Amla Health Benefits आरोग्यासाठी कसे आणि का करावे आवळ्याचे सेवन?

Spread the love

​फिट राहण्यासाठी मिळू शकते मदत

आवळ्याचे योग्य प्रमाणात सेवन केल्यास आपले शरीर फिट राहण्यास मदत मिळते. म्हणून बहुतांश आहारतज्ज्ञ आणि डॉक्टरांकडून आवळा खाण्याचे सल्ला दिला जातो. आधी सांगितल्याप्रमाणे आवळ्यामध्ये व्हिटॅमिन सी आणि लोह जास्त प्रमाणात असते. हे दोन्ही घटक आपल्या शरीरासाठी पोषक आहेत. पण डॉक्टरांच्या मार्गदर्शनानुसारच आवळ्याचा आपल्या डाएटमध्ये समावेश करावा.

(Raw Onion Eating Benefits तुम्हाला कच्चा कांदा खायला आवडतो का? मग ही माहिती नक्की वाचा )

​विषारी पदार्थ शरीराबाहेर फेकले जातात

आयुर्वेदिक उपचारांमध्ये आवळ्याचा फार पूर्वीपासून समावेश केला जातो. आवळ्यातील पोषक गुणधर्मांमुळे आपले पोट स्वच्छ राहण्यास मदत मिळते. यामुळे आपल्या पचन संस्थेमध्ये विषारी पदार्थ जमा होत नाही आणि चयापचयाची क्षमता देखील सुधारते. चयापचयाची क्षमता चांगली असल्यास आपल्याला योग्य प्रमाणात भूक देखील लागते. तसंच वारंवार भूक लागण्याची समस्याही नियंत्रणात येण्यास मदत मिळते.

(Right Time For Green Tea ग्रीन टी पिण्याची योग्य वेळ तुम्हाला माहीत आहे का?)

​आवळ्याचा रस

ऑर्गेनिक फूड आणि आयुर्वेदिक औषधांच्या दुकानांमध्ये आवळ्याचा रस उपलब्ध असतो. या रसाचे कसे आणि किती वेळा सेवन करायचे, याबाबत तुम्ही तज्ज्ञांकडून योग्य माहिती घ्यावी. आपल्या आहारामध्ये कोणतेही बदल करण्यापूर्वी डॉक्टरांचा सल्ला घेणे आरोग्याच्या दृष्टीकोनातून महत्त्वाचे असते, हे कायम लक्षात ठेवा. आपल्या आरोग्याच्या गरजांनुसारच डॉक्टर एखाद्या गोष्टीचा डाएटमध्ये समावेश करण्याचा किंवा न करण्याचा सल्ला देतात.

(Health Care Tips पेर फळाचे आरोग्यदायी गुणधर्म माहिती आहेत का?)

​आवळा कँडी

फूड स्टोअर्समध्ये आवळा कँडी (Amla Benefits For Health) शक्यतो सहजासहजी मिळते. आवळा कँडी गोड अथवा मसालेदार स्वरुपात उपलब्ध असते. काही जण तोंडाला चव येण्यासाठी तर काही जण डॉक्टरांच्या सल्ल्यानुसार आवळा कँडीचे सेवन करतात. पण जर एखाद्या व्यक्तीला मधुमेहाचा त्रास असेल तर त्यांनी डॉक्टरांचा सल्ला घेणे आवश्यक आहे.

(Evening Exercise And Yoga संध्याकाळी योगासने किंवा व्यायाम करण्याचे फायदे)

​कच्चा आवळा आणि रस

पण आरोग्यासाठी आवळा कँडीच्या तुलनेत कच्चे आवळे आणि त्याचा ताजा रस कधीही पोषक असतो. डॉक्टर देखील नैसर्गिक स्वरुपात उपलब्ध असणारा आवळा खाण्याचा सल्ला देतात. आवळ्याची पौष्टिक भाजी आणि लोणचे देखील घरच्या घरी तयार करता येते.

(Health Care Tips दर आठवड्याला किती वेळ सायकलिंग करावे?)

NOTE : प्रत्येकाचे आरोग्य, त्यांच्या गरजा आणि आरोग्याच्या तक्रारी वेगवेगळ्या असतात. यामुळे आपल्या आहारात कोणत्या गोष्टींचा समावेश करावा किंवा करू नये, याबाबत आपल्या ओळखीच्या डॉक्टरांकडून योग्य ते मार्गदर्शन घ्यावा. त्यांच्या सल्ल्यानुसारच डाएट फॉलो करावा.


Source link

You may also like...

Leave a Reply

Your email address will not be published. Required fields are marked *