Aishwarya Rai Bachchan मिस वर्ल्ड ऐश्वर्या रायचं ब्युटी सीक्रेट माहीत आहे का?

Spread the love

बॉलिवूडमध्ये ‘ब्युटी विथ ब्रेन’चे जिवंत उदाहरण म्हणजे ऐश्वर्या राय – बच्चन. ‘मिस वर्ल्ड ‘चा किताब जिंकल्यानंतर तिनं बॉलिवूडमध्ये एंट्री केली आणि यानंतर हॉलिवूडमध्येही आपल्या शानदार अभिनयाची छाप पाडली. ऐश्वर्याने (Aishwarya Rai) कित्येक राष्ट्रीय आणि आंतरराष्ट्रीय जाहिरातींसाठीही काम केले आहे. तिच्या सौंदर्याचे आजही लाखो चाहते आहेत. दरम्यान अ‍ॅश ४६ वर्षांची आहे, पण तिच्या सौंदर्यामुळे वयाचा अंदाज बांधणं कठीण आहे. या वयातही तिची त्वचा सुंदर, डागविरहित आणि तरुण आहे.

यामागील नेमके काय रहस्य असावे, असा विचार तुम्ही देखील करत आहात का? तर ऐश्वर्या राय त्वचेसाठी केमिकलयुक्त प्रोडक्टऐवजी घरगुती उपचार करण्यावर विश्वास ठेवते. हे आम्ही नाही तर खुद्द ऐश्वर्यानंच सांगितलं होतं. जाणून घेऊया ऐश्वर्या रायच्या सौंदर्याचं सीक्रेट
(Natural Skin Care हळद, मध आणि कोरफडपासून घरगुती फेस पॅक कसे तयार करायचे?)

​बेसनचे उटणे

ऐश्वर्या राय- बच्चनने एका मुलाखतीमध्ये सांगितले होते की, ती बेसन, दूध आणि हळदीपासून तयार केलेल्या घरगुती फेस पॅकचा उपयोग करते. बेसनमधील घटक चेहऱ्यावरील मुरुम तसंच अतिरिक्त तेलाची समस्या कमी करण्यास मदत करतात. सोबतच यामुळे मृत त्वचा देखील काढली जाते. बेसन आपल्या त्वचेवर डी- टॅन स्वरुपातही कार्य करते. तर दूध त्वचेसाठी क्लींझर प्रमाणे काम करते. दुधामध्ये लॅक्टिक अ‍ॅसिड असते. ज्यामुळे त्वचेतील कोलेजन वाढते. कोरड्या त्वचेची समस्या असल्यास दुधाचा उपयोग करू शकता, कारण हे एक उत्तम नैसर्गिक मॉइश्चराइझर आहे.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

​दही मास्क

ऐश्वर्या आपल्या चेहऱ्यावरील चमक टिकवून ठेवण्यासाठी दही मास्कचाही उपयोग करते. दह्यामध्ये प्रोटीन आणि व्हिटॅमिनचे प्रमाण जास्त असते. यामुळे आपल्या चेहऱ्याचा पोत चांगला राहण्यास मदत मिळते. यातील घटक आपली त्वचा एक्सफोलिएट करण्याचे कार्य करतात. डार्क सर्कलपासून तुम्हालाही सुटका हवी असल्यास दही उत्तम उपाय आहे. सनटॅन आणि डार्क स्पॉट दूर करण्यासाठी दह्यातील घटक त्वचेसाठी पोषक आहेत.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक?)

​जास्तीत- जास्त पाणी पिणे

दिवसभरात सुमारे आठ ग्लास पाणी पिणे या गोष्टीचाही ऐश्वर्या रायच्या ब्युटी सीक्रेटमध्ये समावेश आहे. अशा पद्धतीने ती स्वतःचे शरीर हायड्रेट ठेवते. योग्य प्रमाणात पाणी प्यायल्याने शरीरातील विषारी पदार्थ बाहेर फेकले जाण्यास मदत मिळते.

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

​​जंक फूड वर्ज्य

कोणत्याही प्रकारचे तळलेले पदार्थ तसंच जंक फूड खाणे ऐश्वर्या राय कटाक्षाने टाळते. अशा प्रकारच्या खाद्यपदार्थांमुळे वजन वाढते, शरीरात विषारी पदार्थ जमा होतात आणि आपल्या पचन प्रक्रियेवरही वाईट परिणाम होण्याची शक्यता असते. तसंच वेळेनुसार अन्य शारीरिक समस्याही उद्भवू शकतात.

