‘हे’ पदार्थ स्वाद व गंध घेण्याची हरवलेली क्षमता परत आणून इंद्रिये करतात सक्रिय!

Spread the love

कित्येकदा सर्दी-पडसं, ताप किंवा वाढत्या वयोमानामुळे जिभेला चव समजणं व सुगंध येणं या क्षमतेत कमतरता येऊ लागते. व्हायरल आजारांमुळे आपल्याला आजुबाजूच्या गोष्टींचा सुगंध येणं बंद होतं व कधी कधी जेवणाचा स्वादही घेता येत नाही. जवळ जवळ एक वर्ष आधी ही लक्षणं ताप व सर्दी-पडस्याची मानली जायची पण जेव्हापासून करोना व्हायरसने (corona virus symptoms) संपूर्ण जगात धुमाकूळ घातलाय तेव्हापासून ही लक्षणं करोनाची सुद्धा मानली जातात. साधारणत: चव व सुगंध (smell and taste) या गोष्टी इंद्रियांशी जोडलेल्या असतात त्यामुळे जसजसं वय वाढत जातं तसतसं काही लोकांना सुवास न येणं व स्वादात बदल होणं किंवा कमतरता जाणवू लागणं अशा समस्या भेडसावतात.

याचाच अर्थ जर तुम्हाला स्वाद व गंध येत नसल्यास तुम्ही करोनाग्रस्त आहात असं मुळीच नाही. पण या काळात असं काही आढळल्यास डॉक्टरांचा सल्ला घेणं उत्तम! डिस्जेसिया (dyslexia), इनोस्मिया (insomnia) व साइनस (sinus) असे अनेक आजार आहेत जे गंध व स्वाद घेण्यात अडथळा निर्माण करतात. हे आजार झाल्यावर अधिक प्रमाणात व सतत औषधं घेणं घातक होऊ शकतं त्यापेक्षा नैसर्गिक व घरगुती उपायांवर भर देणं गरजेचं असतं. जर तुम्हालाही हा त्रास होत असेल तर खाली दिलेले नैसर्गिक उपाय करुन तुम्ही आराम मिळवू शकता.

ओवा

ओव्याचे असंख्य फायदे आहेत त्यापैकीच एक म्हणजे गंध घेण्याची क्षमता वाढवणं हा आहे. ओवा फक्त पचनशक्तीच वाढवत नाही तर एलर्जी, सर्दी-पडसं, कफ यापासून मुक्ती मिळवून देते व गंध घेण्याची क्षमता वाढवते. सुवास येत नसल्यास एका रुमालात ओव्यांची पुरचुंडी बांधा आणि खोलवर श्वास घेत ओव्याचा वास इनहेल म्हणेजच आत ओढून घ्या. याची खासियत ही आहे की, तुम्ही दिवसातून कितीही वेळा ओव्याचा सुगंध घेऊ शकता.

(वाचा :- मीठाच्या पाण्यात रोज बुडवून बसा पाय! थकवा, वेदना दूर होण्यासोबतच मिळतील आरोग्यवर्धक फायदे)

अ‍ॅप्पल साइडर व्हिनेगर

वजन कमी करणं आणि पचन शक्ती वाढवण्यासोबतच अ‍ॅप्पल साइडर व्हिनेगर गंध घेण्याची क्षमता वाढवतं. गंध न येण्याचं सर्वात मोठं कारण असतं ते म्हणजे नाक बंद होणं. अ‍ॅप्पल साइडर व्हिनेगरमध्ये अ‍ॅंटीइन्फ्लामेट्री गुणधर्म असतात जे बंद नाक साफ करतात आणि सुवास घेण्यात येणारा अडथळा दूर होतो. एक ग्लास पाण्यात एक चमचा मध व एक चमचा अ‍ॅप्पल साइडर व्हिनेगर मिसळा व या पाण्याचं सेवन करा. लक्षात ठेवा याचा अतिप्रमाणात केलेला वापर पचना संबंधित समस्या निर्माण करु शकतो. मर्यादीत प्रमाणातच याचा वापर करावा.

(वाचा :- प्रोटीन व मिनरल्सचं पॉवर हाऊस आहे शेंगदाणा चिक्की! त्वचा व मेंदूला मिळतील अगणित लाभ)

लाल तिखट चटणी

लाल तिखट चटणी सुद्धा आपला हरवलेला गंध व स्वाद परत आणण्यास मदत करु शकते. ब-याचदा अनेक प्रकरणांमध्ये गंध न येण्याची सर्वात मोठे कारण बंद नाक हेच असते ज्यावर आपलं लक्ष जात नाही. लाल तिखट चटणीत कॅप्टासाइन असतं, जे बंद नाक साफ व इंद्रिये अ‍ॅक्टिव करतं. ज्यामुळे हरवलेला गंध परत येतो. सरळ लाल तिखटाचा वापर करणं नुकसान पोहचवू शकतं. त्यामुळे पाणी व मधासोबत तुम्ही याचा वापर करु शकता. एक कप गरम पाण्यात एक चमचा लाल तिखट पावडर व एक चमचा मध मिसळा आणि हळू हळू याचं सेवन करा.

(वाचा :- लठ्ठपणामुळे फिगर झालीये खराब? मग सकाळी उठल्यावर प्या ‘हे’ ५ प्रकारचे Fat Cutter Drinks)

लसूण

सर्दी-पडसं व तापासाठी लसूण सर्वोत्तम घरगुती उपाय मानला जातो. आल्यासारखं लसूण सुद्धा प्रत्येक घरातील स्वयंपाकघरात आढळतं. लसणात अ‍ॅंटीइन्फ्लामेट्री व अ‍ॅंटीमायक्रोबल गुणधर्म असतात जे बंद नाक उघडण्यासोबतच इतर आजार दूर ठेवतात. लसूण तुम्ही भाजून खाऊ शकता. याव्यतिरिक्त लसूण बारीक चिरुन पाण्यात उकळवा. त्यानंतर हे पाणी थंड करा. पाणी थंड झाल्यानंतर ते प्या. नियमित दिवसातून किमान एक वेळा तरी असाच पद्धतीने लसूण पाण्यात उकळवून ते पाणी प्या. हा उपाय स्वाद व सुगंध दोन्ही वाढवतो.

(वाचा :- जाणून घ्या महिलांमध्ये आढळणारे कर्करोगाचे प्रकार व बचावासाठी उपाय!)

एरंडेल तेल

स्वाद व गंध या समस्यांवर एरंडेल तेल हे रामबाण उपाय मानलं जातं. हे तेल फक्त सुगंध व स्वाद परत आणण्यास मदत करत नाही तर सर्दी-पडसं, खोकला व शरीरावरील सूज दूर करण्यासही मदत करतं. एरंडेल तेलात अ‍ॅंटी इन्फ्लामेट्री गुणधर्मांसोबतच रिकिनोइलिक अ‍ॅसिडही असतं जे साथीच्या आजारांना दूर ठेवतं. सुगंध व स्वाद परत आणण्यासाठी एरंडेल तेल गरम करा. तेल थंड झाल्यानंतर नोझल ड्रॉपच्या मदतीने ते नाकात सोडा. याच्या वापराने इंद्रिय सक्रिय होऊ लागतात व समस्या दूर होते.

(वाचा :- थंडीत खा ‘हे’ ८ पदार्थ, शरीराला उष्णता देण्यासोबतच वाढवतील रोगप्रतिकारक शक्ती!)

आलं

आल्यातील औषधी गुणधर्म तर सर्वांनाच ठाऊक आहेत. खोकला व सर्दीपासून मुक्ती मिळवण्यासाठी प्रत्येक घरात रामबाण घरगुती उपाय म्हणून आल्याचा वापर केला जातो. आल्यातील अ‍ॅंटीव्हायरल व अ‍ॅंटीबॅक्टेरियल गुणधर्म सर्दी-पडसं व खोकला दूर करतात. रोजच्या आयुष्यात आल्याचा वापर केल्याने सुगंधासोबतच स्वादही परत येतो. तीव्र वास व तिखटपणामुळे आलं बंद नसांना सक्रिय करतं. त्यामुळे स्वाद व सुगंध घेण्याची क्षमता परत येते. दिवसातून दोन ते तीन वेळा चहामध्ये आलं घालून त्याचे सेवन केले जाऊ शकते.

(वाचा :- नियमित करा सर्वांगासन! मेंदू व हृदयाला शुद्ध रक्तपुरवठा करण्यासोबतच हार्मोनल इम्बॅलन्स करते दूर!)


Source link

You may also like...

Leave a Reply

Your email address will not be published. Required fields are marked *