१ वर्षाच्या बाळासाठी असे बनवा पौष्टिक ड्राय फ्रुट लाडू, प्रेग्नेंट महिलाही करु शकतात याचं सेवन!

Spread the love

ड्राय फ्रुट्समधील पोषक तत्वे

ड्राय फ्रुट्समध्ये हेल्दी फॅट्स सोबतच अॅंटीऑक्सिडंट आणि फायबर मोठ्या प्रमाणात असतात. बाळाच्या विकासासाठी डायट्री फॅट्स खूपच गरजेचे असतात. जर तुम्ही मुलांना जन्माला आल्यापासूनच सुका मेवा खाऊ घालण्यास सुरुवात करत असाल तर त्याला अॅलर्जी होण्याचा धोका मोठ्या प्रमाणात कमी होतो. ही सर्व पोषक तत्व बाळाला पुरेपूर प्रमाणात देण्यासाठी ड्राय फ्रुट देणं अनिवार्य आहे. लहानपणी दिलेला पोषक आहार बाळाचं भविष्य सुरक्षित करतं. काजूमध्ये फॉस्फरस असतं जे हाडे आणि दातांच्या विकासासाठी मदत करतात. काजूतील तत्व फुफ्फुसाद्वारे ऑक्सिजनचा इतर अवयवांना पुरवठा करण्यास मदत करतात. काजूमध्ये उच्च प्रमाणात झिंक असतं जे रोगप्रतिकारक शक्ती वाढवण्यास लाभदायक असतं. तसंच पिस्त्यामध्ये पोटॅशियमची मात्रा असते. यामध्ये असलेले डायट्री फायबर बाळाचा अतिसार होण्यापासून बचाव करतं. मज्जासंस्था कार्ये आणि मज्जातंतू प्रेरणा ट्रान्समिशनमध्ये जीवनसत्त्वे बी 3 आणि बी 6 असतात. पिस्त्यामध्ये हे दोन्ही पोषक तत्व मोठ्या प्रमाणात आढळून येतात.

(वाचा :- बाजारातील महागड्या सेरेलॅकपेक्षा जाणून घ्या घरच्या घरी स्वस्त व मस्त सेरेलॅक बनवण्याची रिसिपी!)

ड्राय फ्रुट्सचे लाडूचे साहित्य

ड्राय फ्रुट्सचे लाडू बनवण्यासाठी काही महत्त्वपूर्ण साहित्य लागते. हे साहित्य तुम्ही सहज बाजारातून मिळवू शकता. तर सर्वात प्रथम आपण ड्राय फ्रुट्सचे लाडू बनवण्यासाठी काय काय साहित्य गरजेचे आहे ते जाणून घेऊ. एक चमचा खसखस, एक चमचा तीळ, थोडेसे बदाम, थोडासा पिस्ता, थोडेसे काजू, काही कापले खजूर, पंधरा ते वीस किसमिस आणि दोन चमचे तूप एवढे साहित्य सर्वात प्रथम समोर मांडा. तुम्ही तुमच्या चवी प्रमाणे वा आवडीनुसार या लाडूंमध्ये अन्य फ्लेवर्स मिक्स करू शकता आणि वेगळ्या पद्धतींचे लाडू बनवू शकता. फक्त एकच खबरदारी घ्यावी कि त्या लाडूंची पौष्टिकता कमी झाली नाही पाहिजे आणि असा पदार्थ वापरू नये ज्यामुळे लाडू लवकर खराब होतील.

(वाचा :- बाळाला कधी, कोणत्या स्वरुपात व कोणत्या वयात हळदीचे पदार्थ खाऊ घालावेत?)

ड्राय फ्रुट्सचे लाडू बनवण्याची पाककृती

त्यानंतर एक भांडे घ्या. त्यात खसखस आणि तीळ चांगले भाजून घ्या. ते चांगले भाजून झाले की बाहेर काढून मग त्यात बदाम, काजू आणि पिस्ता भाजून घ्या. जोवर या तिघांचा रंग बदलत नाही तोवर ते खरपूस भाजा. गॅस बंद करून त्यांना थंड होऊ द्या. आता सुका मेवा मिक्सर मध्ये थोड्या जाड प्रमाणात वाटून घ्या. आता त्यातच कापलेले खजूर टाका आणि मग त्यात किसमिस टाका. या मिश्रणात मग वाटलेली सुक्या मेव्याची पावडर ओता. आता यात भाजलेली खसखस आणि तीळ टाका. जोवर खजुरातून तेल बाहेर येणार नाही तोवर हे मिश्रण भाजत राहा. मग त्यात तूप टाकून चांगल्या पद्धतीने मिक्स करा व भाजून घ्या. हे मिश्रण बाहेर काढून हलके गरम तापमान झाले की त्यांचे लाडू वळून घ्या. अशा पद्धतीने तुमचे ड्राय फ्रुट्सचे पौष्टिक लाडू तयार झाले.

(वाचा :- १ वर्षाच्या बाळाला द्या ‘हा’ पोषक आहार, आरोग्यास होतील लाभच लाभ!)

रेडीमेड लाडू चांगले असतात का?

तुम्हाला बाजारात ड्राय फ्रुट्सचे तयार लाडू मिळू शकतात. पण सहसा असे तयार लाडू बाळाला खायला देऊ नयेत कारण बाळाची शारीरिक स्थिती नाजूक असते आणि त्यामुळे बाळावर विपरीत परिणाम होऊ शकतो. बाजारातील लाडू हे खूप दिवस आधी तयार केलेले असतात तसेच ते पाकीटबंद असतात. शिवाय ते कोणत्या परिस्थितीत किती स्वच्छता बाळगून तयार केले गेले आहेत याबद्दल आपल्याला कल्पना नसते. त्यामुळे घरच्या घरी सर्व स्वच्छता आणि सुरक्षितता बाळगूनच बाळासाठी ड्राय फ्रुट्सचे लाडू तयार करणे उत्तम आहे.

(वाचा :- तुमचं मुल कमजोर आहे? मग त्याला हेल्दी बनवण्यासाठी आहारात करा ‘या’ पदार्थांचा समावेश!)

ड्राय फ्रुट्सच्या लाडूचे फायदे

ड्राय फ्रुट्सचे हे लाडू केवळ लहान बाळांसाठी पौष्टिक नसून गरोदर स्त्रिया किंवा स्तनपान करणाऱ्या स्त्रिया सुद्धा या लाडूंचे सेवन करू शकतात आणि त्यांचे लाभ मिळवू शकतात. एका पौष्टिक नाश्त्याप्रमाणे रोज या लाडूंचे सेवन करणे अधिक लाभदायक ठरते. या लाडूंमध्ये लोह मुबलक प्रमाणात असते. तसेच यात ग्लुटेनची मात्रा कमी असते. यात मोठ्या प्रमाणात प्रोटीन सुद्धा असते. ड्राय फ्रुट्स लाडूंमधून शरीराला गरजेचे फॅट्स आणि विटामीन्स मिळतात. म्हणूनच हे लाडू खाण्याचा सल्ला दिला जातो.

(वाचा :-मुलांच्या वाईट सवयी सोडवण्यासाठी कामी येणा-या काही भारी ट्रिक्स!)


Source link

You may also like...

Leave a Reply

Your email address will not be published. Required fields are marked *