६६ वर्षीय रेखाच्या मनमोहक सौंदर्य व फिटनेसचे ‘हे’ आहे रहस्य!

Spread the love

मनमोहक सुंदरता (beauty) व फिटनेसचं (fitness) जीवंत उदाहरण म्हणजे अभिनेत्री रेखा (rekha). एक काळ असा होता जेव्हा रेखाच्या अभिनय, अदा व सौंदर्यांने सर्वांनाच भुरळ घातली होती. त्या काळात तीचे असंख्य चाहते होते. पण आताची गोष्टच काही न्यारी आहे. कारण तरुणपणात तर सर्वच अभिनेत्री आपला काळ गाजवतात पण उतारवयात देखील तितकीच आकर्षक फिगर (slim figure) व मोहिनी घालणारं सौंदर्य अबाधित ठेवणं प्रत्येकालाच नाही जमत.

पण रेखाने हे जमवून दाखवलं आहे. सुंंदर दिसण्यासोबतच फिटनेस व कर्व्सच्या बाबतीत रेखा आजही भल्याभल्यांवर भारी पडते. आज आपण ६६ वर्षांच्या रेखाच्या त्या गोष्टींची रहस्य जाणून घेणार आहोत जी ३० वर्षांच्या मुलींनाही लाजवतील. वय वाढलं की चेह-यावर सुरकुत्या, लठ्ठपणा, विविध आजार, थकवा हे सारं काही आपोआप सोबत चालू लागतं पण रेखा त्याला अपवाद आहे. यामागे नेमकं काय गुपित आहे?

रेखाच्या एनर्जीचं सिक्रेट

जीवनाच्या सहाव्या दशकातही अभिनेत्री रेखा इतकी एनर्जेटीक कशी काय राहू शकते हे कोडं सर्वांनाच पडलं असेल. पण या प्रश्नाचं उत्तर तिच्या दैनंदिन नित्यक्रमात दडलं आहे. रेखा दररोज संध्याकाळी सात ते साडे सातच्या आतमध्येच डिनर करते. यानंतर काही खाणं तिला पसंत नाही. सकाळच्या शुभ सुरुवातीसाठी व फ्रेश मुडसाठी ती लवकर झोपी जाते. याच कारणामुळे लेट नाईट एव्हेंटमध्ये रेखा दिसून येत नाही. वेळेवर झोपी जाऊन सुर्योदयाच्या आधी उठणं तिच्या निरोगी त्वचा व आरोग्यदायी शरीराचं सिक्रेट आहे.

(वाचा :- पपई डाएट प्लॅनमुळे लठ्ठपणा होतो कमी! कशी करावी ‘या’ डाएट प्लॅनची अंमलबजावणी?)

रेखाच्या सुंदर केसांचे रहस्य

आपल्या लांबसडक, काळ्या, घनदाट, कुरळ्या पण आकर्षक केसांच्या सुंदरतेसाठी रेखा भिजवलेल्या चणा डाळीच्या पेस्टचा वापर करते. चण्याच्या डाळीची पेस्ट दह्यामध्ये मिक्स करुन रेखा त्याचा हेअर मास्क बनवते व आठवड्यातून कमीत कमी ४ वेळा तरी तो मास्क केसांवर लावते. म्हणजेच हल्लीच्या मुली जिथे पार्लरमध्ये जाऊन महागड्या व केमिकलयुक्त ट्रिटमेंट्स केसांवर करुन घेतात तिथे रेखा नैसर्गिक व घरगुती उपायांना आजही महत्त्व देताना दिसते.

(वाचा :- नाश्त्यात केलं ‘या’ ७ पदार्थांपैकी एका जरी पदार्थाचं सेवन तर लठ्ठपणा होईल आपोआप कमी!)

रेखाचं डाएट

रेखाच्या फिटनेस व आरोग्यदायी जीवनाचं रहस्य हे तिच्या डाएटमध्ये लपलं आहे. रेखा दररोज न चुकता आहारात दह्याचा समावेश करते. तसंच घरात बनणारं सात्विक व पौष्किक जेवणच तिच्या ताटात दिसून येतं. फास्ट व जंक फुड, तळलेले किंवा मसालेयुक्त पदार्थ खाणं ती कटाक्षाने टाळते. साधारण भारतीय पद्धतीने बनवलेल्या हिरव्या पालेभाज्या व हंगामी फळाचं सेवन रेखा नियमित न चुकता करते. असं केल्याने चेह-यातील मृत पेशी पुन्हा जिवंत होतात व त्वचा मुलायम आणि आकर्षक दिसते.

(वाचा :- चटपटीत व चविष्ट असण्यासोबतच आरोग्यास अगणित लाभ देते ‘ही’ पालेभाजी! नक्की खाऊन बघा)

पारंपारिक उपाय व भरपूर पाणी

आपले सौंदर्य अबाधित ठेवण्यासाठी रेखा मुगडाळ, बेसनाचे पीठ, दही, गुलाबपाणी इत्यादी नैसर्गिक व स्वयंपाकघरात सहज आढळणा-या सामग्रीपासून बनवलेल्या फेसपॅकचाच वापर करते. यासोबतच आपला चेहरा व त्वचा आकर्षक व हायड्रेडेट बनवण्यासाठी ती दररोज भरपूर प्रमाणात पाणी पिते. तिच्या लिक्विड डाएटमध्ये साधं पाणी, हंगामी फळांचा ताजा ज्यूस, नारळ पाणी, भाज्यांचे सूप याचा समावेश असतो. हे डाएट आपल्या त्वचेमध्ये ओलावा कायम राखते.

(वाचा :- Jaggery Benefits In Winter : थंडीच्या दिवसांत गुळ खाल्ल्याने ‘हे’ आजार होतात दूर!)

स्लिम फिगरचे गुपित

रेखाच्या शरीरावर कुठेच एका इंचाचं देखील एक्स्ट्रा फॅट दिसत नाही. आलकालच्या मुलींनाही असं स्लिम राहण्यात अनेक अडचणी येतात तिथे ६६ वर्षांच्या रेखाने हे कसं शक्य केलं असेल? हा प्रश्न तिच्या प्रत्येक चाहत्याच्या मनी येतो. तर याचं उत्तर आहे, योग, व्यायाम, कार्डियो एक्सरसाईज, ध्यानधारणा! शरीराचा फिटनेस कायम ठेवण्यासाठी रेखा न चुकता दररोज वरील गोष्टी करते. योग व व्यायाम करणं ही आताच्या काळात फार गरज आहे. कारण यामुळे शरीरच नाही तर मन देखील तरुण राहतं.

(वाचा :- थंडीच्या महिन्यात वाटाणे खाताय? मग जाणून घ्या ‘ही’ माहिती!)

मन प्रसन्न ठेवण्याचा करते प्रयत्न

तुम्ही ही गोष्ट ऐकलीच असेल की, कोणाही व्यक्तीच्या चेह-यावर त्याच्या मनातील भावभावनांचे प्रतिबिंब हमकास दिसून येते. त्यामुळे सुंदर दिसण्यासाठी लागणा-या अनेक गोष्टींमध्ये सर्वात महत्त्वाची गोष्ट म्हणजे मनातील नकारात्मक विचार काढून टाकून मन प्रसन्न व शांत ठेवावे. आपलं मन निर्मळ व शांत ठेवण्यासाठी रेखा मेडिटेशनचा म्हणजेच ध्यानधारणेचा वापर करते. निसर्गाचा सहवास रेखाला आनंद देतो. म्हणूनच घरासभोवती असलेल्या गार्डनमध्ये रेखा झाडाझुडपांची काळजी घेताना दिसून येते.

(वाचा :- Air Pollution Safety Tips: डॉक्टरांच्या टिप्सचं पालन केल्यास आरोग्यावर होणार नाही प्रदूषणाचे दुष्परिणाम!)


Source link

You may also like...

Leave a Reply

Your email address will not be published. Required fields are marked *