Air Pollution Safety Tips: डॉक्टरांच्या टिप्सचं पालन केल्यास आरोग्यावर होणार नाही प्रदूषणाचे दुष्परिणाम!

Spread the love

ऑक्टोबर ते डिसेंबर या महिन्यांत प्रदूषणावरुन बरीच चर्चा किंवा चिंतेचा सुर ऐकू येतो. लोकांच्या मते या महिन्यांत सर्वाधिक सण असतात ज्यामुळे वायू (air pollution), ध्वनी (noise pollution) अशा सर्व स्तरांतील प्रदूषण होतं. दिवाळी (diwali) हा दिव्यांचा, प्रकाशाचा, सकारात्मकतेचा व जल्लोषाचा सण आहे. त्यामुळे सहाजिकच दिवाळीत लहानांपासून थोरांपर्यंत सारेचजण आपापल्या पद्धतीने प्रकाशाची उधळण करत आनंद साजरा करतं. कोणी दारापुढे दिव्यांची आरास करतं, कोणी फटाके-फुलबाजे लावून मजा लुटतं तर कोणी कंदिल व विविध लाईटिंग लावून प्रकाशाची उधळण करतं.

त्यामुळे कधी कधी फटाक्यांच्या धूरामुळे आपल्याला त्रास होऊ शकतो तर कधी इतंकच कारण त्याला सिमीत न राहता कारखान्यांवरील धुरांड्यातील धूर,ऋतूमानातील बदल व कारखान्यातील वायू व केमिकल्समुळे देखील होतं. तर विविध कारणांनी वाढणा-या प्रदूषणापासून आरोग्य सुरक्षित ठेवायचं असेल तर डॉक्टरांनी दिलेल्या खालील टिप्स नक्की फॉलो करा.

शतपावली व इनडोअर अ‍ॅक्टिविटीज

डॉक्टर उपाली म्हणतात, करोनाने आपलं बरंच नुकसान केलं असलं तरी याच काळात आपण नव्याने व आरोग्यदायी आयुष्य जगण्याची नवी पद्धत शिकलो. बरेच जण वर्क फ्रॉर्म होम करतायत तर लहान मुलांचे ऑनलाईन क्लास सुरु आहेत. करोना काळात लोक २४ तास घरात असल्यामुळे इनडोअर अॅक्टिविटीजमध्ये वाढ झाली आहे. त्यामुळे त्याचाच फायदा तुम्ही प्रदूषणापासून दूर राहण्यासाठीही करु शकता. घरच्या बालकनीत शतपावली करा किंवा सोसायटीच्या आवारातच जॉगिंग करा. लॉंग वॉकला जाण्याऐवजी घराच्या आजुबाजूलाच शॉर्ट वॉक करा.

(वाचा :- Ayurvedic Tips For Fitness : खुद्द एक्सपर्ट्सकडून जाणून घ्या गंभीरातील गंभीर आजारांना दूर ठेवण्याचे आयुर्वेदिक नियम!)

हेल्थ पॅकेज योग

डॉक्टर उपाली नंदा म्हणतात, योग एक कंप्लीट हेल्थ पॅकेज आहे. कारण यामध्ये प्राणायाम व ध्यानधारणा अशा क्रियांचाही समावेश आहे. योगासनांमुळे आपले शरीर सुदृढ राहते तर ध्यानधारणा व प्राणायाम आपले आंतरिक आरोग्य व श्वसनतंत्र मजबूत करते. तर मेडिटेशन मानसिक आरोग्य फिट ठेवण्यास मदत करतं. त्यामुळे जीममध्ये जाण्यापेक्षा, पार्क मध्ये रनिंग व एक्सरसाईज करण्यापेक्षा तुम्ही घरच्या घरीच योग करा. एक्सरसाईज, जॉगिंग व नृत्याच्या मदतीनेही तुम्ही फिट राहू शकता.

(वाचा :- पपई डाएट प्लॅनमुळे लठ्ठपणा होतो कमी! कशी करावी ‘या’ डाएट प्लॅनची अंमलबजावणी?)

आहारात घ्या ही काळजी

प्रदूषणापासून आरोग्याचा बचाव करण्यासाठी आपल्या डाएटमध्ये व्हिटॅमिन सी चा समावेश करा. यासाठी व्हिटॅमिन्सच्या गोळ्या घेण्याची गरज नाही. याऐवजी तुम्ही हिवाळ्यातील फळे जसे की, संत्री, पेरु अशा फळांचे सेवन करा. दिवसातून एकदा संत्र्याचा ज्यूस घेतल्याने प्रदूषणापासून बचाव होईल. ज्या भाज्या डार्क रंगाच्या असतात त्यात अॅंटीऑक्सिडंट तत्व अधिक प्रमाणात असतात. जसं की, रंगीबेरंगी शिमला मिरची! लाल, पिवळ्या, हिरव्या शिमला मिरच्यांची भाजी, सॅलेड व सूप करुन तुम्ही खाऊ शकता. शिवाय आहारात लिंबूचाही वापर करावा.

(वाचा :- लसणात असतात हे खास गुणधर्म, रिकाम्या पोटी सेवन केल्यास होतो ‘या’ गंभीर आजारांपासून बचाव!)

डोकं जड झाल्यास किंवा डोळ्यांमध्ये जळजळ जाणवल्यास

प्रदूषणामुळे जर डोळे जळजळणे व डोके जड होण्याची समस्या जाणवू लागल्यास सतत डोळ्यांवर थंड पाणी मारुन धुत राहा. डोळ्यांची जळजळ थांबवण्यासाठी रोज वॉटर आय ड्रॉप्स, लूब्रिकेंट आय ड्रॉप्सचा वापर करावा. वरील उपाय करुनही आराम पडत नसेल तर डोळ्यांच्या डॉक्टरांकडे जा. तसंच जड डोक्यासाठी तुम्ही ग्रीन टी चे सेवन करु शकता. गरम पाणी पिऊ शकता किंवा विक्स टाकलेल्या पाण्याची वाफ घेऊ शकता. स्टिम घेतल्याने डोक्याचा जडपणा दूर होतो व पूर्ण श्वसनतंत्राची सफाई होते. यामुळे शरीरातील ऑक्सिजनचा प्रवाह वाढतो व डोक्याचा जडपणा दूर होतो.

(वाचा :- वेट लॉससोबतच प्रदूषित हवेपासून फुफ्फुसांचं संरक्षण करतो ‘हा’ खास चहा, घरच्या घरी कसा बनवावा?)

ग्रीन टी/ग्रीन व्हेजिटेबल व खशातील खवखव

प्रदूषणावर मात करण्यासाठी ग्रीन टी खूपच लाभदायक असते. यासोबत हिरवी कडधान्ये व हिरव्या पालेभाज्या जसं की, मेथी, पालक, कांद्याची पात, ब्रोकोली या भाज्या शरीरावर प्रदूषणाचा परिणाम होऊ देत नाहीत. कारण या भाज्या इम्युनिटी बुस्टर सारखं कार्य करतात. हवेतील प्रदूषणामुळे घशात होणारी खवखव थांबवण्यासाठी गरम पाणी रामबाण उपाय ठरु शकतं. यासोबतच गरम पाण्याची स्टिम घेणंही यापासून सुटका करु शकतं. जेवल्यानंतर गरम पाणी प्यावे. ग्रीन टी किंवा आल्याचा कडक चहा करुन प्यावा. या उपायांनीही आराम पडत नसेल तर ईएनटी स्पेशालिस्ट म्हणजेच कान, नाक, घशाच्या डॉक्टरांची जरुर भेट घ्या.

(वाचा :- भोपळा आवडत नाही? मग भोपळ्याचे ‘हे’ सौंदर्यवर्धक व आरोग्यदायी लाभ जाणून घ्याच!)


Source link

You may also like...

Leave a Reply

Your email address will not be published. Required fields are marked *