाचे फेस पॅक

सामग्री : एक केळे आणि एक चमचा मध

मॅश केलेल्या केळ्यामध्ये एक चमचा मध मिक्स करा. तुमची त्वचा कोरडी असल्यास यामध्ये दुधाची थोडीशी मलई मिक्स करू शकता. पेस्ट तयार झाल्यानंतर मान व चेहऱ्यावर लावा. फेस पॅक पूर्णपणे सुकू द्यावे. यानंतर थोड्या वेळाने थंड पाण्याने चेहरा स्वच्छ धुऊन घ्यावे.

(चेहऱ्याचंच नव्हे तर अंडरआर्म्‍स-पोट व शरीराच्या या भागांवरही फेशिअल करणं आवश्यक)

​त्वचेसाठी केळ्याचे फायदे

  • केळ्यामध्ये लोहाची मात्रा भरपूर प्रमाणात असते. तसंच केळे आपल्या चेहऱ्यासाठी नैसर्गिक मॉइश्चराइझरच्या स्वरुपात कार्य करते. मध आणि केळ्याच्या फेस पॅकमुळे आपल्या त्वचेला पोषण तत्त्वांचा मोठ्या प्रमाणात पुरवठा होतो.
  • या फेस पॅकद्वारे त्वचेला ओलावा मिळतो. कोरड्या त्वचेची समस्या निर्माण होत नाही. यामुळेच केळे आणि मधाचे फेस पॅक आपल्या त्वचेसाठी सर्वोत्तम उपाय मानले जाते.

(अनुष्का शर्माच्या सौंदर्याचं सीक्रेट, फॉलो करतेय ‘या’ स्किन केअर टिप्स)

​दूध क्रीम आणि हळदीचे फेस पॅक

सामग्री : एक चमचा बेसन, अर्धा चमचा हळद, अर्धा चमचा दूध क्रीम आणि थोडेसे दूध

सर्व सामग्री चांगल्या पद्धतीने एकजीव करून घ्या. जाडसर पेस्ट तयार करा. पॅक तयार झाल्यानंतर चेहऱ्यावर लावा. १० मिनिटांनंतर थंड पाण्याने चेहरा धुऊन घ्या. यानंतर हलक्या हातानं चेहऱ्याचा मसाज करावा.

(त्वचेच्या आरोग्यासाठी पोषक आहे मसूर डाळ, घरच्या घरी असे तयार करा नॅचरल फेस पॅक)

​संवेदनशील त्वचेसाठी फेस पॅक

अतिशय कोरडी आणि संवेदनशील त्वचा असणाऱ्यांनी हिवाळ्यामध्ये दूध व हळदीचे फेस पॅक लावणे लाभदायक ठरू शकते. दुधामुळे आपल्या त्वचेला खोलवर पोषण तत्त्वांचा पुरवठा होतो आणि कोरड्या त्वचेमुळे निर्माण होणाऱ्या त्वचेशी संबंधित अन्य समस्या कमी करण्याचे कार्य हळद करते.

(लेझर हेअर रिमूव्हल ट्रीटमेंट करायचीय? जाणून घ्या तुमच्या मनातील प्रश्नांची उत्तरे)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *