Aishwarya Rai केवळ आराध्याच नव्हे तर या ५ गोष्टींपासूनही दूर राहू शकत नाही ऐश्वर्या राय-बच्चन

Spread the love

जगभरातील सर्वात सुंदर अभिनेत्रींपैकी एक असलेली ऐश्वर्या राय- बच्चन (Aishwarya Rai Bachchan) प्रत्येक वेळेस आपल्या फॅशन स्टाइलने चाहत्यांची मने जिंकते. ऐश्वर्याचे सुंदर निळे डोळे असो किंवा मोहक हास्य… तिनं पारंपरिक पोषाख परिधान केलेला असो किंवा वेस्टर्न… ऐश्वर्याचा स्टायलिश अंदाज नेहमीच पाहण्यासारखा असतो. कित्येक महिला वर्ग आजही तिला फॉलो करतात.

कोणत्या- न्- कोणत्या कार्यक्रमामध्ये आकर्षक आउटफिटमध्ये ती दिसतेच. हटके आणि स्टायलिश कसे दिसायचे, हे अ‍ॅशला चांगलंच माहिती आहे. एवढं सारं काही असतानाही ऐश्वर्याच्या वॉर्डरोबमध्ये तुम्हाला या पाच गोष्टी नेहमीच पाहायला मिळतील. या पाच गोष्टी ती स्वतःपासून कधी दूर ठेवू शकत नाही.
(आराध्याने आई ऐश्वर्या रायला अशी केली होती मदत, फोटो पाहून चाहते म्हणाले…)

​व्हाइट एमब्लिश्ड ड्रेस

ऐश्वर्या राय – बच्चनला व्हाइट एमब्लिश्ड ड्रेस परिधान करण्याची किती आवड आहे, हे तिला फॉलो करणाऱ्या लोकांना चांगलेच माहिती असेल. बॉलिवूड अभिनेत्री सोनम कपूरच्या रिसेप्शन पार्टीमध्ये तसंच दीपिका पादुकोण आणि रणवीर सिंह यांच्या लग्नसोहळ्यामध्येही ऐश्वर्यानं अशाच प्रकारचे आउटफिट परिधान केले होते. वजनदार नक्षीकाम असलेल्या पांढऱ्या रंगाच्या लेहंग्यापासून ते अनारकली ड्रेसमध्ये बहुतांश वेळा ऐश्वर्या रायचे फोटो पाहायला मिळतात. एवढंच नव्हे तर सणसमारंभ तसंच एखाद्या कौटुंबिक सोहळ्यांमध्येही ऐश्वर्या पांढऱ्या रंगाचेच आउटफिट परिधान करणं पसंत करते.

(एकेकाळी ऐश्वर्याला घाबरत असे सुष्मिता सेन, ‘या’ उत्तरामुळे Miss Universe स्पर्धेत मिळाला प्रवेश)

​लाल रंगाची साडी

साडी बाबत सांगायचे झाले तर ऐश्वर्याला गडद रंगाच्या साड्या नेसणं जास्त पसंत आहे. लाल रंगाच्या टिकलीपासून ते कुंकूपर्यंत ऐश्वर्या रायची पारंपरिक स्टाइल सर्वात हटके असते. ऐश्वर्या रायचे काही वर्षांपूर्वीचे फोटो पाहिल्यास, तिचं लाल रंगांच्या साड्यांवर विशेष प्रेम असल्याचे तुमच्याही लक्षात येईल. पारंपरिक आउटफिट परिधान करण्यासाठी ऐश्वर्या सब्यसाची मुखर्जी किंवा मनीष मल्होत्रा या डिझाइनर्सच्या कलेक्शनला पसंती दर्शवते.

(आराध्या आणि ऐश्वर्या राय-बच्चनची सेम-टू-सेम स्टाइल, पाहा फोटो)

​बॉसी लुक

ऐश्वर्या राय बच्चनच्या वॉर्डरोबमध्ये बॉसी स्टाइल स्टेटमेंटसाठी विशेष जागा आहे. अधिकतर ती स्किनी जीन्स, टँक टॉपसह स्टायलिश ब्लेझर परिधान करणं पसंत करते. एवढंच नव्हे तर गुच्ची, रॉबर्टो कॅवली आणि अरमानी अ‍ॅशच्या गो-टू लेबलमधील एक आहेत.

(ऐश्वर्या रायचं ‘या’ अभिनेत्यासोबत बोल्ड फोटोशूट, बच्चन कुटुंबीयांनी व्यक्त केली होती नाराजी)

​बॉल गाउन

ऐश्वर्या राय बच्चनने आतापर्यंत कित्येक प्रकारचे आउटफिट परिधान करून लोकांची वाहवाई मिळवली आहे. पण इतक्या वर्षांमध्ये तिचे बॉल गाउनवरील प्रेम अजिबात कमी झालेले नाही. हो हे खरंय. मोठ्यातील मोठ्या रेड कार्पेट इव्हेंटमध्ये स्टायलिश बॉल गाउन परिधान करणारी अभिनेत्री म्हणून ऐश्वर्या राय प्रसिद्ध आहे. काही अभिनेत्रींना बॉल गाउन कॅरी करणं त्रासदायक वाटते. पण अ‍ॅश अतिशय सहजरित्या अशा प्रकारचे ड्रेस आणि स्टाइल कॅरी करते.

(जेव्हा ऐश्वर्या रायनं नेसली होती अशी साडी, तिला पाहण्यासाठी झाली होती गर्दी)

​स्टेटमेंट ज्वेलरी

तसं पाहायला गेलं तर बच्चन घराण्यातील या सूनेकडे एकापेक्षा एक सुंदर दागिने आहेत. पण आपला लुक अधिक स्टायलिश दिसावा, यासाठी ऐश्वर्या अधिक करून वजनदार ज्वेलरी परिधान करणं टाळते. लेटेस्ट ट्रेंड फॉलो करणं तिला आवडत नाही, असे नाहीय. पण तिला हलक्या स्वरुपातील दागिने परिधान करणं जास्त पसंत आहे. स्टेटमेंट इअररिंग पासून ते Plastron नेकलेस पर्यंत ऐश्वर्या राय बच्चनकडे स्टेटमेंट ज्वेलरीचे शानदार कलेक्शन आहे.

(लग्नामध्ये ऐश्वर्या रायला सासूकडे मिळाली होती मौल्यवान दागिन्यांची भेट)


Source link

You may also like...

Leave a Reply

Your email address will not be published. Required fields are marked *