हृदय विकार दूर ठेवण्यासाठी नियमित खा दोन अक्रोड, जाणून घ्या अन्य आरोग्यदायी लाभ

Spread the love

हृदयाचे आरोग्य निरोगी राहण्यासाठी आपल्या शरीराला कित्येक प्रकारच्या पोषण तत्त्वांचा योग्य प्रमाणात पुरवठा होणे आवश्यक आहे. यापैकी एक प्रमुख तत्त्व म्हणजे ओमेगा ३ फॅटी अ‍ॅसिड. मांसाहार करणाऱ्यांच्या शरीराला मासे, अन्य सी फूडच्या माध्यमातून फॅटी अ‍ॅसिडचा पुरवठा होत असतो. पण शाकाहारी लोकांनी शरीराला योग्य प्रमाणात फॅटी अ‍ॅसिड मिळावे, यासाठी आहाराकडे लक्ष देणे आवश्यक आहे. जेणेकरून हृदयाचे आरोग्य निरोगी राहण्यास मदत मिळेल.

जर आपण पूर्णपणे शाकाहारी आहात तर हृदयाच्या आरोग्यासाठी नियमित स्वरुपात सुकामेव्याचे सेवन करू शकता. पण यापूर्वी आहारतज्ज्ञांचा सल्ला घेणे आवश्यक आहे. अक्रोडमध्ये भरपूर प्रमाणात फॅटी अ‍ॅसिड असतात. योग्य प्रमाणात अक्रोड खाल्ल्यास तुमच्या शरीराला ओमेगा ३ फॅटी अ‍ॅसिडचा पुरवठा होण्यास मदत मिळते. ज्यामुळे हृदयाच्या आरोग्यासह तुमच्या मेंदूची कार्यप्रणाली देखील निरोगी राहते.
(रात्री झोपण्यापूर्वी गुळाचे सेवन का करावे? आरोग्यदायी लाभ माहीत आहेत का, जाणून घ्या)

​हृदयासाठी अशा प्रकारे काम करतं अक्रोड

  • अक्रोडमध्ये प्रोटीन, कॅल्शियम, व्हिटॅमिन-ई, व्हिटॅमिन-बी ६, कॉपर, झिंक, मॅग्नेशियम, पोटॅशिअम आणि सेलेनियम यासारख्या तत्त्वांचे प्रमाण भरपूर आहे.
  • अक्रोडमधील ही पोषण तत्त्वे शरीरातील रक्त प्रवाह नियंत्रित करण्यास मदत करतात. ज्यामुळे उच्च रक्तदाब आणि हार्ट स्ट्रोकचा धोका कमी होतो. जर आपण नियमित स्वरुपात दिवसातून दोन ते तीन अक्रोड खाल्ल्यास हृदयाचे आरोग्य निरोगी राहण्यास मदत मिळते.

(उच्च रक्तदाबाचा त्रास आहे? किडनीचं आरोग्य जपणं का आहे आवश्यक ? जाणून घ्या)

ही काळजी घ्यावी

  • तज्ज्ञमंडळींच्या माहितीनुसार, एका दिवसात पाचपेक्षा अधिक अक्रोड खाणे आरोग्यासाठी नुकसानकारक ठरू शकते. हे नुकसान टाळण्यासाठी दोन ते तीनच अक्रोड खाण्यावर भर द्यावा.
  • अक्रोडमधील ओमेगा- ३ फॅटी अ‍ॅसिड शरीरातील खराब कोलेस्ट्रॉलची मात्रा कमी करण्याचे कार्य करतात. यामुळे चांगल्या कोलेस्ट्रॉलची पातळी वाढवण्यास मदत मिळते. विशेष म्हणजे रक्तातील शर्करा संतुलित राहण्यास प्रचंड मदत मिळते.

(फिटनेससाठी लाइफस्टाइलमध्ये कोणते बदल करणं ठरेल लाभदायक? जाणून घ्या)

​रक्त गोठण्याची समस्या उद्भवत नाही

  • जे लोक नियमित स्वरुपात अक्रोड किंवा आठवड्यातून दोन ते तीन वेळा मासे खातात त्यांच्या शरीरामध्ये रक्त गोठण्याची समस्या उद्भवत नाही.

(हिवाळ्यात वजन घटवणे होईल सोपे, जाणून घ्या ब्रेकफास्टपासून ते डिनरपर्यंतचा डाएट प्लान)

  • कारण ओमेगा ३ फॅटी अ‍ॅसिड रक्त गोठण्याची समस्या निर्माण होऊ देत नाही. अक्रोडमधील पोषक घटकांमुळे शरीरात रक्त प्रवाह सुरळीत सुरू राहण्यास मदत मिळते. ज्यामुळे रक्तवाहिन्यांच्या कार्यात कोणतेही अडथळे निर्माण होत नाहीत.

​अक्रोडसोबत या पदार्थाचं करा सेवन

  • अक्रोड खाल्ल्याने हृदयाचे आरोग्य निरोगी राहण्यास मदत मिळते. पण शरीराला अन्य पोषक घटकांचा पुरवठा होण्यासाठी अक्रोडसहीत हिरव्या भाज्या, डाळी, फळे, अन्य पौष्टिक खाद्यपदार्थांचा आपल्या आहारात समावेश करावा.
  • नियमित स्वरुपात मॉर्निंग वॉक करणे, पायऱ्या चढणे आणि उतरण्याचा व्यायाम, दोरीच्या उड्या, योग्य वेळेत झोपणे आणि उठणे इत्यादी व्यायाम प्रकार केल्यास हृदय विकार दूर ठेवण्यास मदत मिळू शकते.

(Health Care Tips किती मिनिटे करावा मॉर्निंग वॉक? नियमित व्यायाम केल्यास आरोग्याला मिळतील हे लाभ)

​मेंदूच्या आरोग्यासाठीही अक्रोड पोषक

ओमेगा ३ फॅटी अ‍ॅसिड हृदयाप्रमाणाचे आपल्या मेंदूच्या आरोग्यासाठी लाभदायक आहे. यातील पोषण तत्त्व तणाव कमी करण्याचे आणि स्मरणशक्ती वाढण्याचे कार्य करतात.

(Health Care Tips फुफ्फुसांचं आरोग्य निरोगी ठेवण्यासाठी या ११ गोष्टी ठेवा लक्षात)

NOTE आपल्या आहारामध्ये कोणत्याही पदार्थांचा समावेश करण्यापूर्वी ओळखीच्या आहारतज्ज्ञ किंवा डॉक्टरांचा सल्ला घेणे आवश्यक आहे. तसंच दुसऱ्या व्यक्तीचे डाएट प्लान फॉलो करू नये. कारण प्रत्येकाच्या शारीरिक समस्या वेगवेगळ्या असतात.

रक्तप्रवाह सुरळीत सुरू ठेवण्यासाठी करा या आसनाचा सराव


Source link

You may also like...

Leave a Reply

Your email address will not be published. Required fields are marked *