Ayurvedic Tips लांबसडक व घनदाट केसांसाठी ‘या’ आयुर्वेदिक औषधी वनस्पती आहेत लाभदायक

Spread the love

बदलते हवामान, पौष्टिक आहाराचा अभाव, वाईट जीवनशैली यासह अन्य कारणांमुळे केस आणि त्वचेवरही वाईट परिणाम होतात. त्वचा आणि केसांशी संबंधित समस्या दूर करण्यासाठी हल्ली बहुतांश जण आयुर्वेदिक व नैसर्गिक औषधोपचारांची मदत घेताना दिसत आहेत. या औषधोपचार पद्धतींमुळे आरोग्यावर कोणतेही दुष्परिणाम होत नाहीत. विशेष म्हणजे आपल्या आरोग्याला यामुळे दीर्घकाळासाठी लाभ मिळतात. लांबसडक, घनदाट आणि काळेशार केस प्रत्येकालाच हवे असतात. पण हेअर केअर रुटीन फॉलो करण्यासाठी वेळ कोणाकडेच नसतो.

यावर उपाय म्हणून बहुतांश जणी ब्युटी पार्लरमध्ये जाऊन महागड्या केमिकलयुक्त ट्रीटमेंट करतात. पण यामुळे केसांचे नुकसान अधिक होतं. हे नुकसान टाळण्यासाठी तसंच केसांना योग्य प्रमाणात पोषण तत्त्वांचा पुरवठा होण्यासाठी तज्ज्ञांच्या सल्ल्यानुसार आयुर्वेदिक उपचार करावेत. आयुर्वेदिक उपचारांमध्ये वेगवेगळ्या औषधी वनस्पतींचा समावेश आहे. ज्यामुळे आपल्या केसांचे आरोग्य निरोगी राहण्यास मदत मिळते. केसांच्या वाढीसाठी उपयुक्त असणाऱ्या काही औषधी वनस्पतींची माहिती जाणून घेऊया.

​जटामांसी

जटामांसी नावाच्या औषधी वनस्पतीमध्ये अँटी-इन्फ्लेमेटरी आणि अँटी मायक्रोबियल गुणधर्म आहेत. यामुळे केसांमधील कोंडा आणि केसगळतीची समस्या दूर होण्यास मदत मिळते. महत्त्वाचे म्हणजे जटामांसीमुळे केसांची वाढ चांगल्या पद्धतीने होते. केस मऊ आणि चमकदार देखील होतात. आयुर्वेदिक दुकानामध्ये जटामांसीचे तेल उपलब्ध असते. नियमित स्वरुपात या तेलानं केस आणि टाळूचा मसाज केल्यास केसांशी संबंधित समस्या दूर होण्यास मदत मिळू शकते.

(Hair Care मऊ आणि चमकदार केस हवे आहेत ? जाणून घ्या कसं फॉलो करायचं ग्लास हेअर ट्रेंड)

​​त्रिफळा

त्रिफळामध्ये अँटी- बॅक्टेरिअल आणि अँटी-फंगल गुणधर्म आहेत. यामुळे केसांमधील कोंडा कमी होऊन केसांची वाढ होण्यास मदत मिळते. नारळाच्या तेलामध्ये त्रिफळा चूर्ण मिक्स करून हे मिश्रण आपल्या टाळूवर लावा. यामुळे टाळूची त्वचा निरोगी राहील. तसंच पचन प्रक्रियेशी संबंधित समस्या दूर करण्यासाठी आपण नियमित सकाळी रिकाम्या पोटी कोमट पाण्यातून त्रिफळा चूर्णाचं सेवन करू शकता.

(Winter Hair Tips थंडीमध्ये केस होतात जास्त कोरडे? अशी सात प्रकारे घ्या योग्य काळजी)

​आवळा

आवळा आपल्या केसांसाठी टॉनिक प्रमाणे कार्य करते. आवळ्याचे तेल आणि नारळाचे तेल समसमान मात्रेत मिक्स करा व गरम करून घ्या. तेल कोमट झाल्यानंतर आपल्या टाळूचा हलक्या हाताने मसाज करा. अर्ध्या तासानंतर केस थंड पाण्याने स्वच्छ धुऊन घ्या. या तेलामुळे टाळूच्या त्वचेवरील रोमछिद्रांमध्ये जमा झालेली दुर्गंध, धूळ, मातीचे कण स्वच्छ होतात. तसंच केसांना खोलवर पोषण तत्त्वांचा पुरवठा होतो. केसांमधील कोंडा कमी होण्यास मदत मिळते आणि केसांची चांगली वाढ देखील होते.

(Healthy Hair Oil: जाड केसांसाठी तयार करा हे घरगुती आयुर्वेदिक तेल, जाणून घ्या पद्धत)

​मेथी

फार पूर्वीपासून केसांच्या देखभालीसाठी मेथीचा वापर केला जात आहे. केसांच्या वाढीसाठी उपयुक्त असलेल्या कित्येक घटकांचा मेथीमध्ये भरपूर प्रमाणात समावेश आहे. केसांशी संबंधित समस्या दूर करण्यासाठी मेथी रामबाण उपाय आहे. यामध्ये कॅल्शिअम, लोह, फॉलिक अ‍ॅसिड, व्हिटॅमिन ए, सी, के, निकोटिनिक अ‍ॅसिड, पोटॅशियम आणि प्रोटीन हे घटक भरपूर प्रमाणात असतात. आपण घरच्या घरी देखील मेथीपासून तेल तयार करू शकता किंवा दुकानातून विकत आणू शकता. आठवड्यातून दोनदा मेथीच्या तेलाने केसांचा हलक्या हाताने मसाज करावा.

(द्राक्षबियांच्या तेलाचे त्वचा आणि केसांसाठी फायदे, जाणून घ्या कसा करायचा वापर)

​केसांच्या वाढीसाठी आयुर्वेदिक औषधी वनस्पती

भृंगराजची पाने

भृंगराजच्या पानांचा योग्य पद्धतीने उपयोग केल्यास केसांची चांगली वाढ होण्यास मदत मिळू शकते. आयुर्वेदिक दुकानांमध्ये भृंगराज तेल उपलब्ध असते. आपण हे तेल देखील वापरू शकता. घरगुती तेल तयार करण्यासाठी नारळाच्या तेलामध्ये भृंगराजची पाने किंवा पावडर मिक्स करा. तेल गरम करून घ्या. तेल गरम झाल्यानंतर गॅस बंद करा व तेल थंड होण्यास ठेवून द्या. हे तेल एका कंटेनरमध्ये भरा. आठवड्यातून एकदा या तेलाने केसांचा मसाज करा. ३० मिनिटांनंतर हर्बल शॅम्पूने केस स्वच्छ धुऊन घ्या.

(Natural Hair Care माधुरी दीक्षितने सांगितलं सुंदर व काळ्या केसांचे सीक्रेट, आठवड्यातून एकदा लावते हे तेल)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *