१ वर्षाच्या बाळाला द्या ‘हा’ पोषक आहार, आरोग्यास होतील लाभच लाभ!

Spread the love

जेव्हा आपल्या घरात नव्या पाहुण्याचं आगमन होतं तेव्हा संपूर्ण घर आनंदाने दुमदूमून उठतं. पण जोपर्यंत मुल व्यवस्थित बोलू शकत नाही तोपर्यंत कोणत्या वेळी बाळाला कोणत्या गोष्टीची गरज आहे हे आपल्याला समजू शकत नाही. तरीही १२ महिने बाळ फक्त आईच्या दूधावर अवलंबून असतं आणि १२ महिने त्याला तेच द्यावं पण १ वर्षानंतर मुलांना पोषक आहार देण्याचा सल्ला डॉक्टरांकडून दिला जातो. अशावेळा एका आईला माहित हवं की बाळाला पोषक आहारात नेमके कोणते पदार्थ खाऊ घातले पाहिजेत?

जेणे करुन १ वर्षातच बाळ आरोग्यदायी व त्याची बुद्धीमता कुशाग्र होईल. चला तर आज आम्ही अशा आईंसाठी माहिती घेऊन आलो आहोत जी आपल्या बाळाला स्वस्थ बनवण्यासाठी काय खाऊ घालावं या विचाराने चिंतीत असतात.अमेरिकन अकेडमी ऑफ पीडियॉट्रिक्स अनुसार (1Trusted Source) जेव्हा मुल १ वर्षाचं होतं तेव्हा त्याला दररोज 1,000 कॅलरी, 700 मिलीग्रॅम कॅल्शियम, व्हिटॅमिन ड, क 600 IU आणि 7 मिलीग्रॅम लोह असलेला पौष्टिक आहार सेवन करणं आवश्यक असतं. आजकाल काम करणा-या महिला खूप व्यस्त असतात. तर आम्ही तुमची उत्सुकता संपवून आता सांगतो की ते कोणते १२ पौष्टिक पदार्थ आहे.

केळ, पीच व इतर मऊ फळं

जेव्हा मुलं एक वर्षाची होतात तेव्हा हळू हळू ती सर्व पदार्थ चावायला सुरुवात करतात. त्यामुळे असा आहार किंवा पदार्थ त्यांना द्या जे ते सहजपणे हातात पकडू शकतील. नरम आणि ताजी फळं करोना संक्रमण आणि भविष्यातही बाळासाठी लाभदायक ठरु शकतात. यामधून केवळ पोषक तत्वच नाही तर नॅच्युरल पोषण पण मिळते जी बाळाचे आरोग्य सुदृढ ठेवते. तुम्ही सर्वात आधी केळ, संत्री, स्ट्रॉबेरी, आडू (पीच) किंवा आंब्यासारखी फळं मुलांना देऊ करा. फळांचे बारीक बारीक तुकडे करा जेणे करुन मुलांच्या तोडांत ती लवकर विरघळतील. द्राक्ष कायम दोन किंवा चार तुकड्यांमध्येच बाळाला द्या. तुम्ही बाहेर जातानाही ताजी फळं तुकडे करुन बाळासाठी घेऊन जाऊ शकता. पण ही गोष्ट कायम लक्षात ठेवा की फ्रिजमध्ये ठेवलेली फळे २ ते ४ तास बाहेर ठेऊन सामान्य तापमानात आणून मगच मुलाला खाऊ घालावीत.

(वाचा :- तुमचं मुल कमजोर आहे? मग त्याला हेल्दी बनवण्यासाठी आहारात करा ‘या’ पदार्थांचा समावेश!)

