Ayurvedic Remedies तीक्ष्ण बुद्धीसाठी या ४ आयुर्वेदिक वनस्पती आहेत लाभदायक, जाणून घ्या कसे करतात कार्य

Spread the love

विज्ञान- संशोधनामुळे तंत्रज्ञानामध्ये जलदगतीने विकास होत आहे. नेहमी काही तरी नवीन शिकण्यासाठी किंवा आव्हानात्मक क्षेत्रांमध्ये काम करण्यासाठी मेंदू शांत राहणं आणि बुद्धी तीक्ष्ण असणं आवश्यक असतं. दरम्यान मानसिक दबावामुळे न डगमगता ऑफिसमधील कामं परफेक्ट पद्धतीने करणारेच कर्मचारी प्रत्येक कंपनीला हवे असतात. या पार्श्वभूमीवर आपण आपला मेंदू सतत सक्रिय कसा ठेवू शकतो? हे जाणून घेणं देखील गरजेचं आहे.
(शरीर फिट ठेवायचंय? प्या १ ग्लास तुळस व ओव्याचं पाणी, जाणून घ्या लाभ)

निसर्गाकडून आपल्याला मोठ्या प्रमाणात औषधी वनस्पतींचा खजिना लाभला आहे. यातील पोषण तत्त्व आपले शरीर आणि मेंदू निरोगी ठेवण्याचे महत्त्वपूर्ण कार्य करतात. मेंदूला सातत्याने ऊर्जेचा पुरवठा करणारी ही नैसर्गिक औषधे आयुर्वेदामध्ये विशेष प्रकारात मोडतात. यास आयुर्वेदामध्ये ‘नूट्रोपिक समूह’ असे म्हणतात. जाणून घेऊया या औषधी वनस्पती आपला मेंदू सक्रिय ठेवण्यासाठी कशा पद्धतीने मदत करतात.
(आठवड्यातून दोनदा सैंधव मिठाने आंघोळ करण्याचे फायदे, मिळतील हे तीन लाभ)

​ब्राह्मी

  • ब्राह्मी ही एक अ‍ॅडाप्टोजेनिक औषधी वनस्पती आहे. या वनस्पतीतील गुणधर्म मेंदूतील सेरोटोनिन, डोपामाइन आणि गॅमा अमिनोब्युट्रिक अ‍ॅसिड यासारख्या न्युरोट्रान्समीटरमध्ये आवश्यक बदल घडवण्याचे कार्य करतात.
  • ब्राह्मीचे सेवन करणाऱ्या लोकांच्या मेंदूवर ताणतणावाचा फारसा परिणाम होताना दिसत नाही. कारण ब्राह्मीतील घटक मेंदूच्या पेशींची कार्यप्रणाली निरोगी ठेवण्याचे काम करतात. यामुळे स्मरणशक्ती वाढते, शिकण्याची क्षमता वाढते आणि शरीरात उत्साह टिकून राहतो.

(Health Care : या ६ फायदेशीर कारणांमुळे पुरुषांनी आरोग्यासाठी नियमित केलं पाहिजे अश्वगंधाचं सेवन)

​वचा

  • चिंता, भीती आणि नैराश्य यासारखी लक्षणे दूर करण्याचे गुणधर्म ‘वचा’ या औषधी वनस्पतीमध्ये आढळतात. ही वनस्पती मज्जासंस्थेवर (central nervous system) कार्य करते आणि नैराश्याची लक्षणे व कारणे दूर करण्यास मदत करते.
  • ‘वचा’तील पोषक घटक मनुष्याच्या मेंदूतील विभिन्न क्षेत्रांतील मोनोमाइनचा स्तरामध्ये आवश्यक ते बदल करण्याचे कार्य करते. तसंच मानसिक आरोग्य निरोगी ठेवणाऱ्या इलेक्ट्रॉनिक वेव्ह्जचे प्रमाण संतुलित ठेवण्यासही मदत करतात.

(डान्स करा, ताण विसरा! शफल डान्स व हुपिंगचे ‘हे’ आहेत फायदे)

​जटामांसी

जटामांसी ही वनस्पती सेंट्रल मोनोमाइन आणि अमिनो अ‍ॅसिडचा स्तर वाढवतात. यामध्ये सेरोटोनिन, ५-हायड्रॉक्सिंडोल अ‍ॅसिटिक अ‍ॅसिड, (जीएबीए) गॅमा-अमिनो ब्युटेनिक अ‍ॅसिड आणि टॉरिनच्या स्तरामध्येही योग्य ते बदल होतात.

(थंडीमध्ये अश्वगंधाचा चहा पिण्याचे हे आहेत मोठे फायदे, जाणून घ्या सेवनाची योग्य पद्धत)

हे सर्व घटक आपल्या मेंदूचे नैराश्य आणि ताणतणावापासून बचाव करण्याचे कार्य करतात.

(स्मृतीभ्रंश टाळण्यासाठी तरुणपणीच करा हे साधेसोपे उपाय, जाणून घ्या डॉक्टरांनी दिलेली माहिती)

​शंखपुष्पी

ताणतणाव वाढण्यास कारणीभूत ठरणाऱ्या कॉर्टिसोल हार्मोनची पातळी नियंत्रणात ठेवण्याचे कार्य ‘शंखपुष्पी’ करते. यातील पोषण तत्त्वांमुळे तुमच्या मेंदूवर अधिकचा तणाव येत नाही. शंखपुष्पीच्या सेवनामुळे मन शांत राहण्यास मदत मिळते. शंखपुष्पी मज्जासंस्थेलाही शांत ठेवते आणि निद्रानाशेची समस्या दूर करण्यासही ही औषधी वनस्पती प्रभावी उपाय आहे.

(सर्दी व खोकल्यापासून आरोग्याचे संरक्षण करण्यासाठी ‘हे’ घरगुती उपाय ठरतील उपयुक्त)

​हे देखील लक्षात ठेवा

  • पाणी प्या : योग्य प्रमाणात पाणी प्यायल्याने आपल्या शरीराची कार्यप्रणाली सुरळीत सुरू राहते. पाण्यामुळे एकाग्रताही वाढते यामुळे जास्तीत-जास्त पाणी प्यावे.
  • फास्ट फूड किंवा जंक फूड खाणे टाळा: मेंदूच्या आरोग्यासाठी शक्यतो फास्ट फूड खाणे टाळा. सकस, पौष्टिक आहाराचे सेवन करण्यावर भर द्यावा. फळे, दूध, अंडी, कडधान्य, सुकामेवा इत्यादी पौष्टिक पदार्थांचा आहारात समावेश करावा.

(झोपेत सुरू आहे का मेसेजिंग? जाणून घ्या आजारामागील कारणे)

NOTE आरोग्याशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *