Ayurvedic Tips For Fitness : खुद्द एक्सपर्ट्सकडून जाणून घ्या गंभीरातील गंभीर आजारांना दूर ठेवण्याचे आयुर्वेदिक नियम!

Spread the love

पूर्णत: नैसर्गिकरित्या आयुष्य जगण्यासाठी आयुर्वेदिक टिप्स (Ayurvedic Tips for fitness) या एका सफल फिटनेस गोलसाठी सुनिश्चित उपाय असू शकतात. पण यासाठी आधी तुम्हाला स्वत:च्या मनाची तयारी करावी लागेल की जास्तीत जास्त नैसर्गिक उपाय वापरुनच फिटनेस कमवायचा आहे. आयुर्वेद (Ayurveda) ही एक प्राचीन जीवन प्रणाली आहे, ही आपल्याला शारीरिक (physical), मानसिक (mental) व अध्यात्मिक (spiritual) रुपाने आपल्याला स्वस्थ व मजबूत बनवण्याचं कार्य करते.

खरं तर करोनाआधी (corona virus) लोकांना आपल्या जीवाची म्हणावी तितकी किंमत नव्हती पण करोनामुळे संपूर्ण जगालाच आपल्या प्रत्येक श्वासाचे महत्त्व चांगल्या रितीने समजले आहे. त्यामुळे सध्या प्रत्येकाचं हेच स्वप्न आहे की, आपल्याला निरोगी व सुदृढ (healthy life) आयुष्य लाभावं. प्रत्येकजण इथे नैसर्गिकरित्या फिटनेस मिळवण्यासाठी प्रयत्नशील आहे. पण बहुतांश लोकांना तो कसा मिळवावा हेच समजत नाही. म्हणून आज आम्ही असे उपाय सांगणार आहोत जे तुम्हाला पूर्वीच्या लोकांसारखं फिट बनवू शकतं.

आयुर्वेद आहे नैसर्गिक उपाय व उर्जावान आयुष्य

आयुर्वेद एक आत्म-चिकित्सा विज्ञान आहे. आयुर्वेदाच्या माध्यमातून तुम्ही दैनंदिन आहार, सुदृढ जीवन शैली, मालिश किंवा औषधी जडी-बुटियांचा वापर करुन निरोगी आयुष्य प्राप्त करु शकतो. या उपायांमुळे फिटनेस तर टॉपवर राहिल आणि आपली सुंदरता प्रत्येकाचं ह्रदय जिंकून घेईल. शिवाय दिवसभराच्या कामानंतर तुम्हाला एकदम कमजोर वाटतं? तुम्हाला सकाळी उठायला व जीम किंवा योग क्लासेसला जाण्यास उत्साह वाटत नाही? जर या समस्या दूर करण्यासाठी तुम्ही कॉफी किंवा चहाचं सेवन करत असाल तर ताबडतोब बंद करा आणि आयुर्वेदिक जडी-बुटिया जसं की अश्वगंधा, ब्राह्मी आणि तुळशीच्या काढ्याचा वापर करा. या सामग्रीचा चहा किंवा काढा बनवून त्याचं सेवन करा. या जडी-बुटियांचा वापर केल्याने मानसिक तणाव कमी होतो आणि शरीरातील लवचिकता म्हणजेच फ्लॅग्जिबिलीटी वाढते. यामुळे शरीरातील उर्जेचा स्तर कायम उच्च राहतो.

(वाचा :- पपई डाएट प्लॅनमुळे लठ्ठपणा होतो कमी! कशी करावी ‘या’ डाएट प्लॅनची अंमलबजावणी?)

स्टॅमिना निर्माण करते

मानसिक तणाव व शारीरिक क्रिया दोन्हीही आपापसात खूपच चांगल्या पद्धतीने जोडलेले असतात. मानसिक तणाव वाढताच त्याचा परिणाम शारीरिक क्रियांवर होतो व शारीरिक त्रास होऊ लागताच मानसिक तणाव वाढू लागतो. यामुळे तुमचा स्टॅमिना म्हणजेच काम करण्याची क्षमता कमी होते. शतावरी सारखी जडी-बुटी आपल्याला या त्रासापासून पूर्णत: आराम मिळवून देऊ शकतात. अश्वगंधा व बाह्मीसारखंच शतावरी देखील शरीरातील ऑक्सिजनची मात्रा वाढवते. यामुळे आपण भरपूर काळासाठी स्वत:ला उर्जावान फिल करतो व थकव्याचा परिणाम आपल्याला शरीरावर व मनावर झालेला पाहायला मिळत नाही. आयुर्वेदिक जडी-बुटींमुळे स्नायूंमधील वेदना, आकुंचन अशा समस्या उद्भवत नाहीत. शिवाय आयुर्वेदिक औषधांचा कोणताही साईड इफेक्ट होत नाही. पण संपूर्ण माहितीशिवाय या औषधांचं सेवन करणं घातक ठरु शकतं. त्यामुळे तुम्ही आयुर्वेदिक चिकित्सक व वैद्यांकडून सल्लामसलत घेतल्यानंतरच याचं सेवन करा.

(वाचा :- लसणात असतात हे खास गुणधर्म, रिकाम्या पोटी सेवन केल्यास होतो ‘या’ गंभीर आजारांपासून बचाव!)

चयापचय (metabolism) क्रिया वाढवतं

-metabolism-

जर तुम्हाला वाटत असेल की, तुमच्या शरीराची चयापचय क्रिया म्हणजेच metabolism rate कमी झाला आहे तर तुम्हाला आहारात काही खास गोष्टींचा समावेश करणं आवश्यक आहे. चयापचय क्रिया त्याला म्हणतात जे आहारातून शरीरात जाणा-या पोषक तत्वांद्वारे शरीराला उर्जा प्रदान करण्याचं कार्य करते. यासाठी आपल्या आहारात धणे, जीरे, लवंग, वेलची व काळीमिरी या गोष्टींचा समावेश करावा. मर्यादीत प्रमाणात या पदार्थांचं सेवन केल्यास रोगप्रतिकारक शक्ती वाढते. यासोबत ड्राय फ्रुट्स जसं की काजू, बदाम, मनुके व अंजीर याचेही नियमित सेवन करावे. हे शरीराला फॅटी अॅसिड्स व व्हिटॅमिन्सची पूर्ती करतात. ज्यामुळे शरीर आतून मजबूत बनतं व निरोगी राहतं. शिवाय जेवणात दालचिनी, जिरे, धणे खाल्ल्यास शरीरातील उर्जा वाढते.

(वाचा :- वेट लॉससोबतच प्रदूषित हवेपासून फुफ्फुसांचं संरक्षण करतो ‘हा’ खास चहा, घरच्या घरी कसा बनवावा?)

नियमित मालिश करा

शरीराची नियमित मालिश करण्यासाठी तुम्हाला कोणत्याही महागड्या कॉस्मेटिक ऑईल्सची गरज नाही. तर तुम्ही यासाठी शुद्ध देसी मोहरीच्या तेलाचा वापर करु शकता. देसी तेल शरीराच्या मालिशसाठी एक उत्तम पर्याय आहे. मोहरीचे तेल अॅंटीबॅक्टेरियल गुणधर्मांनी परिपूर्ण असते. शिवाय ते उष्ण असते. यामुळे त्वचेच्या रोगांपासून मुक्ती मिळवून देण्यास हे तेल लाभदायक ठरते. शरीरावर कोणतेही बॅक्टेरिया किंवा फंगसच्या निर्मितीत अडथळा आणते. शरीराने शोषून घेतल्यानंतर हे तेल आत जाऊन नसांना लवचिक व हाडांना मजबूत बनवण्याचं काम करतं.

(वाचा :- भोपळा आवडत नाही? मग भोपळ्याचे ‘हे’ सौंदर्यवर्धक व आरोग्यदायी लाभ जाणून घ्याच!)

ध्यान व व्यायाम

ध्यानधारणा मानसिक आरोग्यासाठी तर व्यायाम शारीरिक आरोग्यासाठी अत्यंत गरजेचं व फायदेशीर असतं. या दोन्ही क्रिया आयुर्वेदाची देण आहेत. याचा नियमित अभ्यास केल्याने शरीर हरत-हेच्या रोगांपासून मुक्त राहू शकते. त्यामुळे आपल्या दैनंदिन जीवनात ध्यानधारणा व व्यायामाचा समावेश अवश्य करावा. इथे दिलेले उपाय डॉक्टर दिपेश महेंद्र वाघमारे द्वारे दिले गेले आहेत. ते मेलेनियम हर्बल केअरच्या कार्यकारी चिकित्सा सल्लागारच्या पदावर कार्यरत आहेत. सोबतच आयुर्वेदाचे जाणकार देखील आहेत. त्यांचं म्हणणं आहे की, जे लोक वर दिलेल्या उपायांचं कटाक्षाने व नियमित पालन करतील ते लोक आजन्म उर्जावान राहू शकतात. सोबतच गंभीरातील गंभीर आजाराला लढा देण्याची व जिंकण्याची क्षमता त्यांच्या शरीरात विकसित होते.

(वाचा :- महिलांसाठी वेट लॉस करणं अवघड तर पुरुषांसाठी का असतं एकदम सोपं?)


Source link

You may also like...

Leave a Reply

Your email address will not be published. Required fields are marked *