(Hair Care Tips आंघोळ केल्यानंतर व करण्यापूर्वी केसांची काळजी घेताना या चुका करणे टाळा)

​मद्यपान आणि धूम्रपान करणं टाळा

सेलिब्रिटी मंडळींना कित्येकदा मद्यपान किंवा धूम्रपानाचा आनंद घेताना तुम्ही पाहिले असावे. दरम्यान आपली ब्युटी क्वीन ऐश्वर्या राय- बच्चन दोन्ही गोष्टींपासून स्वतःला दूर ठेवते. कदाचित आता आपल्याला तिच्या सौंदर्याचे रहस्य माहीत झाले असावे.

(Natural Hair Care दही आणि केळ्यापासून घरामध्ये कशी तयार करायची हेअर स्पा क्रीम? जाणून घ्या माहिती)

​घरगुती पदार्थ

ऐश्वर्या रायच्या सौंदर्याचे सर्वात साधे आणि सोपे रहस्य म्हणजे ती सेटवरही घरगुती जेवणच खाणे पसंत करते. पाकिटबंद आणि प्रक्रिया केलेले खाद्यपदार्थांचे सेवन करणं ती टाळते.

(Aloe Vera Benefits कोरफड जेल रात्रभर चेहऱ्यावर लावून ठेवल्यास काय होते? वाचा माहिती)

​फळ आणि भाज्यांचा पौष्टिक आहार

पौष्टिक आहाराचे सेवन करणं हे ऐश्वर्याच्या चमकदार त्वचेचं रहस्य आहे. आपल्या आहारामध्ये ती भरपूर प्रमाणात फळ आणि भाज्यांचा समावेश करते. तिच्या तजेलदार त्वचेचं रहस्य म्हणजे व्हिटॅमिन, खनिज, लोह आणि अँटी ऑक्सिडंटयुक्त आहार. तुम्ही देखील आपल्या आहारामध्ये नियमित किमान एका फळाचे सेवन करून पाहा आणि मग स्वतःमधील बदल देखील अनुभवा.

(Steaming Benefits चेहऱ्यावर गरम पाण्याची वाफ घेणे योग्य आहे का? जाणून घ्या योग्य पद्धत)

​दिवसाची सुरुवात चांगली करा

ऐश्वर्या राय आपल्या दिवसाची सुरुवात एक ग्लास कोमट पाण्यामध्ये लिंबू रस आणि मध एकत्र करून पिते. हे मिश्रणामुळे आपलं शरीर दीर्घकाळापर्यंत हायड्रेट राहण्यास मदत मिळते. शिवाय चयापचयाची क्षमता देखील सुधारते.

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

​अरोमाथेरेपी

ऐश्वर्या रायच्या ब्युटी सीक्रेट्समध्ये अरोमाथेरेपीचाही समावेश आहे. चंदन, कॅमोमाइल, लव्हेंडर, नीलगिरी, लेमन ग्रास आणि मेंदी यासारख्या तेलांचा उपयोग करणं तिला आवडते.

सकारात्मकता वाढवा : ऐश्वर्याचं असं म्हणणं आहे की, ‘जेव्हा तुम्ही आतून खूश असता, तेव्हा ते बाहेरून देखील दिसते. सकारात्मक राहा आणि नकारात्मकतेपासून स्वतःला दूर ठेवा’.

(Natural Skin Care घरच्या घरी कसे तयार करायचे ऑरेंज पील ऑफ मास्‍क?)

​ऐश्वर्या रायच्या मेकअप टिप्स

ऐश्वर्याला टोंड मेकअप करणं पसंत आहे. मेकअपमुळे तुमच्या सौंदर्यामध्ये भर पडत असली तरीही स्वतःचं सौंदर्य लपवू नये, असे ऐश्वर्याचं म्हणणे आहे. याव्यतिरिक्त ती आपल्या ओठांसाठी पीच, गुलाबी आणि चॉकलेटी रंगाचे लिपस्टिक लावणं पसंत करते. मेकअप वापरताना आपल्या चेहऱ्यावरील एखादं फीचर म्हणजे डोळे, नाक इत्यादी अधोरेखित करताना काळजी घ्यावी, असेही ऐश्वर्या सांगते.

(Aloe Vera घरच्या घरी कसे तयार करायचे अ‍ॅलोव्हेरा जेल?)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *