१०० वर्षे जुन्या ‘या’ रेसिपीने वाढवा मुलांची ताकद, वजन व रोगप्रतिकारक शक्ती!

Spread the love

प्रत्येक पालकाला आपल्या मुलाच्या आरोग्याबद्दल (kids health) काळजी असते. आपले मुल सुदृढ व्हावे, त्याचे आरोग्य सदा उत्तम राहावे अशी त्यांची इच्छा असते. मात्र त्यासाठी पालकांनी मुलांना योग्य आहार सुद्धा देणे गरजेचे असते. अनेक पालक याबाबतीत अज्ञानी असतात. मुलांना नेमके काय खायला दिल्याने त्यांचे वजन वाढेल, ते अगदी सुदृढ होतील हे त्यांना कळत नाही. परिणामी त्यांचे प्रयत्न कुठेतरी अपुरे पडतात आणि मुलाची शरीरयष्टी कमी राहते किंवा मुल खंगते. आज या लेखातून आम्ही तुम्हाला अशा एका पदार्थाबद्दल ससांगणार आहोत जो पदार्थ तुम्ही तुमच्या बाळाला खाऊ घातलात तर त्याच्या तब्येतीमध्ये नक्कीच परिणाम दिसून येतील.

हा असा पदार्थ आहे जो कित्येक वर्षापासून मुलांना असंख्य घरात खाऊ घातला जातो आहे. मात्र बाजारात मिळणाऱ्या रेडी टू इट फुड्स मुळे अशा पदार्थांचे महत्त्व मागे पडत चालाल आहे. आपल्या पूर्वजांनी सुदृढ आरोग्यासाठी शोधून काढलेल्या या पदार्थाचा वारसा टिकावा म्हणून हा लेखप्रपंच! तर मंडळी तो पदार्थ आहे चुरमा, आज आपण हा पदार्थ कसा बनवतात ते अगदी तपशीलवार जाणून घेऊया.

चुरमा कसा बनवतात?

चुरमा हा पदार्थ खास लहान मुलांसाठी बनवला जातो. त्यांच्या शरीराला योग्य पोषक तत्वे मिळावीत हा या पदार्थाचा उद्देश आहे. यात सर्व ते घटक असतात जे लहान मुलाच्या शरीरासाठी फायदेशीर ठरू शकतात. चला तर सर्वप्रथम जाणून घेऊया की बाळासाठी चुरमा बनवण्याकरता कोणकोणते साहित्य गरजेचे आहे. तर अर्ध भांडं गव्हाचे पीठ, चवीनुसार मीठ, अर्ध भांडं दूध, एक चमचा पिठीसाखर, अर्धा चमचा ड्राय फ्रुट पावडर आणि दोन चमचे तूप हे सर्व साहित्य जमा करून घ्यावं. हे साहित्य जमा झाल्यावर तुम्ही चुरमा बनवण्यास मोकळे!

(वाचा :- बाळाला खाऊ घाला अशा पद्धतीची रव्याची खीर, आरोग्यास होतील लाभच लाभ!)

पहिला टप्पा

तर सर्वप्रथम एक मोठे भांडे घेऊन त्यात गव्हाचे पीठ टाका. आता थोडे मीठ घ्या आणि मग त्यात दुध टाकून ते पीठ मळायला सुरुवात करा. चांगल्या प्रकारे मीठ मळून झाल्यावर अर्धा तास तसेच ठेवून द्या. आता या पिठाचे छोटे छोटे गोळे करून पोळपाटावर ठेवून टाळायला सुरुवात करा. लाटताना मध्ये मध्ये तूप लावायला विसरू नका. लक्षात ठेवा की तुम्हाला याला चपाती एवढे पातळ लाटायचे नाही आहे. आता तवा गॅस वर ठेवा आणि तवा थोडा गरम झाला की त्यावर हा पराठा भाजून घ्या.

(वाचा :- वायू प्रदूषणामुळे गुदमरु शकतो बाळाचा श्वास, खालील टिप्स करतील बाळाची सुरक्षा!)

दुसरा टप्पा

जेव्हा पराठा हलका हलका भाजला जाईल तेव्हा त्याला तव्यावरून उतरून प्लेट वर ठेवा. पराठा थोडा थंड झाला की त्याचे छोटे छोटे तुकडे करून चुरमा बनवून घ्या. मिक्सरला लावण्याऐवजी हातानेच तुकडे केलेले उत्तम! आता चुरमा एका भांड्यात घ्या आणि त्यात एक चमचा पिठी साखर टाका. त्यानंतर या भांड्यात अर्धा चमचा ड्रायफ्रुट पावडर सह देशी तूप सुद्धा मिक्स करा. आता हे मिश्रण चमचा किंवा हाताने हलवून घ्या. तूप, पिठी साखर आणि ड्राय फ्रुट पावडर योग्य प्रकारे मिक्स व्हायला हवी. आता हाताने याचे लाडू बनवून घ्या. अशाप्रकारे तयार झाले आहे तुमचे चुरमा किंवा चुरमा लाडू!

(वाचा :- मुलांना ‘या’ वयाआधी चुकूनही देऊ नका चॉकलेट्स नाहीतर येईल पश्चातापाची वेळ!)

चुरम्याचे फायदे

हा पदार्थ बाळाला खाऊ घातल्याने त्याचे अनेक फायदे बाळाला मिळतात. चुरमा तुपात मिक्स होऊन बनतो. तुपामध्ये अॅंटीऑक्सीडेंट असतात जे शरीरातील विषारी तत्व बाहेर फेकण्यास मदत करतात. त्यामुळेच बाळाचे शरीर अगदी निरोगी राहते. चुरमा मध्ये असणारे तूप बाळाच्या स्नायुंना मजबूत करते आणि त्यांच्या विकासासाठी मदत करते. पचन तंत्र नीट राखण्यासाठी सुद्धा फायदा होतो. चुरमा मध्ये मिक्स केलेले ड्राय फ्रुट्स शरीराला फायबर आणि इतर अन्य प्रकारचे पोषक तत्व प्रदान करतात. यामुळे बाळाचे पचन ठीक राहते.

(वाचा :- फेसबुक सीईओ व मोठ मोठ्या कलाकरांनी सुद्धा घेतली होती पॅटर्निटी लिव्ह! का गरजेची असते ही गोष्ट?)

अतिशय पौष्टिकता

चुरमा गव्हाच्या पीठापासून बनत असल्याने यात मोठ्या प्रमाणावर पौष्टिकता असते. गव्हामध्ये प्रोटीन, लोह, झिंक, तांबे आणि मॅग्नीज विपुल प्रमाणात असते. जर चुरमाला बाळाच्या आहारात नियमित रुपात समाविष्ट केले गेले तर बाळाच्या शरीरातील सर्व पोषक तत्वांची कमतरता भरून काढली जाऊ शकते. बाळाला चूरमा दुधात मिसळून सुद्धा खायला घालू शकता. दुधातून बाळाला कॅल्शियम आणि प्रोटीन मिळेल आणि त्याचा मानसिक आणि शारीरिक विकास सुद्धा उत्तम प्रकारे होईल.

(वाचा :- मुलीला पहिल्यांदा पिरीयड्स येण्याआधी आईला मिळतात ‘हे’ संकेत व मुलीमध्ये दिसून येतात काही बदल!)


Source link

You may also like...

Leave a Reply

Your email address will not be published. Required fields are marked *