दूध व दही

१२ महिने बाळाला फक्त आणि फक्त स्तनपानच करावे आणि त्यानंतर बाळाला हळू हळू गायीचं दूध देण्यास सुरुवात करावी. दूध आणि दही प्रोटीन आणि हाडं मजबूत करणा-या कॅल्शियमचे सर्वोत्तम स्त्रोत आहेत. जे की बाळाच्या दातांसाठीही उपयुक्त असतात. दुधाचा एक ग्लास (२४४ मिली) ३९% कॅल्शियम प्रदान करतं. जे एक वर्षाच्या मुलाला आवश्यक असणा-या पोषक तत्वांसाठी योग्य आहे. तुम्ही १ वर्षानंतर मुलाला मध देखील देऊ शकता पण त्याआधी देणं टाळावं. कारण यामुळे त्यांना बॉट्युलिझमचा धोका होऊ शकतो जे एक संक्रमण आहे. दूध आणि डेअरी उत्पादनासहित हळू हळू मुलांना इतर पोषक आहार देणं सुरु करा. नवीन आहार देण्याआधी पहिल्या आहारास मुलाचं शरीर कशी प्रतिक्रिया देतंय हे जरुर पहा. दूधाचे पदार्थ देण्याआधी एकदा बालरोगतज्ज्ञांचा सल्ला जरुर घ्या.

(वाचा :- मुलांच्या वाईट सवयी सोडवण्यासाठी कामी येणा-या काही भारी ट्रिक्स!)

दलिया (ओट्स)

जोपर्यंत मुलं ४ वर्षांची होत नाहीत तोपर्यंत त्यांना पदार्थ चावण्यास त्रास होतो. त्यामुळे तोपर्यंत नरम पदार्थ किंवा मॅश केलेले पदार्थच बाळाला खाऊ घाला. दलिया म्हणजेच ओट्सची खिचडी हा एक उत्कृष्ट पर्याय आहे कारण दलिया बाळ सहज गिळू शकतं. यामध्ये प्रोटीन, कार्ब्स, व्हिटॅमिन आणि खनिजांसारखी पोषक तत्वे असतात. जर तुम्हालाही बाळाला दलिया द्यायचा असेल तर सर्वात आधी दलिया फ्रिजमध्ये भिजत ठेवा. त्यानंतर दूध मिक्स करुन ते बाळाला खाऊ घाला.

(वाचा :- वडिलांशिवाय का अपूर्ण असतं मुलीचं संगोपन?)

धान्याचे पॅनकेक्स व टोफू

पॅनकेक्स लहान मुलांना खूप आवडतात. पूर्ण धान्य व्हिटॅमिन, खनिज, फायबरचा एक समृद्ध स्त्रोत आहे. त्यामुळे धान्याचे पॅनकेक्स हा एक उत्तम पर्याय आहे जे मुलांना सर्व पोषक तत्व नैसर्गिकरित्या देऊ शकतात. याची चव मुलांच्या विशेष पसंतीस उतरेल आणि यातून त्यांना पोषक तत्वेही मिळतील. तर टोफू लोह, कॅल्शियम आणि प्रोटीनचा सर्वात मोठा स्त्रोत आहे. टोफूची मात्रा 1 वर्षाच्या मुलासाठी केवळ ५६ ग्रॅमच योग्य मानली जाते. कारण त्यात जवळजवळ १ मिलीग्रॅम लोह असतं. जर बाळाला सोयाची अॅलर्जी असेल तर त्याला टोफू देणं टाळावं. टोफू देण्याआधी एकदा बालरोगतज्ज्ञांचा सल्ला घ्यावा.

(वाचा :- ‘या’ तेलाने मालिश केल्यास बाळाची हाडे होतील मजबूत!)

अंडी

अंड हे लहान मुलं आणि वयस्कर मंडळी सर्वांसाठीच एक पोषक आहार आहे. अंड्यात प्रोटीन, फॅट आणि इतर पोषक तत्वे असतात जे डोळे आणि मेंदू दोन्हीसाठी लाभदायक असतात. शिजवलेल्या अंड्याचे छोटे छोटे तुकडे बाळाला देऊ करा. इतके लहान लहान तुकडे करा की तुमचं बाळ ते स्वत:च्या हाताने खाऊ शकेल.

(वाचा :- मुलांसाठी बनवा ‘या’ पदार्थापाासून झटपट नाश्ता, आरोग्यास होतील लाभच लाभ!)


Source link

You may also like...

Leave a Reply

Your email address will not be published. Required fields are marked *